Language:
SEARCH
  • Onlangse bydraes

  • Kategorieë

  • Argiewe

Navorsing

Bewaring via hommeltuig

Donderdag, Oktober 27th, 2016

Jy het al die videos op YouTube gesien – uitgestrekte, asemrowende lugskote van areas wat feitlik ontoeganklik is vir die meeste mense. Rhino Africa het Woensdag`n video vrygestel wat met behulp van `n hommeltuig verfilm is. Die video wys die skoonheid van Afrika en die resultate is asemrowend.

Deesdae kan ons toegang kry tot feitlik enige afgeleë area met behulp van`n hommeltuig of UAV (unmanned aerial vehicle) met afstandbeheer, sagteware of ʼn GPS-stelsel. Hierdie vlieënde robotte word “hommeltuie” genoem omdat hulle klink soos die eentonige gedreun van ʼn manlike by.  

Aanvanklik is hommeltuie nie net as blote tydverdryf gebruik nie. Die eerste toestelle is aangewend deur die weermag, maar vandag is siviele hommeltuie meer algemeen as hul militêre eweknieë. Na beraming is daar teen 2015 reeds meer as ʼn miljoen verkoop en word hulle gebruik vir kommersiële, wetenskaplike, ontspannings- en landboudoeleindes, sowel as ander funksies soos polisiëring, toesig, lugfotografie en natuurbewaring.

droneDie idee om UAV’s te gebruik vir natuurbewaring is in Januarie 2011 deur Lian Pin Koh, ʼn natuurbewaringsekoloog en Serge Wich, ʼn primaatbioloog bedink. Dit was egter gou duidelik dat die beskikbare UAV’s te duur was vir ontwikkelende lande waar hulle die nodigste was. Lian en Serge se enigste oplossing was om hul eie, meer bekostigbare weergawe te bou. Die prototipe se koste het uitgewerk op minder as $2,000.

ʼn Jaar later is die prototipe getoets in Noord-Sumatra, Indonesië waar dit meer as 30 ritte onderneem het en duisende hoë-resolusie lugfoto’s en videomateriaal van woude en die natuurlewe versamel het. (https://conservationdrones.org/our-story/)

Na mate Lian en Serge se navorsing bekend geraak het, is die term “Conservation Drone” gebore en teen 2012 is UAV’s ook deur die International Anti-Poaching Foundation.

(https://www.youtube.com/watch?v=FIrgjCNcDBI)

Hommeltuie word reeds wêreldwyd vir natuurbewaring gebruik. Die WWF (World Wide Fund for Nature) het dit in 2012 in die Chitwan Nasionale Park in Nepal, begin gebruik om renosters, tiere en olifante te monitor, maar ook om te dien as ʼn afskrikmiddel vir stropery. In dieselfde jaar Google $5 vir die WWF gegee om hommeltuie aan te koop om gedeeltes van Afrika en Asië te monitor en stropery te bekamp.

Ook in Suid-Afrika is UAV’s suksesvol in die Kruger Nasionale Park teen renosterstropers gebruik nadat Denel Dynamics, ʼn vervaardiger van die tegnologie, dit aan die Suid-Afrikaanse Nasionale Parkeraad geleen het vir natuurbewaring. 

In Maart 2014 het die Howard G. Buffett Stigting aangekondig dat hulle 255 miljoen rand skenk vir ʼn driejaar inisiatief, in samewerking met die Natuurbewaringstrust, Suid-Afrikaanse Nasionale Parkeraad (SANParks) en ʼn Suid-Afrikaanse openbare winsorganisasie (PBO). Hierdie inisiatief se doel is om stropery in die Kruger Nasionale Park te beveg en nuwe anti-stropery tegnologie te toets. SANParke toets tans die hommeltuie en vanjaar het die Stigting ʼn verdere 37.7 miljoen gegee vir die aankoop van ʼn helikopter vir gebruik teen stropery bedrywighede. (https://www.savetherhino.org)

In Namibië is hierdie tegnologie deur die Sea Shepherd Conservation Society gebruik om die jaarlikse uitdunproses van robbe te monitor en ook om rensosterstropery in die Etosha Nasionale Park te bekamp. 

