Algemeen « Informasietegnologie

Algemeen

Galaxy S3 is hier

Vrydag, Junie 8th, 2012

Samsung Electronics se nuutste vlagskip intelligente foon, die Galaxy S3, is gisteraand na groot afwagting in Suid-Afrika bekendgestel. Die foon is sedert die einde van verlede maand slegs beskikbaar by Vodacom, maar MTN & Cell C sal dit ook na gisteraand se bekendstelling as deel van hulle kontrakportfolio aanbied. In Suid-Afrika is 50 000 bestellings ontvang voordat die foon bekendgestel is.

Die Samsung Galaxy S III is ‘n intelligente Android-foon aangekondig deur Samsung op 3 Mei 2012 en die opvolger van die Samsung Galaxy S II. Die toestel is op 29 Mei 2012 in 28 lande bekendgestel, onder andere in Europa, Indië en Maleisië.

As jy geinteresseerd is in die tegniese detail, sal jy die gedetaileerde spesifikasies vind op Wikipedia of Samsung se webwerf. Vir objektiewe opinies en resensies, lees meer op CNET.

Tags: selfoon, Galaxy SIII, mobiel
Posted in Algemeen | 2 Comments »

Spieëlwebwerwe tot jou beskikking

Vrydag, Junie 8th, 2012

Het jy geweet daar is sekere webwerwe waartoe jy plaaslik toegang na kan kry sonder dat jy nodig het om Inetkey te gebruik? Hierdie webwerwe staan bekend as spieëlwebwerf, of te wel `n “mirror site”.

In die rekenaaromgewing is `n “mirror” `n presiese kopie van `n datastel en op die internet is `n “mirror site” die presiese kopie van `n ander internetwebwerf. Spieëlwebwerwe word gereeld gebruik om veelvuldige bronne van dieselfde inligting te verskaf en is veral voordelig as betroubare toegang tot groot aflaaibare leêrs. “Mirroring” is in kort dus `n tipe leêr sinkroniseringsproses waar die aktiewe spieëlwebwerf opdateer word sodra die oorspronklike webwerf verander.

Maar hoekom is dit nodig dat daar meer as een weergawes van dieselfde webwerf is? Enkele redes hiervoor is:

Om die bestaande weergawe te bewaar, veral as dit gesluit is of gesluit gaan word.
Sodat gebruikers vinniger inligting kan aflaai as dit plaaslik is. (`n Amerikaanse bediener kan byvoorbeeld `n spieëlbeeld hê in Japan sodat Japanese internetgebruikers vinniger data kan aflaai.)
Toegang tot andersins onbereikbare inligting. (Google is byvoorbeeld verban in China in 2002 en `n spieëlwebwerf elgooG is daargestel om steeds toegang te gee.)
Om ouer inligting te argiveer wat te duur word om te huisves op die hoofwebwerf.
Om die lading in internetverkeer te verlig.

Voordat jy dus groot leêrs en sagteware aflaai vanaf `n internasionale webwerf en jou internetrekening opjaag, maak eers seker dat daar nie `n plaaslike weergawe is nie. Die volgende klompie webwerwe is teen geen onkoste beskikbaar vir jou:

`n Verskeidenheid sagteware is beskikbaar by http://support.sun.ac.za

MIT OpenCourse Ware: http://ocw.sun.ac.za

Mirror server vir linux: http://ftp.sun.ac.za

Mirror dienste gratis beskikbaar via TENET: http://www.mirror.ac.za

Bekendste linux distros is beskikbaar (Ubuntu,Debian, Fedora, Opensuse, Mandriva ens.)

