Language:
SEARCH

  • Onlangse bydraes

  • Kategorieë

  • Argiewe

Konnektiwiteit

« Older Entries
Newer Entries »

STP – tegnologie binne studente se bereik

Vrydag, Augustus 30th, 2013

 Oor die afgelope jaar het `n nuwe tegnologie inisiatief gemik op studente, sy kop stadig, maar seker uitgesteek op kampusse landswyd.

STP, of te wel die Studente Tegnologie Program se doel is om bekostigbare tablette en skootrekenaars te verskaf aan alle studente verbonde aan openbare universiteite in Suid-Afrika.

 ASAUDIT (The Association of South African University Directors of Information Technology) en PURCO, die Aankope Konsortium vir Suid-Afrikaanse Hoër Onderwys instansies het die onderhandelinge met verskeie tegnologie maatskappye hanteer.

Hierdie nasionale inisiatief bied bekostigbare aanbiedinge op tablette en skootrekenaars vir personeel en studente aan al die publieke universiteite in Suid-Afrika wat aangedui het dat hulle deelneem aan die STP.  Verdere aanbiedings sal nog onderhandel word om die huidige produkte aan te vul.

Aanbiedinge op die oomblik sluit Acer Opvoedkunde wat Acer skootrekenaars verkoop en Pinnacle wat Lenovo skootrekenaars verkoop in en beide bied 4 skootrekenaarmodelle wat strek van intreevlak tot hoë vlak skootrekenaars.  Acer, Dell, Proline en Samsung bied ook tans Android en Windows tablette wat strek van ‘n 7 duim tot hoë vlak 10.1 duim modelle.

Gebruik die sentrale webblad (www.stp.ac.za) om produkte te vergelyk en een te kies wat jou die beste pas.  Nadat jy op die webtuiste van die maatskappy geregistreer het, kan jy jou bestelling plaas en met die maatskappy reël vir aflewering.

 

 

Email

Tags: ,
Posted in Konnektiwiteit | Comments Off on STP – tegnologie binne studente se bereik

IT op die lug

Vrydag, Augustus 30th, 2013

Die dae wat die Informasietegnologie-afdeling die onbereikbare entiteit aan die ander kant van Banghoekweg is, is lank reeds verby. Sedert 2010 het ons `n aktiewe poging begin aanwend om kommunikasie en interaksie met die res van kampus en almal aan wie ons `n diens lewer, te verbeter.

Begin September skud ons die winter se stof van ons voete en betree `n nuwe era van kommunikasie. Voortaan sal IT jou nie net bereik met e-pos nie, maar ook oor MFM se radiogolwe.

Met `n gehoor van 30 000 luisteraars tussen die ouderdom van 14-28 ouderdomsgroep, is daar geen twyfel dat IT `n jonger mark, en spesifiek studente sal bereik nie. Dié nuwe kommunikasiekanaal gee aan ons die geleentheid om `n groter deel van ons gebruikers op kampus te bereik en meer betrokke te raak by studentekwessies.

Daar sal dus voortaan twee-weekliks `n spesiale IT-insetsel op MFM wees op Dinsdae, 11:45 gedurende die AM-PM-show. Aangesien Bits & Bytes reeds `n gevestigde handelsmerk begin word, sal die insetsel ook bekendstaan as Bits & Bytes.
 
Bits & Bytes op die lug sal nie bloot nog `n institusionele mondstuk wees nie, maar eerder `n geleentheid om interessante tegnologiese verwikkelinge te bespreek. Daar sal ook geleentheid aan studente en personeel gegee word om d.m.v. ons Twitter-voer vrae te vra wat ons op die lug sal beantwoord. 
 
Ons sien uit daarna  om komende Dinsdag ons toetrede tot radio te maak en hoop jy skakel Dinsdag om 11:45 by ons in. Kliek hier om na MFM te luister.
 

