Daar is die afgelope twee weke `n nuwe tendens op kampus waar kubermisdadigers kontakinligting wat op die internet beskikbaar is, gebruik om individue te teiken.
Een voorbeeld hiervan is `n e-pos wat aan verskeie personeel van Finansies gestuur is met `n versoek vir die oorbetaling van gelde. (sien e-pos onder met onaktiewe adresse)
Die e-pos word gestuur vanaf `n gmail adres, maar die display name is `n US personeellid se naam. Omdat die kubermisdadiger die kontakpersoon se naam ook op die internet (in die geval Finansies se webwerf) kon kry, rig hy die e-pos persoonlik aan byvoorbeeld Karin.
Soortgelyke gevalle gebruik ook faksnommers wat op die internet beskikbaar is en stuur dan `n faks aan `n spesfieke persoon.
Moet onder geen omstandighede op hierdie e-posse reageer nie. Hierdie is duidelik `n e-pos wat poog om u aandag te trek en te oortuig om `n finansiële transaksie uit te voer. Verwyder en ignoreer dit bloot.
Meld verdagte e-posse aan by sysadm@sun.ac.za en lees ook artikels oor sekuriteit op ons blog, sowel as die twee-weeklikse nuusbrief, Bits & Bytes.
FROM: Stellenbosch University staff member name<example@gmail.com>
TO: Stellenbosch University staff member name<example@sun.ac.za>
Karin,
Let me know if you can process a same day domestic bank transfer to a client. You will code it to professional services
The amount is R870,000, kindly confirm so i can forward the appropriate beneficiary details to enable instant clearance.
Regards
Sent from my iPhone
Tags: kuberstrikroof, spear phishing