US koor wen in Cincinnati

Die Stellenbosch Universiteitskoor onder leiding van André van der Merwe is by die Wêreld- Koorspele in Cincinnati in die VSA as die beste gemengde koor (mans- en vrouestemme) ter wêreld aangewys. Die Universiteitskoor het in hierdie kategorie 93,5% behaal.

Sondagmiddag (Suid-Afrikaanse tyd) is die koor ook as wêreldkampioene in die kategorie Musica Sacra (gewyde musiek) met ʼn punt van 96.88 aangewys. In ʼn derde kategorie waarin die koor deelgeneem het, populêre musiek, het die koor tweede gekom – met slegs ʼn persentasiepunt tussen die wenner en die US Koor. Die koor is tweede geplaas met ʼn telling van 91.25%. Dit is die eerste keer dat die koor in dié spesifieke kategorie deelgeneem het.

Kategorie wenners is tydens verskillende toekenningsgeleenthede wat oor die naweek gehou is aangewys. Die Wêreld Koorspele word as die Olimpiese Spele vir koormusiek beskou.

Dit is die eerste keer in die meer as tien jaar van die Koorspele se bestaan dat dit in die VSA gehou is: www.2012worldchoirgames.com.