Language:
SEARCH
  • Onlangse bydraes

  • Kategorieë

  • Argiewe

Algemeen

Tuis of kantoor?

Maandag, Junie 7th, 2021

As die afgelope jaar ons een ding geleer het is dit dat om van die huis af te werk heeltemal doenbaar is – afhangende van jou tipe werk natuurlik. Heelwat maatskappye het intussen besluit om hulle personeel tuis te laat werk, selfs na die pandemie. Opinies oor die toekoms van kantoorgebaseerde werk is wyd en uiteenlopend.

Vroëer die week het die Amerikaanse nuusagentskap, Bloomberg, verwys na `n meningsopname wat aangedui het dat 39% van Amerikaanse werknemers eerder sal bedank as om terug te keer kantoor toe. PC Mag het `n soortgelyke artikel publiseer oor werknemers se bereidwilligheid om van werk te verander sodat hulle steeds tuis kan werk.

Hoe voel jy daaroor om terug te gaan kantoor toe? Het die afgelope paar maande jou persepsie oor die kantoor verander? Sal jy veilig voel om terug te gaan kantoor toe? Ons wil graag weet wat jy hieroor dink, so stuur asb. vir ons e-pos by bitsbytes@sun.ac.za. Ons sal jou kommentaar as anoniem hanteer.

Nog artikels oor dié onderwerp:

No “back to work” for South African tech companies (Mybroadband)

Foto: Chris Benson via Unsplash

Vergroot jou font

Woensdag, April 7th, 2021

Lyk die karakters in jou e-posse skielik beduidend kleiner lyk as net `n jaar of twee gelede? Nie? Dan is jy duidelik te jonk. Vir die res van ons – diegene wat hulle oë op skrefies trek in plaas van `n leesbril te kry – daar is ʼn oplossing.

Ons weet almal dat jy die fontgrootte van die teks in, byvoorbeeld, Outlook kan verander. Die enigste probleem is dat die ontvanger aan die ander kant ook jou e-pos in Tahoma, grootte 16 sal moet lees. Ideaal gesproke behoort fontgrootte by verstek 11 of 12 te wees, hetsy jy in Word dokument, Teams of Outlook werk. In plaas van om die fontgrootte te stel kan jy een van die volgende opsies probeer: 

  1. As jy op ʼn skootrekenaar of tablet met ʼn taspaneel werk kan jy die Text Zoom funksie aktiveer deur jou twee vingers wyer uitmekaar te strek. Dit sal die zoomfunksie aktiveer en wat jy ookal op die skerm sien, sal vergroot word. 
  2. Indien jy nie op ʼn skootrekenaar werk nie of nie ʼn taspaneel het nie, maak net `n nuwe e-pos oop, gaan na Format Text op jou Outlookspyskaart en kies die Zoom-opsie. Dit sal jou die opsie gee om die teks tot 200% te vergroot. (Sien onder) 

        3. Indien jy ʼn muis het met ʼn rolwiel-knoppie het, kan jy ook jou Zoom-vlak aanpas. (sien onder)

      4. Nie alle toepassings ondersteun die Text Zoom deur middel van die taspaneel of Ctrl + muis-rolwieletjie nie. Hier is nog ʼn metode in Windows as jy die teks, toepassings of enigiets anders in Windows, bo en behalwe Teams, wil verander. Regskliek net enige plek op jou invalskerm. Kies Display Settings en Scale and layout. Kies die % waarmee jy dit wil vergroot.

As jy steeds sukkel is jy welkom om ʼn versoek aan te teken vir een van ons tegnici op die ICT Partner Portal

FindTime-toepassing vir vergaderings

Woensdag, April 7th, 2021

As jy gereeld vergaderings moet reël weet jy waarskynlik dat dit dikwels ʼn uitdaging is om die gepaste tyd in almal se skedules te kry. Gelukkig het Microsoft ʼn oplossing met een van hulle Office365-toepassings.

