Akademiese werk aan ’n universiteit bring mee dat die student blootgestel word aan die idees, geskrewe materiaal en ander intellektuele en kreatiewe produkte van ander. Die bedoeling met akademiese studie is juis dat die idees van sowel die dosent as die student deur hierdie idees en materiaal van ander gevorm en geslyp sal word. Terselfdertyd moet die student ook verder gaan as dit wat ander gedink, geskryf en geskep het en dit krities evalueer, nuwe en oorspronklike insette of sinteses maak, en dit van toepassing maak op eietydse internasionale en plaaslike problematieke. Hierin lê die besondere bevrediging van akademiese werk op universiteitsvlak.
Uiteraard kan die dosent slegs evalueer wat die bydrae van die student self is wanneer die bydrae van ander persone duidelik onderskei word. Dit gebeur by wyse van erkende stelsels van erkenning en aanhaling. Deur nie hierdie konvensies te volg en die nodige erkenning te gee nie, word die grondslag van die akademiese werk aan ’n universiteit ondermyn. Deur die werk (woorde, idees, skeppinge) van ander persone oor te neem asof dit die skrywer se eie is, word plagiaat gepleeg.
Die universiteit gebruik Turnitin om plagiaat mee te toets. Turnitin integreer met die Leerbeheerstelsel (Webstudies of Ematies). Werkstukskakels word binne die LBS geskep wat deur studente gebruik word om hulle werkstukke na op te laai. Die werkstukke wat opgelaai word, word in ‘n databasis gestoor en word dan gebruik vir die toets van plagiaat. Dit verhoed dat een student ‘n ander student se werkstuk kan gebruik, deur woorde en sinne wat ooreenkom te identifiseer. Werkstukke word ook teen bestaande webblaaie, aanlyn boeke, koerante en journale getoets.
Die mees suksesvolle benaderings m.b.t. die hantering van plagiaat in die geval van studente laat ruimte vir wat genoem kan word ’n ontwikkelingsbenadering, naamlik dat die voorkoms van gevalle van plagiaat – uitgesonderd gevalle van ’n ernstige aard gebruik word as ’n geleentheid om die persone wat hulle daaraan skuldig maak te wys op wat verwag word en hoe om met inligting om te gaan, asook om (byvoorbeeld) die werkstuk oor te doen.
Vir meer inligting oor die universiteit se Interim-benadering m.b.t. die hantering van plagiaat, besoek die SOL webtuiste: http://stbweb02.stb.sun.ac.za/sol/beleide:
Inligting verkry en aangepas uit Interim riglyne vir die hantering van plagiaat deur Marinda van Rooyen
TURNITIN Aantekenprobleme & hulp
– As jy nie kan aanteken by WebSTudies of Blackboard, gaan na www.sun.ac.za/useradm en verander joiu wagwoord.
– Vir enige ander WebSTudies of Blackboard-verwante navrae (modules wat nie wys nie, ens.), stuur e-pos aan WebStudies of Samuel Morris.
Tel: +27(0)21 808-2443
