Language:
SEARCH

bank e-posse

Office 365 is hier

Vrydag, Julie 22nd, 2016

Weens groeiende studentegetalle en daarmee saam ʼn groeiende tekort aan stoorspasie, moes Informasietegnologie in 2014 die universiteit se e-pos opstelling herevalueer. Gevolglik is studenterekeninge geskuif na Office 365, ʼn wolkgebaseerde diens wat soomloos integreer met die sagteware wat reeds op kampus gebruik word.

Personeel e-posrekeninge is tot dusver plaaslik op ons Exchange-bedieners onderhou en gehuisves. Binne die volgende paar maande word personeel se e-pos, net soos studente s’n, ook na Office 365 migreer.

office365Aanvanklik sal slegs e-posfasiliteite op die wolk gehuisves word, maar in die nabye toekoms sal personeel ook vanaf enige plek toegang tot hul dokumentasie kan kry d.m.v. Office 365 toepassings soos OneDrive, Word, Excel en Powerpoint.

Buiten ʼn welkome toename in e-pos stoorspasie na 50GB, is daar verskeie ander voordele:

  • minder argivering is nodig as gevolg van groter e-pos spasie
  • tydsbesparing en verhoogde produktiwiteit
  • ʼn nuwe, beter aanlyn e-posplatform
  • meer toeganklik en beskikbaar
  • strenger sekuriteit

Dienste sal soos normaalweg voortgaan tydens die migrasieproses en min, indien enige aftyd word voorsien. Rekeninge sal in groepe en per departement geskuif word, sodat so min as moontlik ontwrigting veroorsaak word. Kommunikasie rakende die proses sal fasiliteer word m.b.v. departementshoofde en sekretaresses.

Vir enige navrae, kontak gerus die IT Dienstoonbank by 021 808 4367 of helpinfo@sun.ac.za.

 

SARS e-pos mag gebruikers bedrieg

Dinsdag, Oktober 15th, 2013

Vir die gelukkiges onder ons, is dit weer tyd vir SARS se belastingopgawes. Ongelukkig weet die kriminele elemente dit ook en telkens die tyd van die jaar, ontvang gebruikers e-posse wat klaarblyklik deur SARS gestuur word en `n belasting terugbetaling belowe. Al wat jy moet doen is om op `n skakel te kliek, aan te teken, jou bankrekeningdetails en wagwoord te gee en jy kry jou geld!

Natuurlik is dit `n klassieke geval van “phishing”. Moenie eers reageer, na die webwerf gaan of die aangehegte leêr oopmaak nie, aangesien dit jou banksekuriteit sal blootstel. Hier is `n voor-die-hand-liggende redes hoekom jy dit as `n swendelary moet herken:

1. SARS het jou bankdetails op rekord en dit word op `n sekure bediener en in geënkodeerde formaat gestoor. Hulle het nie nodig om jou weer te vra om jou bankdetails te bevestig of te verskaf nie.

2. SARS sal jou altyd SMS of aan jou `n geregistreerde brief  deur middel van pos stuur om jou in kennis te stel van enige betalings. Hulle sal jou nie kontak d.m.v. `n onsekure medium soos e-pos nie. Buitendien het hulle ook genoeg inligting om jou persoonlik aan te spreek en nie met `n vae  “Dear Taxpayer” nie. 

3. Daar bestaan nie `n returnfund@sars.co.za adres nie.

4. Die aangehegde leêr is gewoonlik `n html (webblad) leêr wat lei na `n vervalste webwerf op `n onwettige bediener erens oorsee.

5. Die bedrag is altyd in die omgewing van R9 250.75

6. SARS sal jou nie op jou universiteitsadres kontak tensy jy dit gegee het as jou primêre adres nie.

Indien jy wel na die webwerf gaan, moenie jou bankrekening-details, kredietkaart-details of wagwoord invoer nie – dit sal aan skelms die kans gee om op jou bankrekening aan te teken deur die internet en beheer te neem oor jou bankrekening. Hulle kan dan hulself as begunstigdes byvoeg, al jou geld in hul rekeninge oorplaas en die bewyse wat hulle impliseer uitvee.

