In Junie 2016 is ons bekendgestel aan Office365, maar weet ons regtig hoe al die aanlyn webdiens se funksies werk?
Een so ʼn funksie is die “Clutter” lêer.
Sommige studente, en soms ook personeel, het aangemeld dat hulle e-posse skielik verdwyn het of dat hulle nie e-posse kry wat vanaf verspreidingslyste gestuur word nie. Aanvanklik het ons gedink gebruikers vee per ongeluk die e-posse uit of dat daar ʼn probleem is met die e-posbedieners. Na verdere ondersoek het ons egter besef dat die Clutter-leêr die skuldige is.
Die Clutter-funksie is oorspronklik ontwerp om gebruikers te help om lae-prioriteit e-posse te filter, sodoende tyd te spaar vir meer belangrike boodskappe. Die bediener hou dan rekord van die e-posse wat gebruikers lees en die wat hulle nie lees nie en plaas dit in die Clutter-lêer. Die funksie word outomaties aangesit vir nuwe studente en personeel. Sodra dit aangeskakel is, werk dit outomaties.
Wanneer e-posse ongelees bly vir ʼn paar dae, begin Outlook 2016 meer en meer e-pos na die Clutter-leêr stuur. Gebruikers maak gevolglik die afleiding dat e-pos nie afgelewer word nie en belangrike e-pos verdwyn. Gelukkig is al die e-posse steeds beskikbaar, dis net in die Clutter-lêer.
Die beste oplossing is om Clutter heeltemal af te sit sodat ongeleesde e-posse nie daarheen versend word nie. Dis hoe jy dit kan doen:
- Teken aan by Outlook se Webtoegang (http://www.sun.ac.za/webmail)
- Kliek op die klein rat-ikoon in die regterhandse hoek. ʼn Sy-staaf sal verskyn.
- Naby die onderpunt van die sy-staaf is ʼn opskrif wat sê My App Settings.
- Kliek Mail daaronder en dit sal jou herlei na die Mail Options bladsy.
- Op die linkerkantse spyskaart, onder Automatic Processing, kliek op Clutter.
- Verwyder die merkie in die boksie wat sê Separate items identified as clutter
- Kliek die Save-knoppie onderaan die bladsy.
Sodra die Clutter filter afgesit is, kan jy al jou “verlore” e-posse weer terugskuif na jou Inbox.
[Inligting verskaf deur David Wiles]
