Language:
SEARCH
  • Onlangse bydraes

  • Kategorieë

  • Argiewe

Algemeen

Uitsonderlike steun deur IT-personeel

Vrydag, Desember 4th, 2020

Namate ons die einde van ʼn onstuimige jaar nader, gekenmerk deur ʼn wêreldwye pandemie en kwynende ekonomie, kyk ons dankbaar en trots terug na wat ons bereik en voorkom het. Terwyl etlike besighede gesluit het of aansienlike verliese gely het,  is die Universiteit ook gekonfronteer deur ons eie swakplekke en blootstelling aan besigheidsontwrigting. Die feit dat die US nie net sy normale bedryf kon handhaaf en voortsit nie, maar selfs die strategie vir digitalisering kon versnel, weerspieël die uitsonderlike diens van die Universiteit se IT-personeel. Niemand kon dié jaar se gebeure voorsien nie. Ons reaksie was voortreflik en suksesvol.

Die volgende IT-verwante ingrypings kan uitgelig word vir hulle beduidende bydrae tot besigheidskontinuïteit en ondersteuning van algemene produktiwiteit:

  • Onmiddellike aksie deur IT-bestuur in Maart om die noodsaaklike inisiatiewe in plek te sit vir die opgradering en stabilisering van die IT-infrastruktuur om sodoende die verhoogde werkslading en datavloei te kan ondersteun;
  • Samewerking oor funksionele grense heen om nuwe dienste te verskaf, byvoorbeeld die verskaffing van skootrekenaars aan studente, sowel as databondels aan kwalifiserende studente;
  • Aanpassings aan administratiewe inligtingstelsels om bestuursbesluite oor operasionele uitdagings te implementeer;
  • Inisiatiewe om nuwe ondersteuningstrukture te vorm wat personeel en studente wat tuis werk te ondersteun;
  • Aanpasbaarheid en buigsaamheid om voort te gaan met groot projekte en die aflewering daarvan volgens institusionele vereistes, sonder om die pandemie as ʼn verskoning te gebruik;
  • Laastens, die algemene bereidwilligheid om opofferings te maak, saam te werk en aan te pas by nuwe protokolle en werkwyses. 

Aan al ons vennote en kollegas in IT en ander funksies van die Universiteit spreek ons ons opregte dank uit vir wat ons saam bereik het. Ons is tans in ʼn veel beter posisie om te beplan vir bekende en onbekende uitdagings op ons pad na ʼn digitale samelewing en Universiteit. Hoe vinnig ons dit gaan bereik hang grotendeels af van hierdie goeie begin, ons uithouvermoë, die behoud van kwaliteit-standaarde en fokus.

Beste wense vir die jaarlikse feestyd, en ek hoop dat almal ʼn ruskansie sal geniet en voorberei vir ʼn nuwe uitdagende jaar.

Attie Juyn
Senior Direkteur: Informasietegnologie

25 November 2020

(English) Apple update news

Woensdag, Desember 2nd, 2020

Jammer, hierdie bladsy is nie in Afrikaans beskikbaar nie.

Voor jy weggaan …

Maandag, November 30th, 2020

Die Desembervakansie is om die draai en na die afgelope jaar het ons almal `n week of twee weg nodig. Maar voordat jy gaan is daar `n paar takies wat jy nou al kan afhandel sodat jou terugkoms in Januarie pynloos is. Hier is `n paar wenke:

