Foonswendelary het onlangs die rooi ligte laat aangaan op Tygerberg en die res van kampus mag dalk ook onder dié slim bedrieërs deurloop. Wees asseblief bewus van hierdie foonswendelary wat sommige slagoffers reeds honderde rande gekos het.
Bedriëers gebruik verskeie bekende handelsmerke, byvoorbeeld Microsoft, as ‘n front om mense te oortuig dat iets verkeerd is met hulle rekenaars. Hulle beweer dat hulle werknemers is van die Windows Hulptoonbank, Windows Dienssentrum, Microsoft Tegniese Ondersteuning Microsoft Ondersteuning, Windows Tegniese Afdeling Ondersteuningsgroep en selfs Microsoft se Navorsing- en Ontwikkelingspan.
Die plan werk as volg:
Iemand, wat voorgee om ‘n verteenwoordiger van Microsoft, een van sy handelmerke of ‘n derde party gekontrakteer deur Microsoft, te wees, deel die gebruiker mee dat hulle ‘n rekenaarprobleem of virus ondersoek wat Microsoft opgespoor het. Om die “virus” te verwyder word daar sagteware deur die sogenaamde tegnikus installeer en die kwaadwillige sagteware vang sensitiewe data, soos gebruikersname en wagwoorde van jou aanlynbankdienste vas. Jy sal waarskynlik ook later ‘n fooi gevra word om die sagteware te verwyder.
As die slagoffer die “tegnikus” se instruksies volg, kry sy rekenaar `n verbinding met `n webwerf wat die krimineel toelaat om beheer oor die rekenaar te neem, verstellings te maak en die rekenaar dan juis blootgestel te laat.
(INLIGTING VERSKAF DEUR DAVID WILES)
Tags: sekuriteit