In Julie, aan die begin van die tweede semester het ons begin met `n reeks profiele van ons IT-personeel. Die rede hiervoor was om julle bekend te stel aan die mense aan die ander kant van die e-posse en telefoonlyne en te wys dat ons eintlik onskadelik is, al is ons IT-bleeksiele.
Oor die afgelope paar maande het ek ook besef dat ons `n hele paar interessante en oulike mense het wat by IT werk. (Selfs al ontken die meeste van hulle dit hewiglik.) Ek het in die tyd al geleer watter tipe vis van `n boot af gevang word, wat `n “beeswagtertjie” is. Ek is reiswenke gegee en het versteekte talente ontdek. En ek het nog nie eers met `n tiende gesels nie!
Want, kom ons wees nou eerlik, IT is soos Telkom … of enige ander diens-georienteerde maatskappy. Ons is meeste van die tyd in die moeilikheid en jy’s gewoonlik nie gelukkig teen die tyd dat jy ons moet bel nie. (Ja, ons kry onsself miskien so `n bietjie jammer.) Ten spyte hiervan wil ons altyd bitter graag help en tegnologiese tameletjies oplos waar ons kan. Ons hoop, soos julle ons leer ken, julle ook makliker die foon op te tel of `n e-pos te stuur. Selfs al het jy nie `n probleem nie.
Vorige techies:
Wendy Robyn
Marinka Naudé
Jacky November, Anthea Davids and Jenny Watson
Pietie Traut
Quinton Luiters
Mandy Wanza
Petro Uys
