Language:
SEARCH
  • Onlangse bydraes

  • Kategorieë

  • Argiewe

Algemeen

Internet aftyd Sondagoggend

Vrydag, Februarie 25th, 2022

Weens kritiese onderhoud deur ons internet diensverskaffer, TENET, sal daar geen internetdienste beskikbaar wees op Sondagoggend, 27 Februarie, tussen 0:00 en 03:00 nie.  

Gedurende dié drie ure sal daar dus geen internettoegang wees nie. Ons vra om verskoning vir die ongerief. Enige navrae kan aangemeld word by servicedesk.sun.ac.za.

Belangrike datums

Dinsdag, November 30th, 2021

AFLEWERINGS:

Laaste dag vir aflewerings (2021) deur verskaffers aan Informasietegnologie: 21 Desember 2021

Eerste dag vir aflewerings (2022) deur verskaffers aan Informasietegnologie: 11 Januarie 2022.

AFHALINGS:

Laaste dag vir afhalings (2021) by Informasietegnologie deur kliënte of departemente:  23  Desember 2021 teen 12:00

Eerste dag vir afhalings (2022) by Informasietegnologie deur kliënte of departemente: 5 Januarie 2022

Voordat jy weggaan

Dinsdag, November 30th, 2021

Die Desembervakansie is om die draai en na die afgelope jaar het ons almal `n week of twee weg nodig. Maar voordat jy gaan is daar `n paar takies wat jy nou al kan afhandel sodat jou terugkoms in Januarie pynloos is. Hier is `n paar wenke:

    1. Aktiveer die Out of Office-funksie op jou sun.ac.za Outlook-posbus en dui aan wanneer jy weer beskikbaar sal wees indien iemand jou moet kontak. Dui ook aan wie die verantwoordelike persoon sal wees gedurende die tydperk wat jy weg is en sit die persoon se e-posadres by op die Out of Office-boodskap.
    2. Maak seker dat enige werkverwante data toeganklik is vir jou kollegas terwyl jy weg is. Moet egter onder geen omstandighede jou wagwoord vir kollegas gee nie aangesien dit `n sekuriteitsrisiko skep.
    3. Indien jou sun-wagwoord moontlik kan verval gedurende die vakansie, verander dit eerder voordat jy weggaan. As dit verval terwyl jy weg is, kan jy uit jou rekening gesluit word en dit onnodige stres veroorsaak wanneer jy dit moet heraktiveer in Januarie. 
    4. Indien jy gedurende die vakansie ’n phishing e-pos ontvang en op skakels gekliek het of jou gebruikersnaam en wagwoord erens suspisieus ingevul het, verander asb. dadelik jou wagwoord by www.sun.ac.za/password. Teken ook ’n versoek aan op die ICT Partner Portal sodat jou toestel nagegaan word na die vakansie. Onthou dat jy ook self spam kan aanmeld met Microsoft se Report message funksionaliteit in Outlook.
    5. Informasietegnologie sluit, soos die res van die Universiteit op 24 Desember en maak weer 3 Januarie oop. Indien moontlik, probeer jou versoeke so vroeg as moontlik aanmeld voor jy weggaan.  Indien jy `n kritiese probleem het, kan ons jou moontlik nie `n dag voor die tyd of op die laaste Vrydag help nie aangesien verskaffers ook sluit gedurende die feesseisoen.

Nuwe innovasieruimte by die biblioteek

Dinsdag, November 30th, 2021

Die Universiteit Stellenbosch Biblioteek Innovasieruimte is ‘n lewendige, gebruikergesentreerde  spasie wat deur tegnologie versterk word om leer en digitale geletterdheid by die Universiteit Stellenbosch te bevorder. Ontwerp- en konstruksiewerkstasies kan bespreek word. Die volgende programmatuur, gereedskap en toerusting is beskikbaar:

  • 3D-drukwerk & 3D-skanderingsdienste
  • AutoDesk sagteware
  • Arduino UNO en Raspberry Pi
  • Solderingstasies
  • Osiloskope
  • Dremel en handgereedskap

Waar:

Boonste vlak, Universiteit Stellenbosch Biblioteek

Bespreek ‘n besoek:

https://sun.ac.za.libcal.com/reserve/Makerspace

https://libguides.sun.ac.za/makerspace

Kuberafknouery en die Reg aanlynwebinaar

Maandag, Augustus 2nd, 2021

Die Eenheid vir Gelykwaardigheid, in samewerking met Afdeling Studentesake, sal in Augustus ‘n veldtog teen kuberafknouery van stapel stuur. Die veldtog begin met ‘n aanlynwebinaar met die titel “Kuberafknouery en die Reg” met advokaat en sosiale media kenner, Emma Sadleir.

Datum: 11 Augustus 2021

Tyd: 13:00

Klik hier​ om te registreer om die webinaar by te woon.

Registreer teen Vrydag, 6 Augustus 2021

Vir meer inligting, kontak Nadine Christians by nchristians@sun.ac.za.

 

© 2013-2022 Disclaimer: The views and opinions expressed in this page are strictly those of the page author(s) and content contributor(s). The contents of this page have not been reviewed or approved by Stellenbosch University.