Tydens die registrasieproses van 2010 was daar onvoorsiene tegniese tekortkomings wat die registrasieproses via die web by tye ernstig ontwrig het. Om herhaling te voorkom het Informasietegnologie en die Afdeling Akademiese Administrasie die afgelope paar maande begin om regstellings te doen.

Die beoogde regstelaksies behels om kragtiger rekenaars en balanseringsapparatuur in plek te plaas, asook om alternatiewe programmatuur konfigurasies en standaarde te gebruik met ook beter moniteringsgereedskap. Korttermyn regstelaksies behels hulpbronne wat binne normale werkswyses geprioriseer sal word vir afhandeling teen spesifieke teikendatums in 2010. Langtermyn versekering vir volhoubare effektiwiteit van die studente inligtingstelsels en portaal word opgeneem in afsonderlike tegniese en organisatoriese strategiese beplannning wat teen einde 2010 ontleed sal word en in die iT Sakeplanne 2011-2013 opgeneem sal word.