Volledige Programeringstale mirrors is beskikbaar by:

CPAN (perl): http://ftp.sun.ac.za/ftp/pub/mirrors/ftp.funet.fi/pub/languages/perl/CPAN/

CTAN (Tex/Latex): http://ftp.sun.ac.za/ftp/pub/mirrors/ftp.dante.de/tex-archive/

Python: http://ftp.sun.ac.za/ftp/pub/mirrors/ftp.python.org/

Wiskundige tale:

SageMath: http://ftp.sun.ac.za/ftp/pub/mirrors/www.sagemath.org/

Scilab (http://ftp.sun.ac.za/ftp/pub/mirrors/scilab/www.scilab.org/

R http://ftp.sun.ac.za/ftp/pub/mirrors/cran.za.r

Octava http://ftp.sun.ac.za/ftp/pub/mirrors/octave

Oopbron sagteware:

sourceware.org: http://ftp.sun.ac.za/ftp/pub/mirrors/sourceware.org/pub/

Gratis Officepakket:

LibreOffice: http://ftp.sun.ac.za/ftp/pub/mirrors/libreoffice/

OpenOffice: http://ftp.sun.ac.za/ftp/pub/mirrors/openoffice/

Aflaaibare antivirus opdaterings:

Mcafee: http://ftp.sun.ac.za/ftp/pub/mirrors/ftp.nai.com/

Symantec: http://ftp.sun.ac.za/ftp/pub/mirrors/ftp.symantec.com/public/

english_us_canada/antivirus_definitions/norton_antivirus/

Adobe Reader: http://ftp.sun.ac.za/ftp/pub/mirrors/ftp.adobe.com/

BRON: www.wikipedia.org

Tags: aflaaibare leêrs, Hardeware en Sagteware Dienste en Ondersteuning, internet, mirror sites, selfhelp
Posted in Algemeen, Internet | Comments Off on Spieëlwebwerwe tot jou beskikking

Te veel lynopsies?

Donderdag, Junie 7th, 2012

Hoe gelukkig is ons nie om deesdae (natuurlik as die begroting dit toelaat) internet in ons huise te kan hê nie. Anders as 5 jaar gelede kan jy nou `n resep “google” in plaas van die Kook en Geniet gryp. Of in die middel van `n fliek gou die naam van die akteur opsoek wat so bekend lyk, maar wie se naam jy skielik om der dood nie kan onthou nie.

Ongelukkig kom daar met tyd ook meer opsies en in die proses meer verwarring. Asof die keuse van diensverskaffer nie moeilik genoeg is nie, kan jy deesdae ook kies hoe vinnig jou ADSL-lyn moet wees. iAfrica het dit vereenvoudig sodat ons dit ook kan verstaan.

384Kbps

Telkom se goedkoopste, intreevlak-opsie teen R152 per maand.

As jy e-posse wil lees, `n bietjie Facebook en Twitter en dalk af en toe `n snaakse video-insetsel wil kyk, is hierdie een vir jou. Jy sal kan Skype en ander gesels-programme gebruik, maar videokonferensies gaan maar hikkerig wees. As jy lief is vir jou YouTube-videos en musiek wil stroom, sal jy dalk maar geduld moet aanleer. Hierdie lyn gaan maar sukkel om te doen wat jy wil hê. Jy sal ook lank wag om leêrs af te laai wat groter as 1GB is.

Die goeie nuus is egter dat jy nogsteeds speletjies sal kan speel sonder te veel probleme. Die gesukkel gaan slegs inkom as jy opdaterings (“patches”) of ander inhoud vir jou speletjies wil aflaai.

As jy nie vir Telkom wil ondersteun nie, is daar ook die opsie om by MWEB, Afrihost en ander IDV’s `n onbeperkte rekening te kry vir ongeveer R200.

1Mbps

Telkom se middelslag-aanbod is `n trappie beter, maar ook heelwat duurder teen R289. Die 1Mbps lynspoed is egter nader aan die spoed wat breëband eintlik moet wees – amper drie keer so vinnig as `n 384Kbps lyn.

Die 1Mbps-lyn is perfek vir `n familie met meer as een persoon wat die internet wil gebruik sonder om te veel te sukkel met internetspoed. Dis ook `n goeie opsie as jy baie data wil aflaai en na radiostasies en musiek aanlyn wil luister. Daar sal steeds `n mate van onderbreking wees, maar `n paar sekondes in vergelyking met `n paar minute op `n 384Kbps lyn.