 

 

 

Email

Posted in Kommunikasie, Gemeenskapsinteraksie, Konnektiwiteit | Comments Off on IT op die lug

Wagwoord-sinkronisasie problematies

Vrydag, Augustus 16th, 2013

Die afgelope week ervaar die IT Dienstoonbank `n toename in probleme met die sinkronisasie van wagwoorde. Gelukkig is dit slegs `n tydelike situasie, maar daar is `n paar stappe wat jy kan volg om seker te maak jy sit nie met dieselfde probleem nie.

Wanneer jy `n tydelike wagwoord by IT kry, wag eers ten minste 30 minute voordat jy by www.sun.ac.za/useradm ingaan en dit verander na die wagwoord van jou keuse. Die sinkronisasieproses neem `n tydjie en as jy dit onmiddellik doen ondervind die databasis probleme. 

Skakel al jou toestelle af, behalwe een, bv. die skootrekenaar as jy wel jou wagwoord verander anders gaan dit nie soomloos oor al die toestelle sinkroniseer nie.  Indien jy klaar jou wagwoord verander het, skakel die ander toestelle een vir een aan en teken aan met jou nuwe wagwoord. 

Onthou, jy kan self jou wagwoord enige tyd verander op HTTP://WWW.SUN.AC.ZA/USERADM by die Change Password-opsie. Probeer om te hou by die riglyne wat gegee word om jou wagwoord so veilig moontlik te hou – dit sal jou baie moeite en frustrasie spaar op die lange duur. As jy jou wagwoord heeltemal vergeet het, kan jy dit self verander deur te gaan na DIE PERSONEELPORTAAL.

Nog wenke vir die verandering van jou wagwoord kan op https://stbsp01.stb.sun.ac.za/innov/it/it-help/Wiki%20Pages/Change%20password.aspx gevind word.

Email

Posted in Konnektiwiteit, E-pos | Comments Off on Wagwoord-sinkronisasie problematies

Wat kan Google vandag vir JOU doen?

Vrydag, Augustus 16th, 2013

Wat sou ons tog sonder Google in ons lewens gedoen het – kan jy jouself ooit `n lewe pre-Google voorstel?! Maar het jy geweet dat jy meer met Google kan doen as net lukrake feite opsoek?

Google het in Mei 2012 aangekondig dat Knowledge Graph as addisionele funksie tot die Google soekenjin bygevoeg. Gaaf, maar wat is Knowledge Graph?

Knowledge Graph is `n sentrale bron van inligting wat versamel is van verskeie bronne soos CIA World Factbook, Freebase, en Wikipedia. Hierdie databasis verskaf gestruktureerde en gedetaileerde inligting oor `n onderwerp, saam met die standaard lys voorgestelde skakels.

Die doel hiervan is sodat gebruikers van die Knowledge Graph inligting kan gebruik sonder om verder te kliek op skakels wat hulle wegneem na ander webwerwe. Vanaf 2012 beskik hierdie semantiese netwerk oor meer as 570 miljoen objekte en meer as 10 biljoen feite!

Klink heel handig, né? So wat kan `n mens alles opspoor met hierdie sogenaamde Knowledge Graph?

Jy het waarskynlik al gebruik gemaak van Google translate, `n funksie wat jou toelaat om enige woord of frase van een taal na `n ander te vertaal. Google translate is deel van die Knowledge Graph. Ongelukkig is Google se Afrikaanse vaardighede nog nie so geslyp nie, so moet maar nie te veel daarop vertrou vir Afrikaans nie.

Maar buiten vir Google se indrukwekkende vertaalvaardighede, kan dit ook jou geldkoers vir jou bereken wanneer jy oorsee gaan. Voer bloot die bedrag en eenheid van en waarheen dit moet omgeskakel word en jy’s reg om jou kredietkaart te gaan sleep in daai winkel in Leuven met die drie verdiepings boeke! Tik byvoorbeeld “10 rand to Euro” in en dit word dadelik vir jou omgesit in die regte bedrag.

Wanneer jy aan die reis is, wonder waarskynlik ook oor die weer en wat jy moet inpak om nie die 20kg limiet te oorskry nie. Tik `n frase soos “The weather in Antwerp” en binne sekondes is jou klere-dilemma uitgesorteer.

