Drie onderskeie e-posse met die onderwerpe “Information Service”, “Online course” en “IT Official Communication” is onlangs aan studente en personeel versend. Die e-pos vra dat jy op ʼn skakel kliek om ’n versoek te sien wat jy op die “Service Portal” aangemeld het, die ander om ’n opname te voltooi en die derde een om two-factor authentication te aktiveer. Laasgenoemde is ook uitgestuur met Informasietegnologie se eie grafika in `n poging om studente en personeel te oortuig dat dit amptelik is. (sien voorbeelde onder)
Hierdie is nie geldige e-posse nie, maar strikroof-pogings gestuur vanaf ʼn gekompromitteerde universiteit e-posrekening.
Deur op skakels in strikroof e-posse te kliek en jou inligting te verskaf, gee jy aan misdadigers toegang tot jou persoonlike inligting en rekeninge. Indien jy vermoed dat jou rekening of toestel gekompromitteer is of jy agterdogtige aktiwiteite oplet:
- Verander dadelik jou wagwoord by www.sun.ac.za/password.
- Kontak die IT Dienstoonbank deur ʼn versoek aan te meld of 808 4367 te skakel.
- Meer inligting is beskikbaar op ons blog en Twitter.
