Het jy gedink IT-personeel se enigste oefening is vlieënde vingers oor sleutelborde of rekkende breinspiere as daar programmeer word? Jy moes ons met Welweesdag gesien het.

Fasiliteitsbestuur, IT en die Launchlab het besluit om op Vrydag, 10 Junie, aktief te raak met ons eie Welweesdag. Die tema vir die dag was `n vriendelike vermaning – “Don’t be afraid of the “F” word. Fitness Fun on Freaky Fitness Friday. “

Uit die groot opkoms, ten spyte van ongure, koue en reënerige weer, was dit duidelik dat IT-personeel nie `n bang haar op hulle koppe het nie. Tagtig mense het deelgeneem aan die verskeie aktiwiteite wat deur die dag beplan is. Die belofte van `n gratis maaltyd mag ook as motivering gedien het, maar ons verkies om te glo dit was die vooruitsig van oefening. 

Om 08:00 is deelnemers verwelkom deur `n warm koppie koffie, waarna Digi Cape demonstreer het hoe die Discovery fiksheidstoepassing werk. Om seker te maak ons personeel is in goeie kondisie, is cholesterolvlakke, bloeddruk en algemene fisiese toestand beoordeel. Dis hier waar jou ware ouderdom bepaal is. Na hierdie onthulling was die motivering om ekstra hard te oefen aansienlik groter.

Gelukkig was die 2.5 kilometer stap die ideale geleentheid om `n paar ekstra jare af te skud. `n Volgende sessie strawwe oefening, was die Spinathon tussen Fasiliteitsbestuur, IT en die Launchlab. Wiele is aan die draai gehou vir `n hele drie uur en ons kan met sekerheid nou bevestig dat IT-personeel meer uithouvermoë het as wat ons gedink het.

`n Boot camp het die meer avontuurlikes tevrede gestel en Shanee, Millicent en Anthea het weggeloop met `n paar lekker pryse. 

 Vir diegene wat meer in tune met hulle innerlike Zen wou wees, was daar yoga, pilates en selfs `n meditasie-sessie om die nodige kalmte te bereik. Vir ander was die masseersessies `n beter keuse.

Jerome Swarts het `n prys gewen vir die meeste items ingeskryf. Petro Uys en Ciska Marais is beloon vir hul trapvermoë met die Spinathon en IT het die Fiksheidsvasvra ore aangesit.

[FOTOS DEUR JEROME SWARTS]

MISSIESTELLING | BESTUURDERS

MISSIESTELLING

Inligting is kritiek en strategies vir `n kennis-intensiewe en kennis-skeppende onderneming, soos `n universiteit, om te floreer. Institusionele programmatuuroplossings[1] vorm die basis van alle institusionele inligtingstelsels en is fundamenteel tot die meeste institusionele prosesse. 

Die IPO-afdeling:

Bou, verskaf, onderhou en ondersteun betroubare, innoverende en volhoubare institusionele programmatuuroplossings wat tydig en oor die lang termyn aan die Universiteit se behoeftes voldoen.

Om bogenoemde missie suksesvol uit te voer, verrig die IPO-afdeling die volgende funksies: 

• Bestuur verhoudings met oplossing- en stelseleienaars (vennote/kliënte), eksterne en interne IT-vennote, belanghebbers, gemeenskappe en verskaffers;
• Voer besigheidsanalises uit om institusionele prosesse beter te verstaan, te verfyn en sodoende die nodige behoeftes te bepaal;  
• Ontwikkel programmatuur, insluitende die ontwerp en kodering van oplossings met die langtermyn in gedagte en die vestiging en instandhouding van die nodige omgewing, vaardighede en kennis vir programmatuurontwikkeling;
• Instandhouding van die programmatuur-toepassings portefeulje oor die langtermyn;
• Integreer (verbind) programmatuurtoepassings en -stelsels om institusionele prosesse te orkestreer, geintegreerde verslaggewing te bewerkstellig, sowel as om ge-integreerde oorsigte van institusionele inligting te verskaf;
• Verkry programmatuuroplossings deur kliënte en vennote te help om oplossings te kies en oplossings te bemiddel, m.a.w. fasiliteer die verkryging van oplossings;
• Ondersteun programmatuuroplossings deur bedryf te monitor, stelsels te konfigureer, insidente en probleme te bestuur en kliënte en vennote te help om eindgebruikers op te lei;
• Ontwerp die argitekuur van data, programmatuur, besigheidsprosesses (in samewerking met funksionele vennote)  en integrasie, in samewerking met die IT Argitektuurfunksie.
• Bestuur programmatuur ontwikkelings- en implementeringsprojekte

[1] Programmatuurtoepassings (of -oplossings) wat besit en bestuur word deur die universiteit en breedweg regdeur die instelling aangewend kan word, in teenstelling met oplossings wat slegs gespesialiseerde waarde vir `n enkele of paar organisatoriese entiteite binne die universiteit bied. Die definisie sluit, onder andere, programmatuur soos stelsels wat webinhoud bestuur, in. `n Laboratorium inligtingstelsel wat vir `n enkele departement of `n enkele fakulteit `n spesifieke waarde het, sal waarskynlik nie geklassifiseer word as `n institusionele programmatuuroplossing nie.

