Wie is die “Vesta Honorary Society”?

Die Vesta Erevereeniging bestaan eerstens uit alle oud-HK lede (insluitend ex officio aanstellings) van Vesta.

Verder bestaan dit ook uit lede wat uitsonderlike dienste aan die wyk gelewer het (hetsy op sportvlak, kultuurvlak, akademiese of sosiale vlak) asook die ontvanger van die jaarlikse “gentleman of the year”-toekenning.

Die toekenning van lidmaatskap in die tweede geval berus alleenlik by die Erevereeniging.  Dit is wel die hoop dat die Huiskomitee hul nomisasies sal voorlê aan die Erevereeniging.

Wat is die funksionaliteit van die “Vesta Honorary Society”?

Daar is 6 voorgestelde rolle van die Erevereeniging

1. Om die geskiedenis van die wyk te versamel, te bewaar en dit op navraag in ‘n gepaste vorm te verpak.
2. Om ‘n denkskool te wees oor die inskakeling en uitlewing van die wyk se waardes, asook die moontlike uitbreiding daarvan.
3. Om ‘n denkskool te wees vir die toepaslikheid en aard van die Vesta grondwet, om te besin oor die uitbreiding van die grondwet en dit dan voor te lê aan die wyk vir moontlike verandering van die grondwet.
4. Om kontak te behou met die Erevereeniginglede wat nie meer op kampus is nie deur middel van nuusbriewe asook ‘n jaarboek.
5.  Om as ‘n forum te dien vir die organisering van reunies binne die wyk.
6. Om, in die geval van ‘n gelykbreek van stemme in ‘n HK-vergadering, die beslissende te stem te gee via die voorsitter.

Die samestelling van die “Vesta Honorary Society” bestuur?

Gegee die bostaande  rolle word die volgende portefeuljes voorgestel

1. Voorsitter
   • Die voorsitter se rol is as sameroeper van die VHS. Hierdie behels die reël van vergaderings, die sekermaak dat ander portefeuljes gedoen word en die inwin van menings onder die lede.  Verder doen die voorsitter ook ‘n beroep op die HK om HK-vergaderings (dalk tweeweekliks) by te woon.
2. Sekretaris
   • Die sekretaris neem notules van alle VHS sittings en stuur enige korrespondensie met die VHS-lede uit.
3. Argief
   • Die argief-lid bewaar die bestaande argief en verpak dit vir die huis indien hul dit wil gebruik.  Hy is ook verantwoordelik daarvoor om alle resultate en noemenswaardighede (projekte, skakelings, aangeleenthede) by die HK-lede en ander komitees in te win.
4. Grondwet
   • Die grondwet-lid sit aan die hoof van die denkskool oor die Vesta grondwet en is ook verantwoordelik om toe te sien dat die stembuskomitee jaarliks hul pligte nakom.  Dit word ook van hom verwag om alle huisvergaderings by te woon.
5. Eksterne Verhoudings
   • Die lid vir eksterne verhoudings stel die jaarboek en nuusbriewe saam, met die inligting wat die lid van Argief vir hom verskaf, en stuur dit dan deur die sekretaris uit.
6. Reunies

• Die reunies-lid is vanselfsprekend.

Wat is die handelingsbeginsels van die “Vesta Honorary Society”

Die Vesta Erevereeniging is ‘n waardegedrewe gemeenskap wat vanuit die volgende waardes bestuur word

1. Integriteit
2. Diensbaarheid
3. Gelykheid
4. “Chivalry”