Om te sukkel met iets simpel op jou rekenaar as jy onder druk is nie, is nie die aangenaamste ervaring of goed vir die bloeddruk nie. En hoewel die IT Dienstoonbank tot jou beskikking is via telefoon, Skype en e-pos, wil jy dalk ook kyk of jy nie vinnig jou probleem self kan oplos nie.
Natuurlik is Google handig hiervoor, maar om deur al Google se resultate te sif en die regte een te kry, is nie `n blitsige oplossing nie.
Om hierdie rede het ons `n spesiale selfhelp webwerf geskep vir al ons gebruikers. Die webwerf sal gereeld opgedateer word met nuwe gidse en FAQ’s, asook, in sommige gevalle, videos om jou stap-vir-stap te help met jou probleem.
As jy volgende keer vashaak met iets simpel in Outlook en jy net eenvoudig nie daardie kalenderregte gestel kan kry nie, gaan kyk gerus by www.sun.ac.za/itselfhelp.
Ons hoor ook graag as daar inligting is wat jy graag sou wou byvoeg by die bestaande gidse. Stuur vir ons e-pos by helpinfo@sun.ac.za.
