Een van die algemeenste vrae wat gebruikers vir ons vra is: Hoe kry hierdie gemorsposversenders my adres?! 

Daar is `n hele paar metodes, maar die keer fokus ons op die “Repelsteeltjie”-aanval.  

`n Woordeboek of Repelsteeltjie-aanval is `n aanval waar die gemorspos-versender e-pos bedieners oorval met gebruikersname uit `n woordeboek. Die naam is natuurlik afkomstig van die ou Grimm sprokiesverhaal.

Lank, lank gelede toe die universiteit se e-pos sisteeem nog primitief was en e-posadresse beperk tot 8 karakters, het die meeste personeel eenvoudige adresse gehad soos ab@sun.ac.za, aa1@sun.ac.za, bv@sun.ac.za.  

Dis redelik eenvoudig om `n lys van algemene letterkombinasies saam te stel en @sun.ac.za by te las en `n e-pos adreslys saam te stel. Voeg daarby algemene rolgebaseerde rekeninge soos admin, help en support, sowel as die nuuste babaname lys en jy het `n lys waarmee jy jou aanval kan loods. 

Hoekom sal jy `n e-pos stuur na onbekende gebruikers of `n adres wat nie bestaan nie?

Eerder as om `n lys te koop by ander gemorsposverspreiders, is dit makliker en natuurlik goedkoper om net gemorspos te stuur na enige moontlike naam wat gegenereer kan word. 

Die tweede rede – en `n meer oneerlike een – is dat versenders dit gebruik om juis `n lys van geldige adresse op te bou. Eers word `n gegenereerde lys gestuur en wanneer hulle `n antwoord kry of die e-pos bediener aan die ontvangkant nie terugantwoord en bevestig dat die adres ongeldig is nie, kry hulle die geleentheid om die lys te verkoop as “bevestigde” adresse of om meer akkuraat te wees met hul aktiwiteite.

As jy `n oproep ontvang vanaf `n beweerde Microsoft-verteenwoordiger is die kans goed dat dit `n weergawe van die Indiese telefoon “scam” is. Kuberkriminele teiken foonnommers wêreldwyd en probeer rekenaargebruikers bedrieg deur verstellings te maak wat deur virusse en ander gevare van die betrokke rekenaar sal verwyder. 

Die persoon beweer dat die sekuriteitsverstellings van die rekenaar verouderd is en opgedateer moet word. In die proses gee die slagoffer toegang tot sy rekenaar en kan “malware” en “spyware” geinstalleer word. Die kredietkaartnommer word ook versoek as betaling vir die diens wat gelewer is. 

Moet onder geen omstandighede val vir hierdie skelmstreek nie. Vra jouself die volgende vrae af – hoe weet hulle jy het `n rekenaar? Het hulle jou aangespreek op jou naam en jou inligting verskaf? Het hulle duidelik die naam en inligting oor die maatskappy waarvoor hulle werk verskaf? Die waarskynlikheid dat iemand jou uit die bloute sal skakel om te help met jou rekenaars se opdaterings is bitter skraal.

Meer inligting oor hierdie foonswendelary:

http://answers.microsoft.com/en-us/protect/forum/mse-protect_scanning/phone-call-scams/aefc50a4-d7a4-4c79-8db5-2fafcd6ad196

http://fullcomment.nationalpost.com/2013/03/21/joe-oconnor-microsoft-windows-scam-a-grift-that-keeps-giving-for-cyber-crooks/