Language:
SEARCH

Outlook

Die vae lyn tussen tussen privaat en professioneel

Woensdag, Februarie 17th, 2016

facebookMicrosoft het onlangs ʼn inprop-program (plug-in) vrygestel wat inligting vanaf jou sosiale netwerkbladsye, byvoorbeeld Facebook en LinkedIn, integreer met Outlook. 

Op die oog af lyk dit na ʼn nuttige stukkie sagteware wat, op ʼn enkele platform, jou op hoogte hou van jou vriende se doen en late. Terselfdertyd kan dit handige inligting verskaf oor potensiële kliënte.

Dit mag egter problematies raak as jou professionele kollegas en kontakte toegang het tot inligting wat jou in die verleentheid kan plaas. 

Outlook is vir die meeste gebruikers ʼn professionele e-pos platform. Met OSC (Outlook Social Connector) deel jy onbewustelik jou persoonlike inligting met jou professionele netwerk. Die lyn tussen jou professionele en persoonlike lewe is skielik minder duidelik.

As jy die OSC installeer het, sal jou sosiale netwerk inligting onderaan die Outlook-venster in ʼn klein People Pane verskyn. Die sagteware kry inligting van jou sosiale netwerke profiele, gebaseer op die e-posadres(se) wat jy gekoppel het aan daardie sosiale netwerk profiel. Die inligting kan profielfotos, statusopdaterings en jou onlangse skrywes, insluit en vind plaas selfs al is jou e-posadresse versteek vir ander gebruikers op sosiale media platforms. Jou sosiale netwerk inligting kan, afhangende van jou sekuriteitsverstellings, gesien word deur OSC-gebruikers vir enigiemand vir wie jy e-pos stuur, selfs al is die OSC-gebruiker nie noodwendig ʼn Facebook vriend nie. 

Die sigbare inligting wat verskyn in die People Pane word bepaal deur die e-posse adresse wat jy gekoppel het aan jou sosiale netwerke en jou privaatheidsverstellings op jou sosiale netwerkrekeninge. 

Om te voorkom dat jou persoonlike inligting deur jou kollegas gesien word deur OSC, verwyder jou werksadres op al jou sosiale netwerk profiele. Sorg ook dat jou privaatheidverstellings so gestel is dat OSC dit nie sal kan optel nie. Byvoorbeeld stel dit dat jou inligting net sigbaar is vir jou vriende en familie, nie public nie.

Onthou om verkieslik ʼn aparte adres, byvoorbeeld Gmail, vir jou persoonlike e-posse aan te skaf en jou @sun adres te gebruik nie. 

Buiten dat die situasie jou in die verleentheid kan bring, kan dit ook ernstige etiese en professionele gevolge inhou. Onthou, enige OSC-gebruiker kan potensieel d.m.v. e-pos alle sosiale netwerk inligting wat aan daardie rekening gekoppel is, sien. Jy deel dalk meer met jou kollegas as wat jy dink. 

OSC is beskikbaar vir Outlook 2003, Outlook 2007, en Outlook 2010, en integreer Outlook se e-pos funksies met sosiale netwerktoepassings soos Facebook, LinkedIn, Windows Live Messenger, and MySpace.

IT beveel nie die gebruik van OSC aan nie aangesien die risikos daaraan verbonde veel hoër is as die voordele wat daaruit geput kan word.

 

[BRON: http://www.primerus.com]

 

Spyt oor daai e-pos?

Dinsdag, September 22nd, 2015

Dalk is jy baie vies vir `n kollega, of erger – jou baas – en wil jy jou frustrasie uitdruk. En dan stuur jy `n e-pos.

Die oomblik nadat jy die send-knoppie gedruk het, besef jy dit was waarskynlik nie so `n goeie idee nie. Vir al die impulsiewes daarbuite het Gmail `n veiligheidsnet ingebou. 

In Junie vanjaar het Gmail die Undo Send funksie geaktiveer. As jy `n tikfout maak of spyt is oor `n boodskap, kan jy dit ongedaan maak deur Undo send te aktiveer. Hierdie verstelling gee jou die opsie om die boodskap wat jy gestuur het te herroep.

