Sedert SUNid (lees meer oor SUNid hier)`n paar maande terug in werking gestel is, word dit reeds deur heelwat US-personeel gebruik vir die registrasie van eksterne werkers en besoekers. Soos met enige nuwe stelsel, bestaan daar egter `n skerp leerkurwe en is opleiding van kardinale belang.
IT sal gevolglik vir die volgende paar maande kort blitssessies aanbied van 30 minute per sessie waar die werking van SUNid op ‘n praktiese manier verduidelik sal word, waarna daar nog 30 minute beskikbaar gestel word vir enige vrae.
Hierdie sessies is noodsaaklik as jy `n SUNid-gebruiker is en sal vervolgens verpligtend wees vir alle personeel wat versoek om op die stelsel geregistreer te word.
Die volgende sessies vind Oktober en November op die Stellenbosch-kampus plaas van 10h30-11h30:
16 Oktober
22 Oktober
28 Oktober
6 November
13 November
20 November
27 November
Personeel kan aanlyn inskryf via die SUN-e-HR opsie op my.sun.ac.za. Meer inligting oor opleiding is beskikbaar op IT se wiki.
Indien departemente dit verkies, kan IT ook een-tot-een inligtingsessies aan “approvers” gee of sessies aanbied by departementele vergaderings. Om hierdie sessies te reël, stuur asb. vir ons e-pos by help@sun.ac.za.
