Klasloop, noukeurige notas neerpen en ure in `n biblioteek spandeer is vandag nie meer vereistes as jy jou lyf student wil hou nie. MOOCs, of te wel “massive open online courses” is reeds die afgelope vyf jaar beskikbaar, maar is steeds populer en met goeie rede. 

`n MOOC is `n aanlynkursus wat gemik is op grootskaalse, interaktiewe deelname en oop toegang deur middel van die internet. Buiten tradisionele kursusmateriaal soos videos, leeswerk en vraagstukke, word `n gemeenskap gebou vir studente en akademici met die hulp van interaktiewe gebruikerforums. 

Oop, aanlyn kursusse  is `n onlangse toevoeging tot afstandsonderrig en bied `n gratis of lae koste alternatief tot konvensionele tersiêre onderrig wat voorheen nie vrylik aan almal beskikbaar was nie. Toonaangewende universiteite soos Stanford, MIT, Yale en Harvard bied reeds MOOCs aan en  gee aan enigiemand die geleentheid om te studeer aan `n voortreflike akademiese instansie.

MOOCs het geen formele toelatingsvereistes of beperking op inskrywings nie en miljoene leergieriges maak reeds gebruik van dié oop platform. Coursera, die huidige voorloper vir MOOCs, beweer dat hulle reeds meer as 3 miljoen gebruikers het.  

As jy belangstel daarin om jou kennis te verbreed – of dit nou iets lukraak is soos `n kursus oor kriptopgrafie of meer prakties soos finansiële beplanning, loer gerus na die webwerwe onder. Daar sal sonder twyfel iets wees wat jou belangstelling aanwakker.  

Lees ook MOOC News and Reviews se gedetaileerde artikel oor MOOCs, “What is a Massive Open Online Course Anyway?”. TED talks het ook `n volledige lys praatjies beskibaar oor MOOCS.

MOOC-KURSUSSE

https://www.coursera.org/
http://www.saylor.org
http://www.futurelearn.com
http://www.mooc-list.com/
http://www.class-central.com/
http://www.educause.edu/library/massive-open-online-course-mooc

[BRON: www.wikipedia.org]

This entry was posted on Maandag, April 20th, 2015 at 12:00 nm and is filed under Konnektiwiteit, Opleiding. You can follow any responses to this entry through the RSS 2.0 feed. Both comments and pings are currently closed.