Pap battery?

• Vind uit waar skakel jy jou slimfoon se 3G af. As jy die funksie afskakel, spaar jy geweldig baie van jou foon se energie en jy het dalk die batterykrag eerder nodig vir `n noodgeval.
• Kry ook  ‘n ekstra USB kabel en stoor dit in jou kantoor. As jou selfoonbattery pap is of jou gewone laaier voete kry, kan jy nogsteeds jou selfoon met jou rekenaar laai. Hierdie laaiers is vir minder as R80-00 by die meeste winkels beskikbaar.
• `n Goeie, beskermende houer vir jou selfoon sal voorkom dat jou foon te vinnig warm word en onnodig  batterykrag gebruik.
• As jy jou battery laai, sit dit op `n koue of neutrale oppervlak en nie op `n warm area waar dit hitte kan opbou nie.

Ry veilig.

• Ons is nie almal goeie multitaskers nie, veral nie as dit by bestuur kom nie! Kry liewer vir jou `n bluetooth-kopstuk voor jy `n boete kry, of veel erger, `n ongeluk veroorsaak. Jy hoef nie die duurste model aan te skaf nie, `n basiese model, soos  hierdie een, sal dieselfde doel dien.

Bly in kontak

• Stoor al jou kontakte op `n sentrale plek op die web, byvoorbeeld op jou Google rekening. Slimfone kan jou kontakte daarvandaan onttrek en jy hoef nie rond te skarrel as jou foon gesteel word of die gees gee nie.

INLIGTING VERSKAF DEUR JURGEN MOOLMAN, IT DIENSTOONBANK