Selfs met die aflaai van speletjies doen die 1Mbps goed. Speletjies groter as 10GBs gaan dalk net `n tydjie (enigiets van 24-48 ure) neem.

Die onbeperkte 1Mbps opsies se pryse het ook die afgelope tyd geval en jy kan dit nou aanskaf teen R200 vir MWEB, Afrihost, Axxess en ander.

4Mbps

Die tweede duurste opsie gaan jou R413 per maand kos, maar dis ook vier keer vinniger as die 1Mbps-lyn. Hierdie lyn is ook handig vir families, veral die wat `n kombinasie van “WiFi”-toestelle en rekenaars het. Ernstige aflaaiers kan gerus, as die begroting dit toelaat, gaan vir die 4Mbps-opsie aangesien groot leêrs baie vinnig aflaai.

Aanlyn videos en musiek stroom seepglad so jy sal nie op jou tande sit en kners van frustrasie nie. Nog `n voordeel is die kwaliteit van video-oproepe met goeie kwaliteit met min onderbreking, indien enige. Gebruikers van Xbox Live en Steam sal moeiteloos “patches” en speletjies wat etlike gigabytes is, kan aflaai.

‘n Onbeperkte 4Mbps data rekening sal gebruikers ongeveer R500 per maand kos.

10Mbps

Hierdie vinnigste opsie van almal kos dieselfde as die 4Mbps, omdat Telkom gebruikers gratis opgradeer.

Met 10Mbps kan jy uitsien na hoë-definisie datastroom sonder enige onderbreking. Aflaai is natuurlik ook twee keer so vinnig as met die 4Mbps-lyn en is dus vergelykbaar met die res van die aanlynwêreld. As jy dus `n internet-geaktiveerde TV, Apple TV of enige ander HD toestel het, is hierdie die beste opsie vir hoë-kwaliteit inhoud sonder om te sit en wag vir `n skerm wat laai.

Vir die kwaliteit en spoed van `n onbeperkte 10Mbps rekening vra Afrihost R997 (die laagste prys op die mark tans). Axxess vra R1599, terwyl MWEB R1999 vra.

BRON: www.iafrica.com

Tags: bandwydte, wyeband, internet
Posted in Algemeen, Internet | 1 Comment »

Hoekom wag? Verander nou!

Donderdag, Junie 7th, 2012

Elke 90 dae gee jou rekenaar `n boodskap wat jou laat sug van moedeloosheid en jy dan eerder ignoreer en uitstel tot op die nippertjie. En hoekom? Want dit verg `n klein bietjie moeite en breinkrag om `n oorspronklike wagwoord uit te dink wat jy nie na twee dae gaan vergeet nie.

Wagwoorde een van daai dinge soos belasting, munisipale rekeninge en onnodige bankkostes – frustrerend, maar nodig (goed, miskien is hulle nie almal per se nodig nie, maar julle verstaan my punt.)

Die beste oplossing is om dit so vinnig as moontlik te doen en dan hoef jy nie vir die volgende 14 dae gekonfronteer te word deur `n treiterende boodskappie nie. Om die proses so vinnig en pynloos moontlik af te handel, gee ons `n paar voorstelle.

As jy die eerste keer die boodskap kry, gaan direk na http://www.sun.ac.za/useradm. Voordat jy jou wagwoord verander, log eers uit inetkey en Outlook om die sinkronisasieproses te vergemaklik. Indien moontlik, moenie “wireless” gebruik as jy jou wagwoord verander nie, gebruik eerder jou netwerkkabel en deaktiveer “wireless”.

Indien die rekenaar slegs tuis gebruik word, en nie op die netwerk gekoppel is nie, sal die verandering van wagwoorde net ‘n effek hê op u e-pos en inetkey op die tuisrekenaar en sal die aanvanklike wagwoord van die rekenaar nie ook verander, tensy dit op die netwerk gekoppel word nie. Vir wagwoorde om korrek te sinkroniseer, moet die rekenaar/laptop aan een van die US se domeins gekoppel wees.