Hierdie tipe e-posse sal nooit ophou nie en dis bykans onmoontlik om dit te blok, omdat die kriminele hulle adresse, details en metodes op `n daaglikse basis aanpas. Die beste verweer is om hierdie e-posse in die junk mail leêr te sit, die domain waarvan dit gestuur word op die swartlys te sit en die e-pos dadelik uit te vee. 

Hoekom hou hierdie kuberskelms aan om hulle e-posse te stuur? Want mense val telkens daarvoor. In 2012 was Suid-Afrika die 5de hoogste land wat “phising” betref, net na Indië, Kanada, Amerika en Brittanje en `n beraamde  R14 miljoen is verlede jaar van Suid-Afrikaners gesteel.

 

[ARTICLE BY DAVID WILES]

Die trojane, bots & zombies val in

Vrydag, Augustus 30th, 2013
Een van die algemeenste navrae wat ons by gebruikers kry, is – “Hoe kry gemorsposversenders my e-posadres?!”. By `n vorige geleentheid het ons gekyk na Repelsteeltjie-aanvalle en die keer kyk ons na `n tweede metode, die gebruik van Trojaanse perde, robotte en zombies. Dit klink nou wel soos iets uit `n fliek, maar ten spyte van hul belaglike name, hou al drie `n gevaar in vir jou as e-posgebruiker.

Kom ons gebruik `n bekende voorbeeld. Jy stuur gereeld e-posse aan jou ma wat onlangs `n rekenaar gekry het. Sy gebruik Outlook of Thunderbird en het dosyne e-posse van jou in haar posbus. Sy’t jou selfs bygevoeg as `n kontak in haar adresboek. Sy kry ook gereeld e-pos van `n verlangse familielid – neef Johan van Australië. Jy en Johan het nie regtig kontak nie, maar jy weet definitief wie hy is.

Verlede jaar, net voor Kersfees, het Johan ‘n baie oulike Kersfees skermskut (“screensaver”) afgelaai wat `n feestelike boom en flikkerende kersies wys as hy weg is van sy rekenaar. Wat Johan egter nie geweet het nie, is dat, terwyl die kersies vrolik geflikker het, die skermskut op die agtergrond besig was met ander aktiwiteite. Die sagteware wat Johan installeer het, het stelselmatig deur sy e-posse, adresboek, webblaaier se kasgeheue en ander leêrs gesoek en elke e-pos adres wat dit kon opspoor, gebêre op `n lys.

Die program het daarna die saamgestelde lys na `n bediener in Rusland versend waar `n kuberkrimineel dit kombineer het met soortgelyke lyste om `n super-lys saam te stel wat oor en oor verkoop kan word. Asof dit nie genoeg was nie, het die program ook boodskappe aan al Johan se kontakte gestuur. Sonder dat Johan bewus was, het sy rekenaar honderde e-posse geskep deur middel van die ge-oeste adresse, saam met die inhoud van die Russiese bediener en dit uitgestuur via Johan se adres en internetkonneksie. Een hiervan het jou ma se e-posadres as versender en joune as ontvanger gebruik.

Ewe skielik kry jy nou e-pos van jou ma oor nagemaakte horlosies en verskeie ander gemorspos. Natuurlik het sy het niks daarmee te doen nie en jy sal waarskynlik nooit uitvind dat Johan se rekenaar eintlik die skuldige party is nie.

Dit was `n kykie in die nare onderwêreld van die Internet waar “botmasters” (die ou in Rusland) “botnets” (besmette rekenaars wat almal aan dieselfde rekenaar rapporteer) beheer of afstandbeheerde zombies (Johan se rekenaar) wat blootgestel is d.m.v. trojaanse perde (die skermskut) of soortgelyke “malware”.

En daar hou dit nie op nie. Die “botmaster” huur gewoonlik net die “botnet” uit aan wie ookal die meeste betaal. Die ewe verdagte fabriek in China wat nog meer nagemaakte Rolex-horlosies wil verkoop kan dit, onder andere, huur om hul e-posse te versprei. Daarna verkoop hy die lys ten duurste aan ander suspisieuse besighede, jou adres ingesluit. 