Om Undo Send te aktiveer:

  1. Kliek op die rat in die regterkantse hoek bo .
  2. Kies Settings.
  3. Rol af tot by Undo Send en kliek Enable.
  4. Kies die kansellasie-tydperk (die tydperk wat jy het om te besluit of jy die e-pos wil herroep) 
  5. Kliek Save Changes onderaan die bladsy.

Indien jy Undo Send aangesit het in Gmail Labs, sal die Undo Send verstelling by verstek aan wees.

Om jou die geleentheid gee om `n e-pos te herroep, vertraag Gmail die versending vir `n paar sekondes. Sodra die tydperk verby is en die e-pos, soos normaal gestuur is, kan dit nie gestop word nie aangesien dit reeds oorgestuur is van jou e-posbediener na die ontvanger se e-posbediener. As jy nie Undo binne die tydbeperking kies nie, sal jou boodskap gestuur word.

Neem kennis dat Undo send moontlik nie mag werk as jy probleme met jou verbinding het nie.

Vir al die Outlook-gebruikers is daar ook `n oplossing. Outlook het `n opsie op boodskappe te herroep. Net soos met Gmail is daar ook beperkinge op wat jy kan doen met die herroep-funksie. Die sukses of mislukking hang af van die ontvanger se verstellings in Microsoft Outlook. 

Byvoorbeeld, as die boodskap reeds deur die ontvanger gelees is, sal dit nie herroep word nie. Indien dit reeds afgelewer is, sal beide die nuwe en ou boodskappe in die ontvanger se posbus lê. Die ontvanger sal wel ingelig word dat jy, die versender, die boodskap uit sy posbus verwyder het.

Vir volledige instruksies oor die gebruik van Outlook se herroepfunksie, kliek hier. 

 

[BRON: www.howtogeek.com]

Sit `n bietjie krag in jou Powerpoint en Outlook

Vrydag, Oktober 18th, 2013

Volgende week se  Powerpoint en Outlook-opleiding is spesiaal vir Tygerberg-gebruikers. 

As jy `n biejie woema in jou aanbiedings wil sit of wil uitvind hoe om jou Outlook vir meer as net e-posse stuur, te gebruik, sluit by ons aan by Gerga op Tygerberg die 22ste en 23ste Oktober.

Intermediêre Outlook 2010:  22 Oktober     

Customizing Message Options, Organizing and Locating Messages, Setting Calendar Options, Tracking Activities Using the Journal, Managing Tasks, Sharing Folder Information, Customizing the Outlook Environment

Intermediêre Powerpoint 2010: 23 Oktober

Getting Started with PowerPoint, Creating a Basic Presentation, Formatting Text on Slides, Adding Graphical Objects to a Presentation, Modifying Graphical Objects in Presentations, Working with Tables, Working with Charts, Preparing to Deliver a Presentation.

Om in te skryf volg die volgende prosedure. Geen inskrywings kan ongelukkig deur die IT Dienstoonbank namens personeel gedoen word nie.

Nuwe prosedures vir Outlook-opstelling op Android veroorsaak verwarring

Vrydag, Oktober 26th, 2012

Met die onlangse opgradering van Exchange is gebruikers gekonfronteer met `n paar ongewone vrae as hulle e-pos wou opstel op Android-fone. Maar eintlik is dit minder intimiderend as wat dit met eerste oogopslag lyk.

Sodra die standaard Outlook-opstelling gedoen word (kliek hier vir die volledige instruksies), verskyn Activate device administrator “ met `n  lang lys opsies – onder andere Erase all dataChange Screen unlock password, Password recovery . Hierdie boodskap is standaard vir enige opstelling van Exchange/Outlook vir `n Android foon so moenie skrik of bekommerd wees nie.Dit dui slegs aan wat die toepassing alles kan doen. Ander fabrikate/bedryfstelsel fone ondersteun moontlik dieselfde eienskappe, maar vertoon dit nie soos Android aan die gebruiker wanneer die program installeer word nie.

Die teks wat vertoon word is standaard vir die spesifieke Android-toepassing – IT het geen beheer daaroor nie. Dis ook standardpraktyk by verskeie universiteite wat MS Exchange gebruik.

