Jy’t dalk al die woord erens gehoor en weet vaagweg dat dit iets te doen het met leêrs. Maar buiten dit het jy geen idee wat FTP is nie. Buitendien, wat sou jy tog daarmee doen?

Maar hier is die goeie nuus. Dis eintlik maklik om te gebruik en mag handig te pas kom as jy groot hoeveelhede data met iemand buite die universiteit-netwerk moet deel. Is jy nou al meer geinteresseerd?

Goed, maar voor ons in die diep kant inspring, kom ons begin eers deur te verduidelik wat FTP presies is.

File Transfer Protocol of FTP is `n standaard netwerk-protokol wat gebruik word om rekenaarleêrs van een gasheerrekenaar na `n ander oor `n TCP-gebaseerde netwerk, soos die Internet. FTP-gebruikers kan hulself staaf deur die gebruik van `n gebruikersnaam en wagwoord, maar sommige FTP-bedieners is wel so opgestel dat gebruikers anoniem kan aanteken daarsonder. (Indien jy meer tegniese inligting oor FTP soek, lees gerus op Wikipedia)

Om Universiteit Stellenbosch se FTP-bediener te gebruik, het jy die adres van die bediener en wagwoord nodig:

ftp-bediener: ftp://tydelik@ftp.sun.ac.za
wagwoord: tydelik

Hou net in gedagte dat hierdie spasie nie gebruik mag word vir die stoor of rugsteun van data nie. Dis slegs `n tydelike spasie om leêrs te sit sodat iemand anders maklik toegang daartoe kan kry. Die persoon wat die data aflaai, gebruik dieselfde aanteken-inligting. 

Om FTP op jou rekenaar op te stel, volg hierdie stap-vir-stap instruksies op Microsoft se webwerf.

As jy meer inligting oor FTP soek, hier is `n paar bronne: 

https://kb.iu.edu/d/aerg
http://www.webopedia.com/TERM/F/ftp.html

As `n gebruiker van die US-netwerk is daar ook `n paar ander voordele as dit by gratis toegang kom. Jy kan `n paar webwerwe besoek sonder om jou internetrekening daarvoor te gebruik. Lees meer oor hierdie webwerwe op ons blog –  https://blogs.sun.ac.za/it/2012/04/20/free-access-to-selected-websites/ en https://blogs.sun.ac.za/it/2012/06/08/mirror-mirror/

This entry was posted on Vrydag, Maart 13th, 2015 at 9:50 vm and is filed under Konnektiwiteit, Internet. You can follow any responses to this entry through the RSS 2.0 feed. Both comments and pings are currently closed.