Reis sonder mobiele toestelle is deesdae onwaarskynlik — of jy net om die draai in `n koffiewinkel sit en werk of duisende kilometers weg in `n koffiewinkel met gratis Wi-Fi.
Hierdie toestelle maak dit makliker vir ons om verbind te wees met die internet terwyl ons aan die gang is. Dit stoor egter ook heelwat informasie — insluitende kontakte, fotos, videos, liggings en ander persoonlike en finansiële data — van onsself en ook van ons vriende en familie. Hier is `n paar maniere om jouself en ander te beskerm.
Voordat jy gaan:
- As dit moontlik is, moenie jou werk of persoonlike toestelle saamneem as jy internasionaal reis nie. Indien jy moet, verwyder of enkripteer vertroulike data.
- As jy internasionaal reis, oorweeg dit om eerder tydelike toestelle, soos `n goedkoper skootrekenaar en voorafbetaalde foon, te kry. Maak ook eers seker wat die universiteit se beleid is met betrekking tot die gebruik van toestelle wanneer jy reis.
- Installeer opspoorsagteware vir jou toestelle indien dit verlore raak of gesteel word. Maak seker dat dit moontlik is om data uit te vee vanaf `n afstand en dat jy weet hoe om dit te gebruik.
- Maak seker dat enige toestel met `n bedryfstelsel en sagteware ten volle op datum is met sekuriteitsagteware, byvoorbeeld anti-virus.
- Maak kopieë van jou reisdokumente en enige kredietkaarte wat jy saamvat. Los die kopieë by iemand wat jy vertrou, ingeval dit verlore raak of gesteel word.
- Gebruik sterk wagwoorde, kodes en slim-foon raak IDs om jou toestelle te sluit en beskerm.
- Moenie sosiale media gebruik om jou reisplanne bekend te maak nie – jy maak jouself `n maklike teiken vir kriminele. Wag totdat jy tuis is voordat jy details oor jou reis deel.
Terwyl jy daar is:
- Beskerm jouself, jou toestelle en jou identifikasiedokumente (veral jou paspoort) fisies.
- Moenie `n OTM gebruik tensy jy geen ander keuse het nie. Gebruik eerder die teller binne die bank. Indien jy `n OTM moet gebruik, doen dit slegs gedurende die dag en vra `n vriend om vir jou uit te kyk. Kyk ook uit vir steeltoestelle en bedek die sleutelbord met jou hand as jy jou PIN intik.
- Dis moeilik om fotos van jou avonture nie met vriende en familie te deel nie, maar dis beter om te wag totdat jy terug is voordat jy dit op sosiale media sit.
- Moet nooit die beskikbare rekenaars in openbare areas, hotel besigheidsareas of internetkafees gebruik nie – hulle kan reeds gelaai wees met malware en sagteware wat jou sleutelhale opneem. Indien jy `n ander reisigers, kollegas of vriende se toestelle moet gebruik, moenie aanteken by e-pos of enige ander sensitiewe rekeninge nie.
- Wees versigtig vir openbare Wi-Fi netwerke of Wi-Fi toegangsgebied — hulle is nie veilig genoeg nie. Die moontlikheid bestaan dat enigiemand kan sien wat jy op jou rekenaar of toestel doen terwyl jy verbind is.
- Deaktiveer Wi-Fi en Bluetooth wanneer jy dit nie gebruik nie. Sommige winkels en ander plekke soek vir toestelle met dié funksies en speur jou bewegings na as jy naby genoeg is.
- Hou altyd jou toestelle by jou as jy reis. Moenie aanneem dat dit noodwendig veilig is in jou hotelkamer of -kluis nie.
Wanneer jy terug is:
- Verander die wagwoorde wat jy oorsee gebruik het.
- Loop `n volledige anti-virus skandering op al jou toestelle.
- As jy `n kredietkaart gebruik het met jou reis, gaan jou maandelikse state vir tot `n jaar later na vir enige teenstrydighede.
- As jy toepassings afgelaai het vir jou reis en dit nie meer nodig het nie, vee dit en die gepaardgaan data af.
- Nou kan jy uiteindelik jou fotos op sosiale media plaas en jou reis van vooraf geniet.
Lees ook die New York Times se artikel, “Traveling Light in a Time of Digital Thievery”. En het jy nog veiligheidwenke nodig? Kyk na hierdie vier-minuut Travel Channel video, wat verduidelik hoe jy diefstal, Wi-Fi krakers en gevaarlike hotelle kan vermy. .
[BRON: www.educause.edu]
Tags: sekuriteit