Smaak die ontbyte in Frankryk te lekker en jy begin bekommerd raak oor die groeiende omstek van jou middellyf en cholesterolvlakke? Google net “How much protein is in an egg?” en jy sal dalk gou oorskakel na muesli ipv gevulde omelette.

Aangesien jy nou alreeds bekommerd is oor jou gesondheid – soek sommer die kwaal op wat jy vermoed jy opgedoen het in jou reise. Knowledge Graph gee jou vinnige toegang tot gesondheidsinligting, insluitende toestande of medikasie. Tik in `n spesifieke siekte of medikasie en `n verduideliking sal opkom. 

Jy kan selfs die sonopkoms en ondergange, tye in verskeie stede en spesifieke vakansiedae opsoek.

Sukkel jy met omskakeling van mates – of dit nou duime, voete of ander mates is, die soekenjin kan selfs hoogte, gewig, volume en temperatuur omskakel. Tik byvoorbeeld in e “2mm to inches” in soekboksie en druk Enter. As jy meer mates soek, kliek net op die aftuimellys. 

Gepraat van syfers – vir die van ons wat nie geseënd is met wiskundige breine nie, sal Google die optelsom vir jou doen. Ook vir die linkerbreine is daar `n woordeboek-opsie. DIt kan geaktiveer word deur “define” vooraan die woord te tik of net verkeerd te spel! 

Google voeg deurlopend allerhande nuwe toepassings en ekstras by hul soekenjin. Gaan kyk `n bietjie wat daar nog is by https://www.google.co.za/intl/af/help/features.html.

[SOURCE: www.cnet.com & www.wikipedia.com]

 

Email

Posted in Konnektiwiteit, Internet | Comments Off on Wat kan Google vandag vir JOU doen?

eduroam: internet sonder moeite

Vrydag, Augustus 2nd, 2013

As jy `n gereelde besoeker is aan universiteite, veral in Europa, is jy waarskynlik alreeds bewus van eduroam en hoe dit jou lewe as reisende akademikus vergemaklik. Daarom is ons opgewonde om aan te kondig dat eduroam ook voortaan by Universiteit Stellenbosch beskikbaar sal wees.

Maar vir die van ons wat nie weet nie – wat is eduroam presies? eduroam (education roaming) is  veilige, wêreldwye swerwende (“roaming”) toegangsdiens. Die diens het ontstaan as `n projek deur die  Trans-Europese Navorsing en Opvoedkunde Netwerk Organisasie  in Europa en het mettertyd spoed opgetel onder die navorsings en opvoedkunde-gemeenskap. 

eduroam is tans beskikbaar in 54 lande, insluitend South Africa en die diens verskaf `n maklike manier om toegang tot die internet te kry sonder te veel moeite. Dit gee aan studente, navorsers en personeel van deelnemende instellings die geleentheid om `n internetverbinding regoor kampusse en by ander akademiese instellings te kry deur net hul toestel (hetsy dit `n skootrekenaar, tablet of selfoon is) aan te sit.  

Gebruikers kan tussen kampusse beweeg en ander deelnemende instellings tuis of oorsee besoek en onmiddellik veilige netwerktoegang kry, sonder om ekstra gasterekeninge of wagwoorde te installeer. Die besoekende gebruiker se identiteit word gestaaf deur middel van dieselfde inligting (gebruiksnaam en wagwoord) wat gebruik word by sy eie akademiese instelling. 

Om eduroam vir jou departement te aktiveer, e-pos help@sun.ac.za met jou volledige inligting en vir meer inligting besoek www.eduroam.org. Meer informasie oor eduroam in Suid-Afrika, kan gevind word by http://eduroam.ac.za/

[BRONNE: www.wikipedia.org and www.eduroam.org]

Email

Posted in Kommunikasie, Konnektiwiteit | 8 Comments »

« Older Entries
Newer Entries »
 

© 2013-2024 Disclaimer: The views and opinions expressed in this page are strictly those of the page author(s) and content contributor(s). The contents of this page have not been reviewed or approved by Stellenbosch University.