Met ander woorde, as jou adres opgetel word deur `n “botnet” is die deure wawyd oop. Ongelukkig is daar nie baie wat jy kan doen om dit te voorkom nie, maar jy kan op die volgende let:

  • Moet nooit e-pos aanhangsels oopmaak waarvoor jy nie gevra het nie – selfs al is dit van iemand wat jy ken. As jy wel nuuskierig is, vra vir die persoon of hulle dit gestuur het.  
  • Moet nooit iets aflaai as jy nie self kan verifieer dat dit veilig is nie. Lees eers op daaroor op forums, blogs, webwerwe of vind uit by kenners.
  • Moenie val vir sekuriteitswaarskuwings of video-opdaterings om daai oulike katprentjie te sien nie. As jy dink jy het `n Flash-speler nodig, laai dit af van die webwerf self.
  • Deel hierdie inligting met jou vriende en familie. 
  • Om veilig te speel kan jy meer as een e-posadres gebruik. Kry `n privaat adres vir jou naaste vriende, `n tweede een vir kennisse en gebruik jou sun-adres net vir jou kollegas, nie vir privaat aangeleenthede nie. GMail het byvoorbeeld `n baie goeie gemorsposfilter en dis maklik om ontslae te raak van ongewenste e-posse. 

[BRON: BustSpammers.com & David Wiles]

 

Tyd vir jou rekenaar se kuber-inenting!

Vrydag, November 9th, 2012

Elke jaar gaan jy dokter toe om `n griepinspuiting te kry. Jy moet jaarliks gaan omdat die virus verander en nuwe mutasies ontwikkel. Rekenaarvirusse werk presies dieselfde!

Hier is `n paar handige idees om seker te maak dat die proses so pynloos moontlik verloop. Maar eers vir die belangrikste en mees voor-die-hand-liggendste deel  –

  • Gebruik Anti-virus sagteware – Dis noodsaaklik dat al jou rekenaars een of ander vorm van anti-virus sagteware installeer het. Die sagteware sal alle programme op die rekenaar, leêrs, sowel as e-posse nagaan vir potensiële virusse. Indien die program `n virus ontdek in `n program wat jy besig is om te gebruik, sal dit onmiddellik jou toegang daarheen blok om te voorkom dat die virus versprei.

Vir `n lys van aanlyn, sowel as losstaande anti-virus programme, kyk gerus hier.

  • Dateer jou Anti-virus sagteware op  –  Jou anti-virus sagteware is heeltemal nutteloos as jy dit nie gereeld opdateer en sekermaak dat die nuutste weergawes gelaai en op datum is nie. As jy nie die sagteware opdateer nie, sal dit nie weet van die nuutste virusse, wurms en trojaanse bedreigings wat op gereelde basis in die kuberwêreld vrygestel word nie. As `n nuwe infeksie dus te voorskyn kom, sal die sagteware nie weet dat dit kwaadwillig is nie en jou nie waarsku wanneer dit op jou rekenaar installeer en dit besmet nie.
     
    Dit is dus nodig dat jy ten minste eenmaal `n week jou anti-virus sagteware opdateer (selfs meer as jy verkies) sodat jy beskerm is teen die nuutste bedreigings.  As jy gelukkig is, sal jou anti-virus produk self outomaties opdateer vanaf die internet, maar dis nie wys om dit net blindelings te vertrou nie. Maak eerder self seker dat jou sagteware op datum is. Baie van die gevaarliker virusse en “trojans” kan selfs jou anti-virus sagteware se opdateringsfunksie deaktiveer.
     
  • Installeer `n Anti-Spyware program – Net soos dit nodig is dat jy `n anti-virus program installeer, is dit ook nodig om `n anti-“spyware” program te installeer.
    Hierdie tipe programme word gebruik om jou rekenaar te beskerm teen “spyware”, “dialers”, sagteware wat jou webblaaier oorneem, sowel as enige ander kwaadaardige sagteware.
     
