US haal wêreld-ranglys vir die eerste keer
September 7, 2011 
9 Opmerkings
“Dit is ʼn eerbetoon waarvan ons beskeie kennis neem, maar wat opnuut beklemtoon dat ons toekomsgerigte visie en die aanwending van ons bewese kundigheid om ons aktiewe rolspeling en relevansie globaal uit te bou (met ʼn besondere fokus op Afrika) strategies korrek is.”
Die Universiteit Stellenbosch. Foto: STEFAN ELS.
Dit was die reaksie van prof Russel Botman, Rektor en Visekanselier van die Universiteit Stellenbosch (US) op die nuus dat die US vir die eerste keer die QS World University Rankings, wat pas bekendgestel is, gehaal het. (Kyk na ‘n kort video hier.)
Prof Botman sê dat die uitgangspunt by die US nog altyd was dat die Universiteit nie kompromieë aangaan oor sy akademiese uitnemendheid nie, dat gehalte voorop gestel word, en dat die instansie nie sy programme en akademiese uitsette skoei om rangordes na te jaag nie. “Maar wanneer die US deur die gehalte en statuur van ons onderrig en navorsing internasionaal erken word, het ons die draaipunt bereik van ʼn instansie wat berekend beweeg het van sukses tot beduidendheid in ʼn wêreld-konteks.”
In die QS-verslag wat die top 700 universiteite wêreldwyd uit sowat 2000 instansies aanwys, word die US beskryf as “a new entry… that leap frogged past the Universities of Pretoria and KwaZulu-Natal” en as “…the third-highest ranked university in the region (Africa)”. Inligting wat die US hierdie week ontvang het, verwys slegs na die top 300 universiteite, maar ʼn aanduiding is gegee dat die US onder die top 450 universiteite gereken word. Die volledige lys van die top 700 universiteite word Maandag 12 September bekendgemaak.
“Ek kan met oortuiging sê dat die internasionale gemeenskap toenemend kennis neem van fenomenale hoopskeppende inisiatiewe soos die nanovesel waterfilter en die toonaangewende werk op die terreine van voedselsekerheid, MIV en pediatriese tuberkulose wat aan die US gedoen word – om maar ʼn paar te noem (sien www.diehoopprojek.co.za). As ʼn mens hierby voeg dat ons universiteit in ʼn nasionale opname deur Finweek (18 April 2010) aangewys is as die mees effektiewe Universiteit in die land, en in 2008/2009 die hoogste navorsingsuitsette in die land per akademiese personeellid gelewer het plus die hoogste slaagsyfer onder voorgraadse studente handhaaf (84%), kom die internasionale erkenning as geen verrassing nie,” sê prof Botman.
“Ons bly koersvas in ons strewe om die wetenskap aan te wend om gemeenskappe (ook ver buite ons landsgrense) ten beste te omvorm en mense se lewensgehalte te verbeter. Die sukses wat ons daagliks in hierdie strewe beleef deur die toewyding van ons akademiese gemeenskap, is en bly die grootste getuigskrif van die US se statuur as bouer van hoop.”
Prof Botman voeg by dat ten spyte van al die skeptisisme en bedenkinge oor ranglyste, erkenning gegee moet word aan die mense aan wie hierdie eer te danke is – die US se akademici, navorsers, studente en almal wat ondersteuning gee aan die Universiteit se akademiese sukses.
- Meer inligting oor die QS World University Rankings.
I’m an Old Matie (1983 to 1989) and have been working in business liaison with the top ranking global and British Universities for the past 16 years. The THE and QS rankings are good guides for directing my teams’s time and efforts effectively, so it has been wonderful to see Stellenbosch enter the rankings for the first time. Well done everyone! I will now be working closely with my African counterparts to include Stellenbosch in our global projects.
Yours faithfully,
G. Taylor
Congratulations SU. This is one major reason why I intend to do my PhD with this Institution. The reputation is great.
as an aspiring PG student at Stellenbosch University, i wish to say congratulations and keep up the good work. Aluta Continua, Victoria Ascerta!
as an aspiring PG student at Stellenbosch University, i wish to say congratulations and keep up the good work. Aluta Continua!
Congratulations to the staff, the Maties and ex-Maties. You have all contributed to Stellenbosch University attain this status. As an ex-Matie I am very proud of the achievement and it is for this reason that in 2012 I will be a Matie again.
Congratulations to the university for a job well done. I listened to the rectors interview on s.a fm with pride this morning.i’m proud to be a matie. Stellenbosch University (SU) you are the BEST!!!
Congratulations! As an ex-Matie, as the parent of a current Stb University student, and parent of 2 more potential Matie students, I salute my Alma Mater.
It is indeed heartening to know that the quality and standard of education and research at Stb University is so high.
As the owner of 22 Die Laan Guest House in Stellenbosch I host many academics and other visitors and researchers to the University. This accolade confirms what I’ve been suspecting for a while now, namely that the US has authentic international standing.
Again, I salute you.