Wanneer IT se naam gedurende `n gesprek opduik, wat is jou eerste assosiasie? Dink jy dadelik aan die IT Dienstoonbank wat jy gereeld bel as jou wagwoord verander, of beskou jy IT as die mense wat sorg dat die internet altyd werk?
Die IT-afdeling word oor die algemeen gesien as ʼn diensleweringsorganisasie – en soms eenvoudig as ʼn “nuttigheid”. Aangesien IT hoofsaaklik `n geskiedenis het om kantoor en administratiewe stelsels te ondersteun, mag dit as `n verrassing kom dat ons doelwitte deesdae in lyn is met die universiteit se kernfunksies – navorsing, leer, onderrig en gemeenskapsinteraksie.
Die term “IT-afdeling” verwys slegs na die afdeling, wat die sentrale, verantwoordbare gesag is vir die institusionele inligting- en kommunikasietegnologie funksie binne die universiteit.
Die IT-afdeling bestuur, bou, voorsien, dryf en onderhou kuber-infrastruktuur (onder andere netwerke, sentrale rekenaarbedieners, identiteitsbestuur en e-pos en telekommunikasiestelsels) en ook `n wye reeks sagtewaretoepassings, inligtingstelsels en -platforms, en dienste wat noodsaaklik is vir die universiteit se kern akademiese en administratiewe funksies en, in samewerking met desentraliseerde groepe, ook gebruikers ondersteun in die effektiewe gebruik van inligting- en kommunikasietegnologie (IKT)
Die sentrale Informasietegnologie afdeling, wanneer dit op volle kapasiteit funksioneer, bestaan uit 140 personeellede wat ondersteuningstegnici, hulptoonbankagente, stelseladministrateurs, ingenieurs, sagteware ontwikkelaars, stelselanaliste, databasis administrateurs, projekbestuurders, argitekte en besigheidsanaliste insluit.
Oor tyd het ʼn magdom organisatoriese entiteite wat IKT ondersteuningsdienste, infrastrukture, sagtewaretoepassings en -stelsels bestuur, sowel as die sekuriteit en integriteit van inligting onderhou, binne die universiteit ontstaan. Dikwels, maar nie altyd nie, werk hierdie entiteite saam met die sentrale IT-afdeling, alhoewel hulle aan die dekane van fakulteite, skole en ander afdelings rapporteer. Ons verwys na hierdie verspreide groep entiteite as die “IT-organisasie”.
Baie van die verspreide IKT-entiteite het ook geleidelik vervorm in rekenaargebruiksareas of rekenaarlaboratoria met die doel om ondersteuning en advies te bied aan studente en akademiese gebruikers in hul omgewings.
Die IKT-funksie by Universiteit Stellenbosch bestaan uit die volgende:
• Die IT-organisasie en sy mense, bevoegdhede, kennisgrondslag en vaardighede;
• Die prosesse en vermoëns nodig om die dienste en infrastruktuur wat deur onderstaande IKT-domeine omvang word, te beplan, bestuur, bou en dryf sodat die universiteit se kern akademiese, gemeenskapsinteraksie en administratiewe prosesse ondersteun en aktiveer kan word.
o ICT ondersteuningsdienste,
o onderrig-tegnologie dienste,
o navorsingsverwerkingsdienste,
o verwerkingsinfrastruktuur dienste,
o kommunikasie-infrastruktuur dienste,
o inligtingsekuriteit en
o inligtingstelsels en -toepassings;
• Die IKT bates, insluitende tegnologieë, hardeware, sagteware en inligting.