    1. Aktiveer die Out of Office-funksie op jou sun.ac.za Outlook-posbus en dui aan wanneer jy weer beskikbaar sal wees indien iemand jou moet kontak. Dui ook aan wie die verantwoordelike persoon sal wees gedurende die tydperk wat jy weg is en sit die persoon se e-posadres by op die Out of Office-boodskap.
    2. Maak seker dat enige werkverwante data toeganklik is vir jou kollegas terwyl jy weg is. Moet egter onder geen omstandighede jou wagwoord vir kollegas gee nie aangesien dit `n sekuriteitsrisiko skep.
    3. Indien jou sun-wagwoord moontlik kan verval gedurende die vakansie, verander dit eerder voordat jy weggaan. As dit verval terwyl jy weg is, kan jy uit jou rekening gesluit word en dit onnodige stres veroorsaak wanneer jy dit moet heraktiveer in Januarie. 
    4. Indien jy gedurende die vakansie ’n phishing e-pos ontvang en op skakels gekliek het of jou gebruikersnaam en wagwoord erens suspisieus ingevul het, verander asb. dadelik jou wagwoord by www.sun.ac.za/password. Teken ook ’n versoek aan op die ICT Partner Portal sodat jou toestel nagegaan word na die vakansie (2 Januarie) Onthou dat jy ook self spam kan aanmeld met Microsoft se Report message funksionaliteit in Outlook.
    5. Informasietegnologie sluit, soos die res van die Universiteit op 24 Desember en maak weer 4 Januarie oop. Indien moontlik, probeer jou versoeke so vroeg as moontlik aanmeld voor jy weggaan.  Indien jy `n kritiese probleem het, kan ons jou moontlik nie `n dag voor die tyd of op die laaste Vrydag help nie aangesien verskaffers ook sluit gedurende die feesseisoen.

(English) IT HUB – operating hours during COVID

Saterdag, November 21st, 2020

Jammer, hierdie bladsy is nie in Afrikaans beskikbaar nie.

Onthou om jou Adobe-lisensie aan te vra

Saterdag, November 7th, 2020

Om voort te gaan met die gebruik van Adobe DC moes gebruikers `n lisensie aanvra teen einde November. Vanaf 1 Desember sal jou Adobe DC sagteware nie meer werk nie. Jy kan egter steeds `n lisensie aanvra deur `n versoek aan te teken op die ICT Partner Portal.

Adobe het hulle produkte se lisensiëringsmodel verander en hierdie nuwe model vereis dat personeel oor ‘n Adobe ID te beskik om die programmatuur te kan gebruik. 

Histories sou ‘n nuwe serienommer in ‘n programmatuur-installasie pakket ingebou word en sentraal uitgerol word na alle Universiteit Stellenbosch batenommer rekenaars. Hierdie proses, wat die afgelope vier jaar gevolg is, het verseker dat die sagteware sonder onderbreking gebruik kon word.

Adobe se lisensiëringsmodel is nou gebaseer op named user lisensies. Die nuutste weergawe van Adobe DC (Document Cloud) waarvoor Universiteit Stellenbosch gelisensieërd is dus nie meer op serienommers gebaseer nie. Named User-lisensiëring is ‘n model waar programmatuur toegeken word aan ‘n individu in plaas van `n serienommer of toestel. 

Wat is die voordele?

Hoewel dit ‘n groot aanpassing beteken in die wyse waarop programmatuur bestuur word, het die nuwe weergawe en lisensiemodel etlike voordele, insluitende ‘n veilige aantekenmetode. 

Die nuwe model stel IT in staat om aan gebruikers die toegang tot toepassings en dienste te bied wat hulle vereis vir deurlopende projekte, terwyl IT steeds die beheer het om te voldoen aan die universiteit se vereistes. IT trek ook voordeel uit `n eenvoudiger manier om regulasies na te kom, sowel as die bestuur van lisensies en dienste deur middel van die Adobe Admin konsole.

Wie kwalifiseer vir `n lisensie?

Volgens ons lisensiebeleid kan lisensies kan slegs toegeken word aan voltydse universiteitspersoneel. Die lisensieproses is ook slegs van toepassing op gevorderde gebruikers wat PDF-dokumente moet redigeer en digitaal teken. Personeel kan steeds gebruikmaak van Adobe Reader. 

Om `n Adobe DC-lisensie aan te vra, teken asb. `n versoek aan op die ICT Partner Portal en `n lisensie sal aan jou toegeken word.

Neem asseblief kennis:

Indien jy `n lisensie aangevra het en dit is aan jou toegeken mag dit gebeur dat Adobe jou steeds por vir `n serienommer. Om dit te verwyder kan jy bloot afteken, Adobe toemaak en weer oopmaak. 

 

 

© 2013-2021 Disclaimer: The views and opinions expressed in this page are strictly those of the page author(s) and content contributor(s). The contents of this page have not been reviewed or approved by Stellenbosch University.