Het jy geweet?
SUNLearn beskik oor ʼn aantal hulpbronne om dosente te help om studente effektief te onderrig, beoordeel en mee te skakel – veral noudat ons dit nie in persoon kan doen nie.
Hier is ʼn vinnige en maklike gids tot enkele van die basiese middele beskikbaar op SUNLearn wat dosente kan help om die regte besluit vir die gewenste uitkoms te kies.
Vir meer gedetailleerde inligting, gaan asb. na https://learnhelp.sun.ac.za en versoek hulp via die “Lecturer Support” opsie.
Die webgebaseerde e-Opname diens (SUNSurveys) is beskikbaar om akademiese personeel en studente aan Stellenbosch Universiteit te ondersteun in die gebruik van opnames vir akademiese navorsing. SUNsurveys word ook gereeld gebruik om die opinies van personeel deur middel van `n stemproses en diensverskaffingsopnames te peil.
Informasietegnologie gebruik Checkbox as platform vir ons opnames. Checkbox is `n intuïtiewe hulpmiddel waarmee opnames geskep kan word en wat terselfdertyd intydse verslaggewing bied, sowel as die geleentheid vir pasgemaakte opnames.
Om te registreer vir die gebruik van Checkbox en amptelike Universiteit Stellenbosch opnames uit te stuur, kan jy aanlyn aansoek doen. Verdere inligting is beskikbaar op ons Dienskatalogus.
Sodra jy geregistreer is, sal deurlopende ondersteuning beskikbaar wees om jou te help om jou opname op te stel. Opleiding is ook beskikbaar indien nodig. Daarbenewens het Checkbox gedetaileerde selfhelpgidse wat jou sal kan help met enige moontlike probleem wat jy teëkom.
Neem kennis dat enige opnames vir navorsingsdoeleides eers institusionele toestemming moet bekom. Volledige inligting is op Inligtingsoorsigbestuur se webwerf beskikbaar.
Vir enige verdere navrae, teken asb. `n versoek aan op ons ICT Partner Portal.
Die IT-afdeling het ’n wesenlike bydrae gelewer tot ’n relatief suksesvolle e-registrasie. Die aanlyn-registrasie van studente het op 2 Januarie vir mediese studente en op 15 Januarie vir die res van die universiteit begin en teen Donderdag, 30 Januarie, het 16 172 studente vir die 2020 akademiese jaar reeds aanlyn registreer.
Gedurende die registrasie is ’n aanlyn-oorlogskamer geskep bestaande uit Studente-inligtingstelselondersteuning (SISO) en IT-personeel wat die stelsel voortdurend monitor en bestuur het.
E-registrasie is gesamentlik deur SISO en IT in die middel 2000s ontwikkel. Dit is die eerste keer vir registrasie in 2006 gebruik en sodoende is nog 15 diensjare bygevoeg tot die plaaslik-ontwikkelde Adabas-Natural Studente-inligtingstelsel (SIS) se leeftyd, `n ontwikkeling wat deel was van die e-Kampus inisiatief. SIS is destyds verbeter deur moderner webkoppelvlakke by te voeg. Op daardie stadium was Stellenbosch een van die eerste (indien nie die eerste nie) Universiteit in Afrika wat selfregistrasie aanlyn gebied het.
Die oorspronklike programmatuur werk steeds op die bestaande, plaaslike apparatuur, alhoewel daar soms werkverrigting uitdagings is wanneer die stelsel onder druk is. Groeiende tegnologie en personeelrisiko’s was noemenswaardige motiverings vir die SUNStudent en SUNFin projekte wat op die oomblik aan die gang is. Vanjaar was een van die laaste kere dat e-registrasie op die bestaande SIS sal plaasvind; die beplanning is dat die Academia-diens wat d.m.v. die SUNStudent-projek ge-implementeer word, in 2022 e-registrasie sal hanteer.
Gedurende die afgelope paar maande het die SUNStudent projekspan, bestaande uit lede van die US, Eiffelcorp en Serosoft, werkswinkels gekoördineer en aangebied om Universiteit Stellenbosch se student-lewensiklus te verstaan en uit te pluis. Bestaande prosedures, prosesse en aannames is uitgedaag en belanghebbendes herdink en herontwerp prosesse met die oog op studente as sentrale rolspelers. Die reisplan van `n administratief-intensiewe instelling na ’n studente-vriendelike een is goed op dreef.
Deelnemers aan die werkswinkels is duidelik opgewonde, gewillig om aan te pas by iets nuuts en bereid die status quo uit te daag. Samewerking, respek, vereenvoudiging, verandering en koördinasie is die sleutelelemente ter sprake in hierdie werkswinkels en dra by tot die reuse sukses daarvan.
Vir die US is die uitkoms van die werkswinkels nie beperk tot die vereistes waaraan die SUNStudent sisteem moet voldoen nie. Dis ook belangrik dat veranderinge in beleid en prosedures geidentifiseer word en dat prosesse wat belyn word, korrigeer word. Vir die eerste keer in jare is bogenoemde moontlik omdat deelnemers van verskeie kampusse, fakulteite, departemente, IT en SISO gefokusde gesprekke het oor die moontlikhede.
As fasiliteerders van die werkswinkels is Serosoft baie tevrede met die uitkoms tot dusver. Die detail gesprekke om die verskeie besigheidsareas en huidige prosesse beter te verstaan sal ons help om die beste studente-inligtingstelsel wat tans by enige Suid-Afrikaanse universiteit gebruik word, te implementeer.
Artikel deur Serosoft-span
© 2013-2024 Disclaimer: The views and opinions expressed in this page are strictly those of the page author(s) and content contributor(s). The contents of this page have not been reviewed or approved by Stellenbosch University.
