Language:
SEARCH
  • Onlangse bydraes

  • Kategorieë

  • Argiewe

Elektronika-tekort kortwiek verskaffers

Indien jy verlede jaar `n skootrekenaar of ander apparatuur bestel het, sou jy waarskynlik agtergekom het dat aflewering langer as gewoonlik neem. Hierdie ongerief word veroorsaak deur `n wêreldwye tekort aan elektronika. Selfs die administrasie van President Joe Biden moes erken dat hulle planne om die Amerikaanse ekonomie spoedig te herstel deur tekorte in elektronika soos rekenaarskyfies aan te spreek, gekortwiek is. 

Dell en Lenovo, die twee maatskappye wat deur die Universiteit aangestel as verskaffers vir skootrekenaars en tafelrekenaars, het ons ook in kennis gestel van die vooraadtekort. Lenovo is deur hulle vervaardigingsfabrieke ingelig dat daar deurlopende tekorte is in die globale mark. Dis reeds die geval vir die grootste gedeelte van 2020, maar is vererger deur die COVID19-pandemie. 

Dell, sowel as ander IT-vervaardigers en OEM-verskaffers ondervind ernstige komponent-tekorte vir hulle notebook-reeks, soos LCD-skerms en CPUs, wat lei tot verlengde afleweringstye. Hierdie situasie is veroorsaak deur etlike faktore, insluitende groeiende behoeftes as gevolg van tuiswerk, sowel as tekorte by fabrieke. 

`n Meer gedetailleerde verduideliking kan hier gevind word.

Ons waardeer jou geduld. Ongelukkig bevind ons onsself in ongewone omstandighede buite ons beheer, maar wees verseker dat ons ons bes probeer om seker te maak dat julle bestellings so gou as moontlik afgehandel word. 

 

Comments are closed.

 

© 2013-2021 Disclaimer: The views and opinions expressed in this page are strictly those of the page author(s) and content contributor(s). The contents of this page have not been reviewed or approved by Stellenbosch University.