Language:
SEARCH
  • Onlangse bydraes

  • Kategorieë

  • Argiewe

Konnektiwiteit

Microsoft Teams vergaderingopnames nou gestoor in OneDrive en SharePoint

Woensdag, Oktober 7th, 2020

Wat beteken dit?

Microsoft het besluit om die stoorpoel vir opnames van Teams aanlynvergaderings te verander van Microsoft Stream na OneDrive en SharePoint (ODSP). Hierdie verandering sal binne die volgende paar maande plaasvind en meer inligting sal op ʼn latere datum bekendgemaak word. 

Hoe beïnvloed dit Universiteit Stellenbosch?

Die verandering beïnvloed ons organisasie op verskeie wyses:

  • Nuwe funksies

Die skuif na SharePoint stel nou funksies beskikbaar waarvoor daar reeds ʼn geruime tyd gewag word. Dit sluit die vermoeë om inligting te deel met eksterne persone en gaste; sprekertoekening; transkripsie-soektogte met verdere funksies wat in 2021 verwag word. 

  • Stoor van vergaderings

Vergaderings wat nie in die channels plaasvind nie, sal gestoor word in die OneDrive-stoorspasie van die persoon wat die opnameknoppie gedruk het. Dit sal gestoor word in `n spesiale lêer wat Recordings genoem word. Channel-vergaderings sal gestoor word in die Recordings-leêr onder ʼn l lêer genoem na die Team se document library.

  • Regte

Alle uitgenooides na die vergadering – behalwe eksterne gebruikers – in nie-channel vergaderings sal outomaties ʼn gedeelde skakel van die opname van die vergadering. Die organiseerder van die vergadering of die persoon wat die opname aktiveer het sal pertinent eksterne gebruikers moet byvoeg by ʼn gedeelde lys. Vir channel-vergaderings sal regte geërf word van die eienaars en lede in die channel

Wat moet ek doen om voor te berei?

Vir nou hoef jy as gebruiker niks te doen nie. Hierdie is ʼn geoutomatiseerde proses wat op bedienervlak implementeer word.

Informasietegnologie sal hierdie funksies eers deeglik toets voordat enige implementasie gemaak sal word op die gebruikersomgewing. Meer informasie sal gekommunikeer word op ʼn latere datum. 

[ARTIKEL DEUR BRADLEY VAN DER VENTER]

(English) Teams: Useful links

Dinsdag, Augustus 4th, 2020

Jammer, hierdie bladsy is nie in Afrikaans beskikbaar nie.

OneDrive for Business

Maandag, Junie 22nd, 2020

Wat is OneDrive for Business?

OneDrive for Business is Microsoft se lêer-bergingsdiens wat jou toelaat om werk-lêers te stoor, deel met kollegas en sinkroniseer. Dit voldoen aan internasionaal erkende inligting-sekuriteitstandaarde, maar dit bly steeds jou verantwoordelik om dit veilig en verantwoordelik te gebruik.  

Hoekom OneDrive for Business?

  • Dit verskaf 5TB wolk-stoorspasie aan elke personeellid en student. Dit beteken dat jy oorgenoeg spasie het om jou dokumente te stoor.
  • Jou data sal beskikbaar wees vanaf enige plek, enige tyd en met enige toestel wat aan die internet verbind is. 
  • Jou dokumente sal gerugsteun en veilig wees indien jy probleme ondervind met jou apparatuur of indien dit verlore raak of gesteel word. 

Hoe kry ek toegang tot OneDrive for Business?

Alle personeel het reeds outomaties toegang tot OneDrive en toegang kan gekry word op die volgende wyses:

  • OneDrive desktop-toepassing

Indien jy nie toegang het tot die OneDrive for Business-toepassing nie, kan jy dit hier aflaai: https://microsoft.com/en-za/microsoft-365/onedrive/download.

  • Web-koppelvlak

Teken aan by Office365 met jou e-posadres en wagwoord.

  • OneDrive is ook toeganklik via die my.sun portal deur te kliek op die Office365-skakel of te soek vir Office365 in die soek-veld.

Wat as ek OneDrive personal, Dropbox of ander wolkopsies gebruik? 

Jy kan aanhou om dit te gebruik, maar dis baie belangrik dat jy hierdie opsies slegs vir persoonlike data gebruik.

OneDrive for Business en SharePoint online is beskikbaar onder die US Microsoft lisensieooreenkoms vir stoor en deel van institusionele data. Stoor en deel van institusionele data word nie toegelaat op Dropbox, OneDrive personal of enige ander wolk-stoorspasie nie. 

