Language:
SEARCH
  • Onlangse bydraes

  • Kategorieë

  • Argiewe

E-pos

Onthou om in jou Junk Email vouer te kyk

Maandag, Augustus 30th, 2021

Om te verseker dat personeel en studente nie blootgestel word aan gevaarlike strikroof of gemorspos nie het ons stelseladministrateurs en sekuriteitspan vroeër die jaar `n addisionele vlak van sekuriteit implementeer deur die gemorsposfilter strenger te maak. 

Maar hoe werk `n gemorsposfilter? Aan elke boodskap wat ontvang of gestuur word, word`n sekerheidsvlak toegeken op grond van die waarskynlikheid dat dit gemorspos is. Afhangende van dié vlak sal die inkomende boodskap direk na die gebruiker se Junk Email vouer gestuur word, of nie. Die filter kyk na sekere kriteria in die e-pos, soos byvoorbeeld meer as `n sekere hoeveelheid skakels of potensieël gevaarlike aanhangsels. Om die perfekte balans te tref is moeilik – ons wil nie hê jy moet belangrike e-posse mis nie, maar terselfdertyd is dit ons verantwoordelikheid om jou en al ons gebruikers te beskerm van kwaadwillige aanvalle.

Om hierdie rede is dit belangrik dat jy gereeld in jou Junk E-mail vouer kyk om seker te maak dat daar nie belangrike e-posse lê en wag nie. 

Die hoofdoel van Microsoft Outlook se gemorsposfilter is om onwelkome e-posboodskappe weg te hou uit jou Inbox deur dit in die Junk Email vouer te plaas. Hierdie proses word op `n institusionele vlak deur Microsoft toegepas (soos hierbo genoem word), maar jy kan self ook boodskappe van `n persoon of maatskappy merk as gemorspos of nie.

Hoe om jou gemorsposfilter aan te pas.
Hoe om `n e-pos as gemorspos te merk.
Hoe om gemorspos en strikroof by Microsoft aan te meld. (aflaaibare PDF-dokument) 

Vir verdere navrae teken asseblief `n versoek aan op die ICT Partner Portal.

 

 

(English) Phishing scam: “Proof of Payment”

Vrydag, Augustus 27th, 2021

Jammer, hierdie bladsy is nie in Afrikaans beskikbaar nie.

Wees versigtig vir Reply All

Dinsdag, Maart 2nd, 2021

Verlede maand is sommige personeel se e-posbusse oorweldig met ʼn advertensie e-pos wat gelei het tot wat ons noem ʼn e-pos storm. Alhoewel hierdie tipe e-posse nie skadelik is nie, is dit steurend en kan dit voorkom word. Ons herinner jou graag aan ʼn paar belangrike punte om in gedagte te hou wanneer jy e-pos moet stuur na groot groepe mense.

1. Gebruik ALTYD die BCC-veld, nie die CC-veld nie.
Wanneer jy die BCC-veld in plaas van die CC-veld gebruik is die Reply All funksie outomaties gedeaktiveer. Ontvangers van die e-pos kan dus nie reply to all en onnodige e-posse aan kollegas stuur nie.

2. Moenie Reply All wanneer jy `n e-pos ontvang wat aan verskeie mense gestuur is nie.
Indien jy `n e-pos ontvang en daar is `n groot groep ontvangers in die CC-veld, moet asb. nie by verstek Reply All druk nie. Nie alleen gaan jy `n onnodige vloed van e-posse veroorsaak nie, maar jy gaan ook op jou kollegas se senuwees werk. Indien jy moet antwoord, stuur e-pos aan die oorspronklike versender of die relevante persone.

3. Advertensie van dienste en produkte op die US-netwerk word nie toegelaat nie. 
Geen personeel of studente word toegelaat om enige dienste of produkte op die US-netwerk te adverteer nie. Hierdie riglyn word in die Elektroniese Kommunikasiebeleid, wat personeel en studente jaarliks aanvaar met heraktivering, gestipuleer 

4. Indien jy amptelike massakommunikasie moet stuur, raadpleeg eers die Digitale Kommunikasiekantoor.
Die Digitale Kommunikasiekantoor, `n onderafdeling van Korporatiewe Kommunikasie, is verantwoordelik vir kampuswye, elektroniese kommunikasie. Hulle gebruik spesifieke platforms vir die verspreiding van inligting en sal kan adviseer wat die effektiefste wyse is om jou e-pos uit te stuur. 

5. Gebruik SYMPA
Indien jy gereeld e-posse moet stuur aan groot groepe, gebruik die bestaande SYMPA e-posstelsel. Meer oor SYMPA.

Verander jou wagwoord aanlyn

Donderdag, Februarie 25th, 2021

In die verlede was die IT Dienstoonbank die eerste plek wat jy gekontak het as jy jou wagwoord vergeet het (ons weet, dit gebeur met ons ook!) of as jy dit sommer net wil verander. Deesdae kan die Dienstoonbank ongelukkig nie meer wagwoorde verander nie weens sekuriteitsrisikos en baie streng data beskermingswette. (Jy kan hier meer lees oor die universiteit se eie Dataprivaatheidsregulasie)

Ons wil graag personeel en studente aanmoedig om voortaan van die Wagwoord Selfhelp webwerf gebruik te maak. Ons besef dat dit ongerieflik mag wees, maar dis belangrik dat ons hierdie prosedure volg vir beide julle en ons beskerming.

Die Wagwoord Selfhelp webwerf (www.sun.ac.za/password) bied twee opsies: 

  1. Change Password vir gebruikers wat weet wat hulle wagwoord is en dit wil verander.
  2. Reset Password vir gebruikers wat hulle wagwoord vergeet het.

Om die aanlyn Wagwoord Selfhelp funksie te gebruik, is dit belangrik dat jou selfoonnommer of `n alternatiewe e-posadres op Menslike Hulpbronne se rekords is. Daarsonder sal jy nie jou wagwoord kan verander nie. Hierdie inligting kan jy opdateer deur aan te teken op SUN-e-HR via die personeelportaal, http://my.sun.ac.za. of deur jou Menslike Hulpbronne kontakpersoon te vra.

Kies die My Profile skakel en dan Personal Information

Teken aan by SUN-e-HR.

Kies Basic Details – Update, Other, Personal Email Address 

of

Kies  Phone Numbers – Update

Tydens die wagwoord veranderingsproses word ‘n pinkode, bestaande uit 8 syfers, aan die persoon geSMS of met e-pos gestuur is (afhangende van die opsie wat gekies is). Die pinkode moet gebruik word op die wagwoord selfhelp webbladsy voordat ‘n nuwe wagwoord gekies kan word. Sodra ‘n wagwoord verander is, word die persoon per epos en sms daarvan in kennis gestel.

Indien die persoon nie die wagwoord verandering versoek het nie, moet hulle dadelik die IT Dienstoonbank kontak by 021 8084367.

BELANGRIK!

Indien jy tuis werk sal jy ook die volgende instruksies moet volg nadat jy jou wagwoord verander het om te verseker dat jou wagwoord op al jou toestelle en rekeninge gesinkroniseer is. 

 

(English) “PLEASE SUPPORT STIAS…” email causes a mail storm

Vrydag, Februarie 19th, 2021

Jammer, hierdie bladsy is nie in Afrikaans beskikbaar nie.

 

© 2013-2021 Disclaimer: The views and opinions expressed in this page are strictly those of the page author(s) and content contributor(s). The contents of this page have not been reviewed or approved by Stellenbosch University.