Language:
SEARCH
  • Onlangse bydraes

  • Kategorieë

  • Argiewe

ABSA eStaat

ABSA eStaat phishing

Sondag, September 22nd, 2013

Die enigste ding meer irriterend as ons wat jou voortdurend waarsku teen e-pos skelmstreke, is die deursettingsvemoë van kriminele en kuberswendelaars om jou te probeer uitvang en jou data en geld te steel.

Ongelukkig sal die probleem nie verdwyn solank as wat hierdie metodes telkens suksesvol is nie –  selfs binne `n akademiese instelling soos die Universiteit.

Onlangs het nog `n ABSA eStaat in ons posbusse beland, hierdie keer `n bietjie meer gesofistikeerd, maar gewapen met `n paar wenke, kan jy dit baie maklik herken. 

Kyk uit vir hierdie e-posse, vee hulle uit of skuif dit na jou Junk-Mail filters sodat dit volgende keer geblok word.

Hier is hoe jy dit kan uitken:

1. Het jy jou @sun.ac.za werkadres as primêre kontakadres vir jou internetbankdiens gegee? 

2. Doen jy jou banksake by ABSA?

3. Is die aanhef aan jou persoonlik gerig of is dit net `n vae “Dear Customer”? 

4. Is daar `n .pdf of ‘n .html leêr aangeheg? (kuberkrakers gebruik graag .html omdat dit jou herlei na `n vervalsde webblad) 

5. Klink die onderwerp van die e-pos “belangrik” of amptelik? (In die geval “Absa Cheque Account Statement”)

6. As jy kliek op die aanhangsel of dit per ongeluk oopmaak, lyk die webblad soos die bank se normale aantekenblad, maar sonder die https:// teks vooraan die adres? (https:// dui op `n veilige bediener, terwyl http:// `n oop webblad is)

Na aanleiding van bogenoeme vrae kan jy duidelik vasstel of `n  e-pos `n phishing-poging is en bloot uitgevee kan word. Wees waaksaam en op jou hoede. Enigiemand kan uitgevang word.

[ARTIKEL DEUR DAVID WILES]

 

 

© 2013-2024 Disclaimer: The views and opinions expressed in this page are strictly those of the page author(s) and content contributor(s). The contents of this page have not been reviewed or approved by Stellenbosch University.