Language:
SEARCH
  • Onlangse bydraes

  • Kategorieë

  • Argiewe

Office Mix – Powerpoint, net beter

Soos die behoefte aan `n ryker leerondervinding toeneem, is daar ook `n beweging na sagteware, toepassings en webwerwe wat meer interaksie en samewerking tussen studente en opvoeders wil aanmoedig en bevorder.

office mix2

Daarom is dit glad nie verbasend dat Microsoft `n voorloper in die veld is en verlede jaar hul eie poging, Office Mix, bekendgestel het nie. Volgens Microsoft is Office Mix ontwikkel om opvoeders by te staan met die implementering van nuwe leermetodes met `n eenvoudige sagtewarepakket soos PowerPoint. Dit bied dieselfde voordele aan die e-Leer samelewing as die industrie-standaard verpakking van digitale leerinhoud, met die hulp van SCORM (Sharable Content Object Reference Model)

Met funksies soos stem, video, digitale ink, meningsopnames en interaktiewe toepassings, insigte en analises en terugspeelfasiliteite op enige toestel, beloof hierdie PowerPoint byvoeging om gewone skyfies te verander in interaktiewe aanlyn-lesings en aanbiedings.

Onderwysers of lektore kan hulleself opneem terwyl hulle klas gee en `n video maak van die aanbieding. Hulle kan skryf op die skyfies deur middel van “digitale ink” en vasvrae, meningspeile, video, skermgrepe, skermopnames en ander elemente byvoeg. Studente kan weer op die beurt na die interaktiewe dokument op die Office Mix webwerf gaan kyk.

Analise van die aanbieding is ook moontlik aangesien statistieke beskikbaar gestel word deur Mix.

Om Office Mix te gebruik, het jy Office 2013 of Office 365 nodig. Jy kan dit nou plaaslik aflaai van IT se ondersteuningswebwerf

[BRON: www.pcworld.com; www.microsoft.com]

 

Comments are closed.

 

© 2013-2024 Disclaimer: The views and opinions expressed in this page are strictly those of the page author(s) and content contributor(s). The contents of this page have not been reviewed or approved by Stellenbosch University.