BELANGRIK:

  • Raak vertroud met kopiereg-regulasies. Maak seker jy weet wat jy aanlyn mag stoor en deel. US kopiereg-ooreenkomste sluit nie die stoor en deel van dokumente wat beskerm word onder kopiereg op OneDrive for business, SharePoint online of enige ander publieke stoorspasies in nie.
  • Jy is ten volle verantwoordelik vir jou inligting.  Wees versigtig vir wie jy regte en toegang gee, aangesien dit jou inligting blootstel indien dit sigbaar is vir die verkeerde persone.
  • Jy is verantwoordelik vir die sinkronisasie tussen aanlyn en plaaslike data. Sinkronisasie tussen aanlyn en plaaslike data moet korrek opgestel word en gereeld gedoen word. 
  • Terwyl jy op kampus is, sal die gebruik van wolkdienste niks kos nie, maar as jy weg van kampus is word jou eie datakostes gebruik. 
  • Indien `n personeellid bedank of `n student die universiteit verlaat, sal hulle nie meer toegang hê tot die inligting wat op hulle OneDrive-spasie gestoor is nie. Verwyder alle data vanaf jou Microsoft One Drive stoorspasie en kopiëer dit op jou eksterne hardeskyf of eerder op aanlyn wolk-stoorspasie, byvoorbeeld Google Drive of Drop Box oordat jy die universiteit verlaat.

Meer inligting:

https://www.agileit.com/news/benefits-of-microsoft-office-365-onedrive-business-collaboration/

Koshuis WiFi-hernuwingsprojek

Maandag, Februarie 3rd, 2020

Informasietegnologie se netwerk-infrastruktuurspan het oor die afgelope twee jaar hard gewerk om te verseker dat alle koshuise op US-kampusse voldoende toegerus is om effektiewe WiFi netwerktoegang aan studente te verskaf. 

Soos die hernuwingsprojek einde se kant toe staan kyk ons na wat ons bereik het en ’n paar syfers verskaf. 

Bykans 1500 WiFi-toegangspunte is geïnstalleer waarvan 571 oor die afgelope Desember/Januarie vakansie. Die laaste, uitstaande WiFi-punte sal gedurende die Junie/Julie vakansie installeer word. 

Die volgende aantal WiFi-punte is oor die vakansie installeer: 

Stellenbosch-kampus:

Huis De Villiers               67

Dagbreek                          89

Metanoia                          186

Huis McDonald              37

Helderberg se installasies sal voltooi word teen die einde van Februarie, terwyl Minerva geskeduleer is vir Junie. Weens konstruksie was installasies by Goldfields nie moontlik nie, maar is dit geskeduleer vir wanneer konstruksie voltooi is. Vir meer detail oor WiFi-dekking op Stellenbosch-kampus, sien die kaart onder. 

Tygerberg-kampus:

Franci van Zyl                   67

Hippokrates                     78

Elektiewe studente         15

Meerhof word tans voltooi.

Worcester-kampus:

WiFi vir die hele gebou is opgeknap  32

 

 

Impak van die internet kabelbreuk op Universiteit Stellenbosch

Maandag, Januarie 20th, 2020

Die probleme met internetspoed wat Suid-Afrikaners tans ervaar is reeds vir weke lank in die nuus. Maar hoe het dit ons eie Universiteitsgemeenskap beïnvloed? 

Die kort antwoord is dat ons, in die meeste gevalle, hoegenaamd nie ʼn degradasie in netwerkverrigting opmerk nie. Hoe is dit moontlik, wonder jy dalk? Die rede lê by TENET, die diensverskaffer vir die tersiêre opvoedingsektor, se oortolligheidsontwerp van ons internasionale stroombane. Wanneer ʼn spesifieke netwerkstroombaan, om watter rede ookal, gebreek is – soos die Wes-Afrika kabel (WACS) op die oomblik – word die universiteit se internetverkeer soomloos herlei deur ʼn ander stroombaan, Seacom, wat langs die Oos-Afrika kus loop. 

Vanselfsprekend word die risiko van ʼn volslae netwerkonderbreking verhoog deur die huidige onbeskikbaarheid van die WACS (en SAT3), maar so ver het ons dienste beskikbaar gebly sonder enige glipse. Dis ook duidelik sigbaar op die grafiek onder wat deurlopende internetverkeersvloei, 100% koppelvlakbeskikbaarheid van die netwerk, ekstra beskikbare kapasiteit en geen netwerkfoute aandui. 

Ander netwerkdiensverskaffers het dikwels nie hierdie vlak van oortolligheid tot hulle beskikking nie en voel meer ernstig die impak van die kabelbreuk. Dis ook hoekom IDV’s soos Axxess, Afrihost en ander by tye gesukkel het en hoekom sommige gebruikers verbindingsprobleme tuis of elders as op kampus ervaar het. 

Wanneer sal die situasie weer terugkeer na normaal? Die WACS-kabel aan die kus van die Kongo word tans herstel deur die kabelherstelskip en TENET skat dat die herstelwerk teen 11 Februarie voltooi sal wees.

Vir meer gereelde nuus oor die situasie en inligting oor hoe die herstelproses werk, volg TENET op Twitter.

Click for larger image

TENET internet usage graphs

 

 

© 2013-2024 Disclaimer: The views and opinions expressed in this page are strictly those of the page author(s) and content contributor(s). The contents of this page have not been reviewed or approved by Stellenbosch University.