Binne die afgelope twee weke was ten minste reeds 3 insidente waar phishing e-posse na US-personeel gestuur is. Alhoewel ons telkens gebruikers probeer waarsku teen spesifieke e-posse en dit ook, sodra ons bewus is daarvan, blokkeer op bedienervlak, is dit bykans onmoontlik e-posgebruikers teen elke moontlike aanval te beskerm.
Die onus berus by die e-posgebruiker om uit te kyk vir die gevaartekens en self te bepaal of dit wel pespos is. Ongelukkig is dit wel 99% van die tyd en as jy enigsins twyfel of jy op `n skakel moet kliek, moet dit liewer nie doen nie. Gaan direk na die instansie se webblad en teken van daar aan of skakel eerder die maatskappy of bank self om te bevestig.
Die nuutste voorbeeld hiervan is `n e-pos wat voorkom of dit van Discovery kom en natuurlik iets belowe – hoe anders sal hulle jou dan kan vang? Kyk ook uit vir slegte spelling, grammatika en formatering. Die skakels mag oortuigend lyk, maar as jy met jou muis daaroor beweeg, is dit regtig Discovery se webadres. Bloot uit hierdie twee observasies, kan jy dadelik vasstel dat dit `n phishing-poging is. Lees meer oor hoe om hierdie tipe e-posse uit te ken hier.
Vee die e-pos dadelik uit en moenie op enige skakels kliek of enige inligting invul nie. Indien jy dit wel gedoen het, verander onmiddellik jou wagwoord en PIN-nommer en kontak die instansie self. Jy kan ook ‘n e-pos aan sysadm@sun.ac.za met die Subject: SPAM stuur en die verdagte e-pos met Insert Item aanheg. Sodoende kan IT se stelseladministrateurs die e-pos blok en ander personeel daarteen beskerm word.
VOORBEELD VAN “PHISHING” E-POS:
|
FROM: DiscoveryCard <discoverycards@discovery.co.za> — Attention Valued Customer, Your Discovery Card was credited with 7000 Miles (R700) as a reward for been a loyal customer last 2 weeks today ( Final notice) , but you did not claim it, we are giving you another chance. Follow the instructions below:-
Regards, Discovery Miles Team
|
