As jy teen die tyd nog nie weet dat daar `n Wêreldbeker sokkertoernooi aan die gang is in Brasilië nie, het ek `n sterk vermoede jy hiberneer erens in die uithoeke van Mongolië.
Die 2014 FIFA Wêreldbeker, die 20ste FIFA Wêreldbeker, is `n wêreldtoernooi vir manssokker. Die jaar se toernooi het op 12 Junie afgeskop met `n groepfase en sal op 13 Julie tot `n einde kom wanneer die finaal gespeel word.
Brasilië het reeds voorheen gasheer gespel vir die groot geleentheid – meer as 60 jaar gelede in 1950. Die laaste keer dat die geleentheid in Suid-Amerika gehou is, was in 1978 toe Argentinië die toernooi gehuisves het.
31 lande se nasionale spanne het gekwalifiseer vir die Wêreldbeker en hulle sal in `n totaal van 64 wedstryde in 12 stede dwarsoor Brasilë meeding. Ongelukkig is Suid-Afrika natuurlik nie een van hulle nie, so jy sal maar `n ander span moet kies.
As die sokkerkoors jou gebyt het, weet jy hoe belangrik dit is om op datum te bly met al die nuus en wedstrydinligting. Ons het met die hulp van www.techradar.com vir jou tien handige (en gratis!) toepassings uitgesoek om te voorkom dat jy aan sokker-FOMO ly.
1 Amptelike FIFA toepassing
Prys: Gratis
Beskikbaar by: App Store | Google Play
FIFA se amptelike toepassing dek nie net die Wêreldbeker nie, maar inderdaad alle sokker. Die toepassing bied jou toegang tot die wedstrydskedule, maar ook lekker ekstra inligting soos spanprofiele. Jy kan selfs jou gunsteling span kies en hul vordering dophou.
2 ESPN FC Soccer & World Cup
Prys: Gratis
Beskikbaar by: App Store | Google Play
Ook `n toepassing wat alle sokker dek – dus ideaal vir sokkerliefhebbers wat nie net Wêreldbeker-kykers is nie. Buiten vir die standaardinligting, beskik dit ook oor videos en ontledings van die wedstryde.
3 World Soccer Finals
Prys: Gratis
Beskikbaar by: App Store | Google Play
Die perfekte toepassing vir die obsessiewe sokkerkyker met massas inligting, insluitende geel- en rooikaarte, statistieke en spelerinligting. Dit kan ook kennisgewings direk na jou foon stuur.
4 World Cup 2014 Brazil
Prys: Gratis
Beskikbaar by: Google Play
Hierdie Android-toepassing is ideaal as jy hou van statistieke. Dit bevat ook inligting oor skeidsregters, historiese vergelykings en nuus oor toekomstige Wêreldbekers.
5 2014 Table
Prys: Gratis
Beskikbaar by: Google Play
Die naam sê presies wat dié toepassing doen. Dit wys net eenvoudig die uitslae in `n maklike tabelformaat. Ideaal as jy net die basiese inligting soek.
6 LiveSoccer World Football Cup
Prys: Gratis
Beskikbaar by: Google Play
Kyk na lewendige wedstryde met pasgemaakte kennisgewings van resultate soos dit gebeur. Die toepassing het `n deeglike koppelvlak, maar is terselfdertyd gebruikersvriendelik.
7 Sofascore
Prys: Gratis
Beskikbaar by: Windows Phone App Store
Ideaal vir `n Windows-foon met lewendige opdaterings.
8 Squawka
Price: Free
Beskikbaar by: App Store
Nog `n toepassing vir die sokker-entoesias wat hou daarvan om sy feite reg te hê. Squawka gee vir jou al die statistieke om argument te staaf indien nodig.
9 TeamStream
Prys: Gratis
Beskikbaar by: App Store
TeamStream is `n nuus- en inligtingsdiens van The Bleacher Report en versamel al die relevante sokkerinligting van regoor die wêreld vir jou op een plek.
10 BBC Sport
Prys: Gratis
Beskikbaar by: App Store | Google Play
Die BBC Sport toepassing gee lewendige tekskommentaar op al die wedstryde en toegang tot Radio 5 bulletins.
As jy baie data tot jou beskikking het, kan jy ook die Live Soccer TV App oorweeg.
So, nou het jy geen verskoning om uit te mis op die groot geleentheid nie. Die enigste probleem is om `n span te kry om voor te skree ….
[SOURCES: www.techradar.com & www.wikipedia.com]
missed the best app of them all 365scores most of the time the feed is 10 seconds ahead of the tv broadcasts ;-)