Onder die opsies wat verskyn is die volgende – Erase all data: Perform a factory reset, deleting all of your data without any confirmation. Vanselfsprekend het hierdie opsie veral vrae laat ontstaan. As ons egter na die Exchange-implementasie kyk, is dit duidelik dat die posbuseienaar die enigste persoon is wat die handstuk kan skoonvee.

Hierdie en ook ander voordele en ekstra e-pos funksionaliteit, is na installasie aan die Androidgebruiker beskikbaar op www.sun.ac.za/webmail. In webmail, onder Options -> See All Options -> Phone -> Mobile Phones is daar verskeie funksies beskikbaar aan gebruikers.

Sync Logging: Stel jou in staat om die sinkronisasieproses te ondersoek, te selekteer watter data jy gesinkroniseer wil hê, watter bedieners gebruik moet word, ens.

Remote Wipe: Met hierdie opsie kan jy jou foon se data (kontakte, sms’e, foto’s ens.) afvee, indien dit in die verkeerde hande sou beland. Die foon sal slegs sy oorspronklikr fabrieksopstelling ophê. SLEGS die e-pos gebruiker het regte tot die funksie – niemand anders kan toegang kry nie.

Details: Wys presies watter toestel dit is, model, en sagteware weergawes, ens.

Delete Device: Dit verwyder die verbinding van Exchange se kant af na die toestel.Indien jy dit doen via webmail, sal die persoon wat jou foon het nie weer `n Exchange-opstelling kan doen nie. Jou data bly dus beskerm.

(INLIGTING VERSKAF DEUR FRANCOIS DE KOKER)

Verander jou uitkyk met Outlook

Vrydag, Maart 9th, 2012

Voel dit soms of Outlook jou hele werksdag opneem? Met `n paar eenvoudige veranderinge, kan jy Outlook vir jou laat werk in plaas van teen jou.

Maak jy ook hierdie foute in Outlook?  

Fout nr 1: Jy ontvang `n e-pos en wil vir `n kollega slegs `n gedeelte daarvan aanstuur. Jy selekteer die teks, kopieer dit , maak `n nuwe e-pos oop en plak dit daarin. Of jy stuur die e-pos aan en vee alles uit wat jy nie wil stuur nie.

Fout nr 2:  Om `n nuwe afspraak te skep dubbel-kliek jy die begintyd in jou Kalender, tik die details in, kies die begin en einde-tye in die aftuimellys en kliek “Save and Close”.

Fout nr 3: Wanneer jy Outlook gebruik is die eerste skerm wat jy sien jou Inmandjie. Jou aandag word vir die volgende 30 minute afgetrek deur `n vlaag e-posse en jy mis `n belangrike vergadering.

Fout nr 4: Jy werk in jou Kalender en wil `n nuwe e-pos stuur. Jy kliek op “Mail” en  “New Email”.

Fout nr 5: Jy lees `n nuwe e-pos, los dit vir nou in jou Inmandjie en merk dit as ongelees om jou te herinner dat jy later aandag daaraan moet gee.

As jy hierdie foute maak, kan jy soveel as 3 weke per jaar verloor, omdat daar meer effektiewe maniere is om al hierdie Outlook-funksies te verrig.

Die meeste mense gebruik Outlook slegs vir e-pos en die bestuur van vergaderings. Hulle kry nooit die geleentheid om dit te gebruik as `n middel om produktiwiteit te verbeter en tot 40 minute per dag te bespaar nie.

As jy ook wil leer hoe om die meeste van jou dag te maak met Outlook se hulp, skryf nou in vir ons nuwe 5-uur  Outlook Produktiwiteitswerkswinkel. In die proses sal jy `n gewaarborgde stelsel leer wat jou daaglikse werkvloei effektief sal bestuur.

Vir meer inligting oor hierdie werkswinkel, stuur e-pos aan itkursus@sun.ac.za, lees meer op die wiki of kontak die IT Dienssentrum by 808 4367.

 

© 2013-2018 Disclaimer: The views and opinions expressed in this page are strictly those of the page author(s) and content contributor(s). The contents of this page have not been reviewed or approved by Stellenbosch University.