Weens die groot aanvraag vir netwerkpunte in 2015 en die aanvang van die IKT Netwerkopgraderingsprojek, het `n agterstand in die voorsiening van netwerkpunte ontstaan.
Gevolglik het Informasietegnologie en Fasiliteitsbestuur die proses hersien. Ten einde meer kapasiteit te skep, sal daar gebruik gemaak word van buite-konsultante en -kontrakteurs vir netwerkinstallasies.
KKW-prosedure vir netwerkpunte
KKWs wat nie in 2015 geprosesseer is nie, is moontlik aan die einde van 2015 gekanselleer. Dit mag dus nodig wees om weer `n KKW in te sleutel indien u steeds ‘n nuwe netwerkpunt-installasie benodig. Om vas te stel of ’n KKW-versoek vir netwerkpunte aktief of gekanselleer is, stuur die KKW-nommer aan netinfra@sun.ac.za. Terugvoer sal so gou as moontlik gegee word.
Uit die KKW-versoek sal Fasiliteitsbestuur vir IT ‘n werksopdrag genereer vir die netwerkpunt-installasie. IT sal dan op sy beurt die konsultant aanstel om die installasie te ondersoek en koördineer.
Probleme met bestaande netwerkpunte moet steeds by die IT Dienstoonbank aangemeld word. Meer inligting oor prosedure vir netwerkinstallasies.
Ons is vol vertroue dat die nuwe proses sal lei tot ‘n meer bevredigende diens.
Tags: kkw, netwerk, network point