FindTime is ʼn addisionele toepassing wat die heen en weer geskarrel om ʼn geskikte dag en tyd vir ʼn vergadering tussen kollegas te vind. Dit is veral handig as persone van eksterne maatskappye ook die vergadering moet bywoon.

Met FindTime skep die organiseerder ʼn meningspeiling waarin die beskikbare datums en tye gelys word.  Uitgenooides kan dan stem watter dae en tye hulle die beste sal pas.

Wanneer die peiling opgestel word is die volgende funksies ook beskikbaar:

  • Om die vergadering outomaties te skep as almal ooreengekom het op ʼn datum en tyd;
  • om tydelik die datums te boek in jou dagboek;
  • opdaterings te kry oor die meningspeiling wanneer iemand stem;
  • die meningspeiling te sluit sodat ander tye nie voorgestel kan word nie en
  • verifikasie deur middel van ʼn PIN. 

Die FindTime-toepassing kan bygevoeg word in Outlook 365 (webgebaseerde e-pos, die Outlook-kliënt of Apple OSX). Indien eksterne persone uitgenooi word na ʼn vergadering hoef hulle nie self Outlook te gebruik nie – alles word uitgevoer deur middel van ʼn skakel wat FindTime stuur.

Jy kan self FindTime installeer vanaf Microsoft se webwerf. of ʼn versoek aanteken op die ICT Partner Portal vir een van ons tegnici.

[ARTIKEL DEUR ARLO KOEN]

(English) SUNLearn support for students

Donderdag, April 1st, 2021

Jammer, hierdie bladsy is nie in Afrikaans beskikbaar nie.

IT HUB: Slegs vir studente met `n afspraak

Woensdag, Maart 3rd, 2021

Alle dienste wat tans deur die IT HUB in Admin A gelewer word – hetsy optel van toerusting of enige ondersteuning – is slegs beskikbaar deur middel van `n voorafgereëlde afspraak.

Daarbenewens sal daar gedurende die besige tydperk van Maart tot Mei geen ondersteuning aan personeel by die IT HUB gebied kan word nie. Indien personeel tegniese ondersteuning benodig, moet hulle asb. `n versoek aanteken op die ICT Partner Portal waarna hulle gekontak sal word deur `n tegnikus vir verdere reëlings.

Studente kan dieselfde prosedure volg vir `n afspraak en vooraf `n versoek aanteken by die aanlyn dienstoonbank. Afsprake en die aanmeld van foute kan nie meer, soos voorheen, by die ingang van die IT HUB gemaak word nie. Jy kan ook die IT HUB skakel by 021 8089289, maar dit dit word verkies dat die versoek eerder aangemeld word op die ICT Partner Portal.  Die aanlynproses is as volg:

  1. Meld `n versoek aan op die ICT Partner Portal by https://servicedesk.sun.ac.za/
  2. Teken aan met jou US-gebruikersnaam en wagwoord.
  3. Kies die “ICT Partner Portal” dienstoonbank.
  4. Studente kies die IT HUB -opsie. Personeel kies die opsie van toepassing op hulle navraag.
  5.  Vul die nodige inligting in. As daar `n batenommer is, verskaf dit asseblief.
  6.  Voeg enige addisionele inligting by in die beskrywingsveld.
  7.  Kopieer enige ander verwante grafika, leêrs en e-posse in die area vir aanhangsels.
  8.  `n IT-personeellid sal kontak maak om `n afspraak te maak sodra die versoek aangemeld en verwerk is. 

Studente en personeel wat hulle studente- of personeelkaarte verloor het is die enigstebesoekers wat sonder `n afspraak die IT HUB kan besoek. Dit kan daagliks tussen 08:00 en 16:00 geskied.

 

 

© 2013-2021 Disclaimer: The views and opinions expressed in this page are strictly those of the page author(s) and content contributor(s). The contents of this page have not been reviewed or approved by Stellenbosch University.