Language:
SEARCH
  • Onlangse bydraes

  • Kategorieë

  • Argiewe

Algemeen

Uitfasering van generiese IT e-posadresse

Woensdag, Oktober 7th, 2020

Tot onlangs het Informasietegnologie generiese adresse gebruik vir navrae. Vorige jare is hierdie posbusse met die hand gemonitor, maar meer onlangs, met die in werking stelling van die ICT Partner Portal, is dit eerder opgestel dat ʼn versoek outomaties aangeteken word.

As voorbeeld – as jy ʼn e-pos sou stuur na quote@sun.ac.za om navraag te doen oor hardeware komponente, sou jou e-pos outomaties ʼn versoek om informasie aanteken op die platform, gekoppel aan jou naam. In ʼn soortgelyke geval, as jy aan help@sun.ac.za e-pos gestuur het omdat jy die IT Dienstoonbank wou kontak. is ʼn versoek op jou naam aangeteken op die ICT Partner Portal

Binnekort sal dit nie meer die geval wees nie. Hierdie generiese adresse sal uitfaseer word en voortaan sal die enigste manier hoe jy ʼn IT-diens of informasie kan versoek wees deur ʼn versoek aan te teken op die ICT Partner Portal. (Sien ook ons FAQs oor foutrapportering vir meer inligting)

Bogenoemde het betrekking op die volgende adresse:

help@sun.ac.za
helpinfo@sun.ac.za
software@sun.ac.za
quote@sun.ac.za
student@sun.ac.za
telecom@sun.ac.za
students@sun.ac.za
itkursus@sun.ac.za
ittd@sun.ac.za
portalhelp@sun.ac.za
pbk@sun.ac.za
csirt@sun.ac.za
soc@sun.ac.za
ithub@sun.ac.za

Indien jy enige verdere navrae het, teken asb. ʼn versoek aan op die ICT Partner Portal.

Microsoft Teams vergaderingopnames nou gestoor in OneDrive en SharePoint

Woensdag, Oktober 7th, 2020

Wat beteken dit?

Microsoft het besluit om die stoorpoel vir opnames van Teams aanlynvergaderings te verander van Microsoft Stream na OneDrive en SharePoint (ODSP). Hierdie verandering sal binne die volgende paar maande plaasvind en meer inligting sal op ʼn latere datum bekendgemaak word. 

Hoe beïnvloed dit Universiteit Stellenbosch?

Die verandering beïnvloed ons organisasie op verskeie wyses:

  • Nuwe funksies

Die skuif na SharePoint stel nou funksies beskikbaar waarvoor daar reeds ʼn geruime tyd gewag word. Dit sluit die vermoeë om inligting te deel met eksterne persone en gaste; sprekertoekening; transkripsie-soektogte met verdere funksies wat in 2021 verwag word. 

  • Stoor van vergaderings

Vergaderings wat nie in die channels plaasvind nie, sal gestoor word in die OneDrive-stoorspasie van die persoon wat die opnameknoppie gedruk het. Dit sal gestoor word in `n spesiale lêer wat Recordings genoem word. Channel-vergaderings sal gestoor word in die Recordings-leêr onder ʼn l lêer genoem na die Team se document library.

  • Regte

Alle uitgenooides na die vergadering – behalwe eksterne gebruikers – in nie-channel vergaderings sal outomaties ʼn gedeelde skakel van die opname van die vergadering. Die organiseerder van die vergadering of die persoon wat die opname aktiveer het sal pertinent eksterne gebruikers moet byvoeg by ʼn gedeelde lys. Vir channel-vergaderings sal regte geërf word van die eienaars en lede in die channel

Wat moet ek doen om voor te berei?

Vir nou hoef jy as gebruiker niks te doen nie. Hierdie is ʼn geoutomatiseerde proses wat op bedienervlak implementeer word.

Informasietegnologie sal hierdie funksies eers deeglik toets voordat enige implementasie gemaak sal word op die gebruikersomgewing. Meer informasie sal gekommunikeer word op ʼn latere datum. 

[ARTIKEL DEUR BRADLEY VAN DER VENTER]

Apparatuurondersteuning tydens grendeltyd

Maandag, September 21st, 2020

Alhoewel Informasietegnologie ten volle operasioneel is sedert die begin van die grendeltyd, word die meeste van ons funksies steeds af-kampus gedoen. Sommige van ons personeel is wel op kantoor op `n rotasie-basis om apparatuurherstelwerk en die ontvangs van aflewerings moontlik te maak. Ons gee egter gehoor aan Covid-regulasies en kontak met personeel word beperk tot die absolute minimum. 

