Language:
SEARCH
  • Onlangse bydraes

  • Kategorieë

  • Argiewe

E-boeke – lees se toekoms?

In die eerste helfte van 2013 het `n derde van boekverkope in Amerika bestaan uit e-boeke. Menige bibliofiel het slapelose nagte oor die toekoms van gedrukte boeke en statistieke soos bo genoem is nie goeie leesstof vir insomnia-lyers nie.

`n Opname vroeër die jaar deur Surveymonkey behoort tot `n mate gerustellend te wees vir liefhebbers van gedrukte boeke. Die maatskappy het `n steekproef gedoen met 300 Amerikaanse lesers om te bepaal wat hul voorkeure is.

Resultate was onverwags in die guns van gedrukte boeke en het aangedui dat 40% van die groep slegs gedrukte boeke koop, 50% koop beide elektronies en gedruk, terwyl `n skrale 10% slegs e-boeke aankoop. 

Nostalgie en gerief word as hoofredes vir die voorkeur van tradiosionele boeke aangevoer. Lesers wil papier en ink ruik en die klank van `n bladsy wat omblaai hoor. E-boeke kan nie met die tasbare kompeteer nie, hoewel vervaardigers hard probeer om dit op ander wyses in e-lesers in te bou.

Gemak is ook die grootste rede waarom lesers e-boeke lees.

Met die koms van die e-boek is dit makliker as ooit tevore om in te haal met jou leeswerk terwyl jy oppad is. E-lesers is lig en kan meer as 1000+ boeke bevat. Perfek vir die besluitelose reisiger wat `n hele biblioteek tot sy beskikking nodig het. 

Herbenewens leen e-boeke hulle tot groter interaksie met lesers. Skakels na webwerwe kan ingebou word, bladsye kan geboekmerk word, gedeeltes gemerk en die betekenis van `n woord kan, deur middel van `n ingeboude woordeboek, vinnig opgespoor word.

Interaktiwiteit word egter `n nadeel asdit by e-boeke vir kinders kom. Die Joan Ganz Cooney Center in New York het in 2012 navorsing gedoen oor die effektiwiteit van e-boeke vir geletterdheid. (http://www.theguardian.com/books/2012/jun/07/enhanced-ebooks-bad-for-children?CMP=twt_gu)

E-boeke met addisionele, interaktiewe funksies het kinders se konsentrasie belemmer en hul aandag in so `n mate afgetrek dat minder van die storielyn onthou en weergegee kon word. Gedrukte boeke was voordelig vir die aanleer van geletterdheid met behulp van saamleestegnieke. E-boeke, spesifiek interaktiewe e-boeke, was meer suksesvol om kinders betrokke te kry en aan te moedig om fisies deel te neem aan die leesproses. 

Daar is areas waar die e-boek loshande voorloop, maar op die keuse van formaat word bepaal deur lesers se voorkeure en behoeftes.

Miskien moet ons nie een formaat bo die ander kies nie – beide het voordele en kan aanvullend tot mekaar wees. Geletterdheid moet eerder die fokus moet wees  –  op watter wyse dit ookal bewerkstellig word.

 

[BRONNE: www.wordalivepublishers.comwww.theguardian.com
www.surveymonkey.comwww.spreeder.com
www.digitaltrends.com]

4 Responses to “E-boeke – lees se toekoms?”

  1. Sonja van der Westhuizen says:

    Dankie prof Grundlingh – waardeer die terugvoer.

  2. Theo Pepler says:

    “E-books with enhancements hampered with children’s concentration and distracted them to such an extent that they could recall and convey less of the actual story line.”

    Would the same not perhaps be true for adults?

    Perhaps it is an issue of self-discipline, but in my experience hyperlinks (or most material “enhanced” with links to different sources/webpages/etc.) is detrimental to concentration and deep reading (and consequently the learning process in general).

  3. David Wiles says:

    I have used 3 e-Readers. The Amazon Kindle Paperwhite, the Kindle Fire HD and the Kobo eReader. All are very good and almsit take away the need for books at all. All come in at UNDER R2500. Kindle eBooks are a lot cheaper than printed books and when you buy them you are reading them 30 seconds later, no waiting for delivery from the post office! A very good tool for ANY student to have!

  4. Albert Grundlingh says:

    Thank you. Most informative.

 

© 2013-2024 Disclaimer: The views and opinions expressed in this page are strictly those of the page author(s) and content contributor(s). The contents of this page have not been reviewed or approved by Stellenbosch University.