Hierdie week is daar in 6.5 miljoen LinkedIn rekeninge ingebreek en dit beklemtoon weereens die noodsaaklikheid van `n sterk wagwoord.

Let veral op die volgende:

Die vorige 10 gebruikte wagwoorde kan nie weer gebruik word nie.
Jou gebruikersnaam, naam of huidige wagwoord mag nie deel vorm van jou nuwe wagwoord nie.
Jou wagwoorde moet bestaan uit 8 of meer karakters.
Wagwoorde moet karakters uit 3 van die 4 onderstaande groepe bevat: Klein letters, hoofletters, syfers, spesiale karakters (byvoorbeeld %,$,#)

Gebruik ‘n woord wat aan jou bekend is of iets waarvan jy hou en vervang van die letters met ‘n nommer of verskuif die hoofletters, byvoorbeeeld:

D1tiswin7er = Dit is winter

P@nn3koeK = Pannekoek

warMKoff13 = Warm koffie

Wanneer jy jou wagwoord op http://www.sun.ac.za/useradm verander, verander ook die wagwoord ooreenstemmend op al jou ander toestelle. (selfoon, tablet, ens.) Indien jy nie jou ander toestelle by jou het nie en dit aan die internet gekonnekteer is tuis, vra dat iemand tuis dit vir jou afskakel terwyl jy jou wagwoord verander. Skakel ook onmiddellik jou toestel (rekenaar, tablet of selfoon) af nadat jy jou wagwoord suksesvol verander het sodat dit kan sinkroniseer.

Indien jy die wagwoord verander het en dit nie gou genoeg op jou Selfoon/Tablet opdateer het nie, verander dit na die nuutste wagwoord en skakel IT om rekening te “unlock”. Dit sal verhoed dat jy jou wagwoord weer moet verstel.

Tags: wagwoord
Posted in Algemeen, Sekuriteit | 3 Comments »

Skootrekenaars nou meer bekostigbaar vir studente

Woensdag, Junie 6th, 2012

Studente kry reeds toegang tot die kampusnetwerk en IT-stelsels d.m.v. ongeveer 2500 rekenaars in RGAs. Addisioneel tot hierdie fasiliteite in RGAs word voorsien dat studente toenemend hul eie draagbare skoot- of tabletrekenaars na die kampus sal bring. In lyn met hierdie inisiatief is daar deur ’n landswye studente-skootrekenaarprojek mededingende pryse vir skootrekenaars beding. Hierdie rekenaars is getoets en goedgekeur deur die US se IT-afdeling en word aanbeveel vir studente.

Die produkte is billik geprys met `n aansienlike afslag op die vasgestelde pryslys vir sommige modelle. Alle modelle word standaard uitgereik met Windows 7 en Office 10 Pro – nog `n besparing van R1200-00.

Twee rekenaarhandelsmerke, Acer and Lenovo is gekies en elke verskaffer het vier verskillende opsies: Van intreevlak tot gevorderd. Die spesifikasies van die vier modelle is dieselfde by beide verskaffers. Jy kan dus besluit watter handelsmerk en model jou die beste pas.

Jy kan jou skootrekenaar direk by die verskaffers koop deur te kliek op die onderskeie skakels.

DISCLAIMER STATEMENT: PURCO, on behalf of the South African universities, negotiated prices with specific suppliers for specific laptops that are now being offered to qualifying students. All transactions relating to the procurement of the laptops will be between the computer supplier and the end-user. Neither PURCO nor the universities are in a position to guarantee the quality of the product or related services.

important info Jy moet ’n voornemende of huidige student met ’n US-nommer wees om te kwalifiseer. Indien jy meer inligting verlang of addisionele hulp nodig het, kontak ons by laptop@sun.ac.za of 021 808 9111

Tags: Acer, Informasietegnologie, skootrekenaar, skootrekenaar-inisiatief, Lenovo, student, Studente
Posted in Algemeen | 9 Comments »

IT skakels

US skakels

Onlangse bydraes

Kategorieë

Argiewe