Ander gebruike vir UAV’s sluit in: opnames van gewasse, lugfotografie, reddingspogings, inspeksie van kraglyne en pypleidings, tel van wild, aflewering van mediese voorrade in andersins ontoeganklik gebiede, die opsporing van persone wat onwettige jag, verkenningsoperasies, koöperatiewe omgewings monitor, grenspatrollie-missies, beskerming van konvooie, bosbrandbeheer, toesig, humanitêre hulp, landmeting, vuur en ongelukke ondersoek, meting van grondverskuiwings, opsporing van onwettige stortingsterreine, die konstruksiebedryf en ook skare beheer.

[SOURCES: https://en.wikipedia.org/wiki/Unmanned_aerial_vehicle, https://conservationdrones.org/our-story/, https://en.wikipedia.org/wiki/Conservation_Drones, https://www.savetherhino.org/rhino_info/thorny_issues/the_use_of_drones_in_rhino_conservation]

(English) Fair data management

Woensdag, Oktober 26th, 2016

Jammer, hierdie bladsy is nie in Afrikaans beskikbaar nie.

Wetenskap in jou agterplaas

Vrydag, Augustus 5th, 2016

frog-1445779__180Almal kan nie ʼn loopbaan in die wetenskappe hê nie, maar niks keer jou om deel te wees van navorsingsprojekte en ʼn bydrae tot belangrike navorsing te maak nie. Te danke aan tegnologie kan enigiemand nou ʼn wetenskaplike wees.

Burgerlike wetenskap, ook genoem massawetenskap, massa-gewerfde wetenskap, siviele wetenskap, vrywillige monitering of netwerk-wetenskap, is wetenskaplike navorsing wat uitgevoer word deur ʼn amateur of nie-professionele wetenskaplike. (www.wikipedia.org)

Joseph M. Hulbert noem in sy artikel, Citizen science tools available for ecological research in South Africa, dat gewone landsburgers, sonder enige ervaring, kan deelneem aan navorsing met behulp van hul eie rekenaars, in hul eie tuine of in die buitewêreld. Daar is vele geleenthede en projekte in Suid-Afrika vir amateur-wetenskaplikes – van die monitering van voël-migrasiepatrone tot die identifikasie en kartering van swamme. 

Amateur-sterrekkunde is een van die mees algemene vakgebiede waar nie-professionele wetenskap beoefen word. Ander sluit skoenlappertellings, voëlkunde, oseanografie en selfs kunsgeskiedenis in. Projekte in Suid-Afrika sluit die Stream Assessment Scoring System (miniSASS) in en by die Universiteit van Pretoria help die publiek navorsers om Phytophthora (plantvernietigende elemente) in Fynbos op te spoor en sodoende plantsiektes spesifiek tot Fynbos, te ondersoek. Lees hier meer oor die projek.

Die Universiteit van Kaapstad se Diere-demografie Eenheid (ADU) is verantwoordelik vir talle plaaslike gemeenskapswetenskapsprojekte. Die eenheid het reeds verskeie virtuele museums geskep, insluitende die MammalMAP webwerf waar jy fotos kan laai op die groeiende databasis van verspreiding en gewoontes van soogdiere in Suid-Afrika. As soogdiere jou nie interesseer nie, is daar enigiets van paddas en skoenlappers tot seesterre en seekastaiings in hierdie virtuele museums.

Joseph M. Hulbert verwys na twee ander plaaslike projekte, OrchidMap en Aliens of the Cape Peninsula. OrchidMap word sedert September 2014 op die Universiteit van Kaapstad se virtuele museum gehuisves. Lede van die publiek kan fotos en ligging van plante op die databasis, met bykans 3000 orgideë rekords met geo-etikette, laai. Aliens of the Cape Peninsula se doel is weer om om nuwe indringerplante en waar hulle versprei op die Kaapse Skiereiland, op te spoor.

Indien jy ʼn wetenskaplike in jou gemeenskap wil wees, hier is ʼn paar hulpmiddele om jou aan die gang te kry: 

Ispot,  ʼn South African National Biodiversity Institute (SANBI) inisiatief, is in Junie 2012 begin. Feitlik 400 000 internasionale observasies van 30 000 verskillende spesies is teen middel-2014 aangeteken. 

WhatSpecies is die breinkind van ʼn ouer wat haar kinders wou help om plante en insekte te identifiseer. Die webwerf se uitleg is gevolglik gebruikersvriendelik en toeganklik vir ʼn jonger leser en poog om, deur middel van sosiale media platforms, jongmense te betrek.

