Internet
(English) Email security
Vrydag, Maart 31st, 2023
Aflaai van onwettige flieks en reekse kan beboet word
Donderdag, Mei 20th, 2021
Met `n vinnige internetkonneksie en onbeperkte, “gratis” internet is dit vandag moontlik om die nuutste flieks en reekse af te laai. Indien jy nie `n betaal stroomplatform gebruik nie, is dit ook onwettig. Verder, as jy die universiteit se toerusting en/of netwerk gebruik, is dit `n oortreding van die Elektroniese Kommunikasiebeleid – `n beleid wat elke student en personeellid onderteken wanneer hulle jaarliks netwerktoegang heraktiveer word. Gevolglik kan jou netwerktoegang ook opgehef word as jy onwettige materiaal aflaai en aan ander gebruikers verskaf.
Tot `n paar jaar gelede het TV-netwerke en filmmaatskappye nie te veel moeite gedoen om die aflaai en verspreiding van onwettige flieks en reeks te kniehalter nie. Dit was eenvoudig te moeilik en nie koste-effektief nie. Dis egter nie meer die geval nie.
Informasietegnologie ontvang gereeld e-posse van maatskappye soos Warner Bros. en Columbia Pictures wat aandui dat onwettige, kopiereg materiaal afgelaai en versprei word vanaf IP-adresse binne die universiteit se netwerk. Hierdie e-posse sluit die presiese IP-adres wat die onwettige materiaal afgelaai het, sowel as die naam van die materiaal wat afgelaai en versprei is, in. IT word gevolglik genoodsaak om die persoon aan wie die adres behoort te kontak en `n skriftelike waarskuwing te gee.
Die verspreiding (seeding) van kopieregmateriaal sonder `n lisensie is beide `n kriminele en siviele oortreding in Suid-Afrika, selfs al is die verspreiding oor BitTorrent. In Suid-Afrika, onder die Kopiereg Wet van 1978, kan dié oortreding jou in die tronk laat beland vir tot 5 jaar en `n boete van tot R10,000 vir elke item wat jy versprei.
Tussen 2010 en 2012, is 200,000 mense gedagvaar vir die oplaai en aflaai van kopieregmateriaal deur BitTorrent.
So, voordat jy die nuutste episode van jou gunsteling reeks gou aflaai, oorweeg eers mooi of jy die kans wil waag. Dis dalk veiliger om van `n wettige diens soos Netflix of Showmax gebruik te maak.
MEER INLIGTING:
Hoe werk BitTorrent en “seeding”?
http://en.wikipedia.org/wiki/BitTorrent
http://www.bittorrent.com/help/guides/beginners-guide
WiFi-toegang met eduroam
Donderdag, April 8th, 2021Sedert die begin van die jaar is MatiesWifi nie meer beskikbaar aan personeel en studente vir toegang tot WiFi op kampus nie. In plaas van MatiesWiFi moet gebruik gemaak word van eduroam vir enige WiFi-verbinding. Hierdie verandering is hoofsaaklik gemaak om sekuriteitsredes. Meer inligting.
Om sekuriteit verder te verbeter, asook om te voldoen aan eduroam se GEANT-riglyne, was dit nodig dat ons `n nuwe sekuriteitsertifikaat implementeer. Hierdie sertifikaat sal lei tot beter werkverrigting en voortaan ook die aantekenproses bespoedig.
Wanneer jy verbind aan eduroam met `n Windows-toestel (afhangende van die weergawe) sal jy `n kennisgewing kry kry. Dit sal slegs eenmalig gebeur. Kliek op Connect en gaan voort soos gewoon. Soortgelyke boodskappe sal ook verskyn as jy op toestelle werk met Linux of Apple bedryfstelsels.
NB. Neem kennis dat jy jou volle sun e-posadres moet gebruik wanneer jy aanteken op eduroam.
Totsiens Inetkey
Maandag, Maart 1st, 2021Tot onlangs moes US-personeel en -studente Inetkey gebruik om toegang tot die internet te verkry. Hierdie toepassing het opgetree as beide hekwagter en verrekeningstelsel vir internetgebruik.
Aan die einde van 2019 het die US Raad saam met die jaarlikse begroting, ook ʼn nuwe internetmodel goedgekeur. Hierdie besluit het die projek vir die uitfasering van Inetkey afgeskop.
Die Finansies-komitee het besluit op die heffing van ʼn jaarlikse fooi en op R674.00 (R57.83 per maand) vir 2021. Dit behels dat personeel se internetkostes voortaan ingesluit word in die jaarlikse gebruikersnaam-aktiveringsfooi.
Die Inetkey-projek het ook die vervanging van die ou firewall ingesluit. Gedurende die naweek van 19 Februarie is die verouderde firewall, wat ons reeds vir dekades gebruik vir toegang na die internet, vervang en gevolglik het die nut vir Inetkey ook verval.
Sedertdien is Inetkey nie meer nodig vir toegang na die internet nie en vanaf 15 Maart sal dit ook ʼn foutboodskap wys indien jy dit probeer gebruik. Jy kan dus die Inetkey-toepassing van jou toestelle verwyder.
Verander jou wagwoord aanlyn
Donderdag, Februarie 25th, 2021In die verlede was die IT Dienstoonbank die eerste plek wat jy gekontak het as jy jou wagwoord vergeet het (ons weet, dit gebeur met ons ook!) of as jy dit sommer net wil verander. Deesdae kan die Dienstoonbank ongelukkig nie meer wagwoorde verander nie weens sekuriteitsrisikos en baie streng data beskermingswette. (Jy kan hier meer lees oor die universiteit se eie Dataprivaatheidsregulasie)
Ons wil graag personeel en studente aanmoedig om voortaan van die Wagwoord Selfhelp webwerf gebruik te maak. Ons besef dat dit ongerieflik mag wees, maar dis belangrik dat ons hierdie prosedure volg vir beide julle en ons beskerming.
Die Wagwoord Selfhelp webwerf (www.sun.ac.za/password) bied twee opsies:
- Change Password vir gebruikers wat weet wat hulle wagwoord is en dit wil verander.
- Reset Password vir gebruikers wat hulle wagwoord vergeet het.
Om die aanlyn Wagwoord Selfhelp funksie te gebruik, is dit belangrik dat jou selfoonnommer of `n alternatiewe e-posadres op Menslike Hulpbronne se rekords is. Daarsonder sal jy nie jou wagwoord kan verander nie. Hierdie inligting kan jy opdateer deur aan te teken op SUN-e-HR via die personeelportaal, http://my.sun.ac.za. of deur jou Menslike Hulpbronne kontakpersoon te vra.
Kies die My Profile skakel en dan Personal Information
Teken aan by SUN-e-HR.
Kies Basic Details – Update, Other, Personal Email Address
of
Kies Phone Numbers – Update
Tydens die wagwoord veranderingsproses word ‘n pinkode, bestaande uit 8 syfers, aan die persoon geSMS of met e-pos gestuur is (afhangende van die opsie wat gekies is). Die pinkode moet gebruik word op die wagwoord selfhelp webbladsy voordat ‘n nuwe wagwoord gekies kan word. Sodra ‘n wagwoord verander is, word die persoon per epos en sms daarvan in kennis gestel.
Indien die persoon nie die wagwoord verandering versoek het nie, moet hulle dadelik die IT Dienstoonbank kontak by 021 8084367.
|
BELANGRIK! Indien jy tuis werk sal jy ook die volgende instruksies moet volg nadat jy jou wagwoord verander het om te verseker dat jou wagwoord op al jou toestelle en rekeninge gesinkroniseer is. |