Stellenbosch-kampus:

  • Tans word geen aflewerings deur IT aan kliënte gemaak nie.
  • Dinsdae, Woendae en Donderdae:   Verskaffers lewer toerusting by ons kantore af.
  • Personeel kan toerusting optel by ons kantore tussen 08:00 en 15:30
    BELANGRIK:  Indien jy `n bestelling geplaas het, sal jy `n outomatiese boodskap van ons stelsel ontvang om te bevestig dat jou bestelling ontvang is. Dit beteken egter nie dat jy die bestelling reeds moet kom optel by die kantoor nie. Ons sal vir jou `n e-pos stuur met `n spesifieke datum wanneer jy jou bestelling kan kom optel. (Voorbeeld van e-pos)
  • Herstel van toerusting: In die geval van herstelwerk sal `n afspraak met die kliënt gereël word deur die tegnikus. Indien jy toerusting het wat herstelwerk benodig, teken soos gewoonlik `n versoek aan en `n tegnikus sal jou kontak. Jy sal `n e-pos ontvang met `n datum en instruksies vir wanneer jy die toerusting na ons kantore kan bring en wanneer jy dit kan optel. 

Tygerberg-kampus:

  • Woensdae:  Aflewerings van Stellenbosch-kampus na Tygerberg-kampus
  • Optel van nuwe bestellings:  Jy sal gekontak word deur `n tegnikus vir `n spesifieke tyd vir optel. 
  • Herstel van toerusting:  Dieselfde tprosedure geld as vir Stellenbosch-kampus.

Vir verdere navrae, meld asb. `n versoek aan op die ICT Partner Portal. Onthou asseblief om `n selfoonnommer te verskaf waar ons jou kan kontak.

 

Die ontwikkeling van `n sterker ondersteuningsbasis vir Leertegnologie-stelsels

Woensdag, September 9th, 2020

Oor die afgelope ses maande was dit die verantwoordelikheid van die Leertegnologie-spanne (IT & CLT) om te verseker dat alle studente en personeel optimaal ondersteun word op SUNLearn, SUNOnline en verwante Leertegnologie-stelsels.

As deel van hierdie proses is die getal ondersteuningsagente verhoog, saamgewerk met fakulteitsverteenwoordigers en Gemengde Leer koördineerders en die beskikbare data gebruik om te verstaan waar behoeftes binne die Universiteitsgemeenskap lê.

Die oproepsentrum toegewys aan SUNLearn en ander leertegnologieë is die afgelope naweek opgegradeer deur IT Microsoft-deskundiges. Die opgradering laat nou toe dat personeel en studente die “General SUNLearn support” of “SUNLearn Assessment” ondersteuning kies as die rede vir hulle oproep. Navrae oor toetsing word verwys na meer senior ondersteuningspersoneel voordat dit na die res van die span gestuur word sou die senior personeel besig wees met ʼn ander oproep. Hierdie veranderinge is op versoek van die Universiteit se Ombudsman en die Besigheidskontinuïteit Komitee vir Aanlynleer, sowel as kwaliteisbeheermeganismes en die monitering van die LearnHelp dienstoonbank.

Nuwe ondersteuningspersoneel is tans besig met intensiewe opleiding ter voorbereiding vir ondersteuning gedurende die eksamens en toetse geskeduleer in Oktober. Terselfdertyd is die tweede en derde vlak ondersteuningspanne vir Leertegnologie binne IT besig om voor te berei vir jaarlikse opgraderings en die voltooiing van finale toetsskedules vir enige probleme wat opgeduik het die afgelope drie maande. ʼn Besige tyd lê voor!

Kontak gerus ons ondersteuningspan met enige vrae, veral met die oog op voorbereiding vir einde-van-die-jaar toetsing en aktiwiteite. 

Ondersteuningsure is as volg:

Maandag – Vrydag: 08h00 – 22h00
Saterdag: 08h00 – 16h30

Leertegnologie dienstoonbank
Leertegnologie Oproepsentrum: 021 808-2222

Onthou om te registreer vir MFA

Dinsdag, September 8th, 2020

Verlede maand het ons jou vertel van die beplande implementering van MFA (Veelfaktor-bekragtiging). Dankie aan die 28 671 personeel en studente wat reeds registreer het vir die gebruik van MFA. 

Indien jy steeds onseker is oor hoe MFA werk, hier is meer inligting.

Alhoewel ons nog nie MFA aktiveer het nie, sal daar van alle personeel en studente verwag word om veelfaktor-bekragtiging te gebruik vir alle Microsoft 365 toepassings (Outlook, Sharepoint Online, OneDrive for Business, ens.) sodoende hulle inligting en die universiteit se netwerk te beskerm. Indien jy nog nie registreer het nie, beveel ons aan dat jy dit so gou moontlik doen deur die volgende stappe te volg.

Indien jy enige vrae het, kyk asb. na ons FAQ-dokument en as jou vraag nog nie beantwoord word nie, teken asb. jou versoek aan op die ICT Partner Portal waarna ʼn tegnikus jou sal kontak. Jy is ook welkom om vrae vir ons te stuur na help@sun.ac.za en ons sal dit byvoeg by die FAQs. 

 

© 2013-2020 Disclaimer: The views and opinions expressed in this page are strictly those of the page author(s) and content contributor(s). The contents of this page have not been reviewed or approved by Stellenbosch University.