Deesdae neem al wat leef en beef ‘selfies’ – bekendes, politici, musikante … Die woord word so algemeen gebruik, die Oxford English Dictionary monitor dit reeds vir moontlike insluiting by sy aanlyn weergawe. In 2012 is dit deur Time magazine as een van die jaar se Top 10 gonswoorde beskou.
`n ‘Selfie’ word gedefinieer as `n selfportret, geneem met `n handtoestel (`n digitale kamera of selfoon) `n armlengte weg. Dit word gewoonlik op sosiale netwerke soos Twitter, Instagram of Facebook versprei.
Die neem van selfportrette het reeds in die vroeë 2000’s populêre geraak met die “MySpace pic” – `n onprofessionele foto wat normaalweg voor `n spieël geneem is. Ook Flickr het in 2009 die woord begin gebruik om die eindelose fotos wat tienermeisies van hulleself op dié netwerk geplaas het, te beskryf.
Maar is ‘selfies’ regtig so `n nuwe verskynsel soos ons dink?
[Foto: Twitter / @TheRealBuzz]
Ruimtevaarder Buzz Aldrin beweer hy het die eerste ‘selfie’ geneem in 1966 toe hy, as deel van `n opleidingsessie in 1966, homself afgeneem het.
Ongelukkig vir Mnr Aldrin was daar iemand wat hom voorgespring het 127 jaar tevore. In 1839 het Robert Cornelius, `n Amerikaanse baanbreker in fotografie, homself afgeneem. Ander historiese selfportrette sluit Joseph Byron (1909) en die Russiese hertogin Anastasia Nikolaevna (1914) in.
Sommige sê die fenomeen is `n aanduiding van die self-gesentreerde samelewing waarin ons leef – ander beweer dit dui op ons toenemende tegnologiese ingesteldheid. Hoe dit ookal sy en wat jou opinie daaroor is, ‘selfies’ is, vir nou, hier om te bly. Tot die volgende tegnologiese gril in elk geval.
[
BRON: www.wikipedia.org]
Tags: selfie