Soos vroeër genoem, word Virtual Museum bestuur deur die ADU by UK. Daar is reeds 17 verskillende projekte op die platform waarby die publiek by betrokke kan raak.

Die Cape Town Citizen webwerf  is ook propvol informasie en instruksies vir aspirerende wetenskaplikes. Kyk gerus ook The SciShow se video oor gemeenskapswetenskap op YouTube.

Hulp vir databestuurplanne

Vrydag, Augustus 5th, 2016

matrixBefondsers van navorsing vereis toenemend dat databestuurplanne ingesluit word in aansoeke om befondsing of subsidies. ‘n Databestuurplan (DBP) is ‘n formele dokument wat omskryf hoe ‘n navorser sy/haar data sal bestuur tydens en na afloop van ‘n navorsingsprojek.

Alhoewel vereistes mag wissel van befondser tot befondser, bestaan ‘n databestuurplan gewoonlik uit ‘n beskrywing van die data wat ingesamel of gegenereer gaan word; die metodologieë of standaarde rakende data insameling en bestuur; data sekuriteit, vertroulikheid, oorweginge rakende etiek en intellektuele eiendomsreg, asook planne en strategieë vir toegang tot en deel van die data en die langtermyn-bewaring daarvan.

Verskeie hulpmiddele, o.a. die DMPTool van die University of California Curation Center en die DMPonline van die Digital Curation Centre, is ontwikkel en aanlyn beskikbaar gestel om navorsers te help om databestuursplanne te ontwikkel.

Hierdie web-gebaseerde hulpmiddele gee toegang tot verskeie DBP template; riglyne van spesifieke befondsers wat databestuursplanne vereis; en die funksionaliteit om planne in verskeie formate te genereer. Persone van enige instelling kan gratis registreer om hierdie hulpmiddele te gebruik.

[BRONNE: https://github.com/CDLUC3/dmptool/wiki/FAQ#q-what-is-a-data-management-plan-dmp; (https://www.ukdataservice.ac.uk/manage-data/plan/dmp-esrc; and http://www.slideshare.net/sjDCC/supportingdmps]

[Article by Rabelani Mutondwa]

Is jy `n aspirant wetenskaplike?

Woensdag, Mei 25th, 2016

sciencejournal

sciencejournalGoogle het onlangs ʼn toepassing vrygestel wat jou innerlike wetenskaplike sal aanwakker. Science Journal meet en neem intyds data op deur middel ingeboude sensors in Android-fone.

Met die Science Journal-toepassing kan jy data insamel vanuit jou omgewing. Die toepassing gebruik die foonsensors om lig en klank, te meet, sodat jy die data grafies kan voorstel, eksperimente kan opneem en vrae en idees kan opneem.

As jou doel is om die wêreld oor te neem soos ʼn wafferse, bose wetenskaplike, is hierdie dalk nie heeltemal vir jou nie. Dis wel gepas vir in plaas van klein eksperimentjies vir jou eie vermaak.

Die hoofdoel van Google se nuwe projek is om kinders opgewonde oor en betrokke by wetenskap te kry. Moet egter nie dink volwassenes kan dit nie geniet nie; hulle kan net so lekker weteskaplike speel. 

Science Journal is deel van Google se groter inisiatief, The Making & Science Initiative. Dit glo dat enigiemand ʼn wetenskaplike kan wees as hy net die alledaagse dophou, probeer verstaan hoe dit werk en projekte skep wat dalk ʼn impak op die wêreld kan maak.

Met Science Journal kan jy ook ʼn digitale joernaal hou en notas maak van jou eksperimente – net vir ingeval jy `n wetenskaplike deurbraak maak en vergeet het wat jy gedoen het.

Die toepassing is gratis beskikbaar op die Google Play-winkel en jy het ʼn slimfoon met Android 4.4 KitKat nodig om die 14MB toepassing te installeer.

Lees ook meer oor Google se ander projekte, onder andere ʼn modulêre selfoon en slim klere.

 

 

© 2013-2020 Disclaimer: The views and opinions expressed in this page are strictly those of the page author(s) and content contributor(s). The contents of this page have not been reviewed or approved by Stellenbosch University.