    Die vier aanbevole programme is SuperAnti-SpywareSpybot – Search and DestroyLavasoft se Ad-Aware, en Windows Defender. Tutoriale vir sommige van hierdie programme kan hier onder gevind word:

Hoe om Spybot te gebruik – Search & Destroy vir die verwydering van Spyware , Malware, en Hijackers

 Hoe om Ad-aware te gebruik om Spyware, Malware, & Hijackers van jou rekenaar te verwyder

  • Kommersiële Spyware verwydering- en beskermingsprogramme – As jy meer gemaklik is met `n kommersiële Spyware verwyderingsprogram, gebruik WebRoot se Spysweeper of Lavasoft se  Ad-Aware Professional. Beide is goeie produkte wat waardige toevoegings is tot die arsenaal vir die beskerming van jou rekenaar. (Spysweeper-inligting)
  • Loop af en toe aanlyn `n virusskandering – Ongelukkig is nie alle anti-virusprogramme ewe goed nie. Elke program mag ander infeksies optel wat die ander moontlik nie kan nie. Daarom is dit wenslik dat jy sporadies ook gratis aanlyn anti-virus skandeerders gebruik om seker te maak jou rekenaar is nie besmet met iets wat jou eie anti-virus sagteware nie kan optel nie.  Die drie handigste programme hiervoor is:

Gebruik so elke twee weke een of albei hierdie programme om te sien of jou anti-virus sagteware iets gemis het. Jy sal nie spyt wees nie!

ARTIKEL deur David Wiles, GERGA

Vir gereelde nuus oor die nuutste spam, malware en ransomware, kyk gerus op ons blog.

Waarskuwing: Nuwe SARS, ABSA & eBucks “phishing” e-pos

Dinsdag, September 18th, 2012

Indien jy `n e-pos ontvang wat lyk of dit van ABSA kom insake `n betaling van SARS of oor eBucks, moet onder geen omstandighede op die skakels kliek nie. Hierdie is `n “phishing” e-pos wat poog om jo wagwoord en ander inligting te oes. Verwyder dadelik die e-pos en moenie daarop reageer nie.


From: Absa Bank [mailto:lis@absa.co.z]u

Sent: 18 September 2012 08:29 AM

To: …

Subject: SARS E-filing Payment Received

Dear Client,

A payment has been made into your account from SARS e-filing

In other to process and confirm this payment please do click here to login.

During this process, your RVN will be checked and verified.

Regards,


From: Absa Internet Banking [mailto:payment@absa.co.za]

Sent: 19 September 2012 15:01

To:

Subject: Payment Made To Your Online Banking!!

Absa Bank

Online Payment Made

Dear Customer,

A payment has been made to your account. To view the details of the payment, please click here to login. and enter the RVN that will be sent to your cellphone. please contact our support centreon 0860 123 000 . If you are calling from outside South Africa, call +27 11 299 4701 .

Our consultants are available between 8am and 9pm on weekdays, and 8am and 4pm on weekends and public holidays. 

The Internet banking Team

Moving Forward

Copyright Absa. All rights reserved.

Absa of South Africa Limited (Reg. No. 1962/000738/06). Authorised financial services provider. Registered credit provider (NCRCP15).

Disclaimer and confidentiality note:

Everything in this email and any attachments relating to the official business of Absa Group Limited is proprietary to the group.

It is confidential, legally privileged and protected by law. Absa does not own and endorse any other content.

The person addressed in the email is the sole authorised recipient.

Please notify the sender immediately if it has unintentionally reached you and do not read disclose or use the content in any way.

Absa cannot assume that the integrity of this communication has been maintained nor that it is free of errors, virus, interception or interference.

For our privacy policy or information about the Absa group visit our website at www.absa.co.za.

Absa email disclaimer and confidentiality note

Please go to http://www.absabank.co.za/ site/homepage/emaildisclaimer. html to read our email disclaimer and confidentiality note. Kindly email disclaimer@absabank.co.za (no content or subject line necessary) if you cannot view that page and we will email our email disclaimer and confidentiality note to you.


From: eBucks Credit [mailto:credit@ebucks.com]

Sent: 25 September 2012 11:56 AM

To:

Subject: eBucks Reward: You have earned a eBucks points !!!

Alert

We have detected unusual activity on this account and for your security are temporarily blocking access. To regain access to this account, please click here.

If you are unable to login, contact Member Services at 1-877-786-0722 for further assistance.

 

© 2013-2018 Disclaimer: The views and opinions expressed in this page are strictly those of the page author(s) and content contributor(s). The contents of this page have not been reviewed or approved by Stellenbosch University.