BESTUURDERS

	DANEEL VAN WIJCK | Bestuurder:  IT Finansiële en Fasiliteite Inligtingstelsels Daneel is verantwoordelik vir die bestuur, verskaffing, ontwikkeling en ondersteuning van die portefeulje van inligtingstelsels en programmatuuroplossings wat beide omsien na die behoeftes van die afdelings Finansies en Fasiliteitsbestuur en hulle funksies moontlik maak. Die handhawing van verhoudings met hierdie funksionele vennote en hul hoofgebruikers maak deel uit van die rol. Gevolglik is Daneel ook hierdie afdelings se enkele kontakpunt by IT.
	ANNA-MARI DU TOIT | Bestuurder: IT Studente-inligtingstelsels Anna-Mari is verantwoordelik vir die bestuur, verskaffing, ontwikkeling en ondersteuning van die portefeulje van inligtingstelsels en programmatuuroplossings wat beide omsien na die behoeftes en bemagtiging van die professionele en diensafdelings wat die student se lewenssiklus van voornemende student tot alumni administreer. Ingesluit by die rol is die handhawing van verhoudings met hierdie funksionele vennote en hulle hoofgebruikers. Anna-Mari is ook hierdie afdelings se enkele kontakpunt by IT.
	BENETTE KRIEL | Bestuurder: IT Besigheidsanalise   Benette is verantwoordelik vir die bestuur en ontwikkeling van die Besigheidsanalise-praktyk en -vermoë binne ISS. Analise bevorder die toepassing van inligting- en kommunikasietegnologie (IKT) om die instelling se besigheidsprobleme op te los; dit fasiliteer transformasie in die werking van administratiewe en akademiese prosesse deur IKT doelmatig toe te pas en vertolk besigheidsbehoeftes vir tegnoloë en tegnologie vir administrateurs, bestuurders en akademici. Benette lei `n span vaardige besigheidsanaliste en bestuur ook verhoudings met geselekteerde vennote en kliënteafdelings.
	MARC-ALLEN JOHNSON | Bestuurder: IT Programmatuurontwikkeling Marc-Allen is verantwoordelik vir die bestuur en ontwikkeling van die Sagteware Ontwikkelingspraktyk en vermoë binne ISS. Hy lei `n span ontwerpers en programmeerders wat institusionele programmatuur-oplossings ontwikkel en integreer.  Marc-Allen is ook verantwoordelik vir die verskaffing en koördinering van die argitektuurriglyne vir integrasie en programmatuurtoepassings, en raadgewing aan die IT Argitektuur funksie.
	BERNARD HEESEN | Hoof: ISS Konfigurasie en Ondersteuning Bernard is verantwoordelik vir die konfigurasie van generiese programmatuurplatforms soos SharePoint en ander inhoudsbestuurstelsels, Dynamix en Office365 met die doel om institusionele oplossings te skep en ondersteun. Hy lei `n span deskundiges wat opgelei is om hierdie platforms te ontgin. Bernard bestuur ook verhoudings met geselekteerde vennote en kliënteafdelings.
	PAUL ROOS | Hoof: IT Inligtingstelselsbestuur Paul is verantwoordelik vir die bestuur, verskaffing, ontwikkeling en ondersteuning van datastore en data-analitiek stelsels en -dienste soos SUN-i en SUNRep wat die basis van institusionele analitiek, bestuursinligting en operasionele rapportering. Gevolglik bestuur hy ook IT se verhouding met die Institusionele Navorsing en Beplanningsafdeling. Paul is ook verantwoordelik vir die verskaffing en koördinering van  data-argitektuurriglyne en raadgewing aan die IT Argitektuurfunksie.
	MALANIE ORTMAN | Hoof: Menslike Hulpbronne Inligtingstelsels Malanie is verantwoordelik vir die bestuur, verskaffing, ontwikkeling en ondersteuning van die portefeulje van inligtingstelsels en programmatuuroplossings wat beide omsien na die behoeftes en bemagtiging van die Menslike Hulpbronne afdeling. Die handhawing van verhoudings met hierdie funskionele vennoot en sy hoofgebruikers is ingesluit by haar rol. Malanie is ook Menslike Hulpronne se enkele kontakpunt by IT. Daarbenewens is sy ook verantwoordelik vir die koördinering van die insident- en probleembestuurproses binne ISS.