Language:
SEARCH
  • Onlangse bydraes

  • Kategorieë

  • Argiewe

opnames

Aanlyn opname-funksionaliteit vir US-personeel en studente

Dinsdag, Mei 12th, 2020

 

Die webgebaseerde e-Opname diens (SUNSurveys) is beskikbaar om akademiese personeel en studente aan Stellenbosch Universiteit te ondersteun in die gebruik van opnames vir akademiese navorsing. SUNsurveys word ook gereeld gebruik om die opinies van personeel deur middel van `n stemproses en diensverskaffingsopnames te peil.

Informasietegnologie gebruik Checkbox as platform vir ons opnames. Checkbox is `n intuïtiewe hulpmiddel waarmee opnames geskep kan word en wat terselfdertyd intydse verslaggewing bied, sowel as die geleentheid  vir pasgemaakte opnames.

Om te registreer vir die gebruik van Checkbox en amptelike Universiteit Stellenbosch opnames uit te stuur, kan jy aanlyn aansoek doen. Verdere inligting is beskikbaar op ons Dienskatalogus.

Sodra jy geregistreer is, sal deurlopende ondersteuning beskikbaar wees om jou te help om jou opname op te stel. Opleiding is ook beskikbaar indien nodig. Daarbenewens het Checkbox gedetaileerde selfhelpgidse wat jou sal kan help met enige moontlike probleem wat jy teëkom. 

Neem kennis dat enige opnames vir navorsingsdoeleides eers institusionele toestemming moet bekom. Volledige inligting is op Inligtingsoorsigbestuur se webwerf beskikbaar.

Vir enige verdere navrae, teken asb. `n versoek aan op ons ICT Partner Portal.

IT Mobiliteitsopname lewer interessante resultate

Dinsdag, Oktober 2nd, 2012

In September het die Afdeling Informasietegnologie se Mobiele Tegnologie Taakgroep, wat lede van die Sentrum vir Leer en Onderrig, Biblioteek- en Inligtingsdienste en e-Kommunikasie insluit, `n kort aanlyn opname oor selfone en tablette geloods om studente se huidige en toekomstige behoeftes te bepaal.

Die hoofdoel van hierdie opname was om te verseker dat Universiteit Stellenbosch in staat is om tendense in studente se keuse van mobiele toestelle te volg om te verseker dat relevante en ooreenstemende dienste in die toekoms uitgerol kan word.

Ons almal weet dat studente hou van cool selfoontoepassings, maar ons weet ook dat die meeste studente nie die nuuste topvlak Apple of Android toestelle het nie – wel, nog nie. Ons moet kan verstaan hoe vinnig die prentjie verander sodat ons kan sekermaak dat mobiele toestelle en toepassings wat `n daadwerklike verskil in studente se akademiese loopbaan en kampuslewe betyds geimplementeer word.

Die elektroniese opname is gestuur na 25817 voor- en nagraadse studente en 13%  het deelgeneem. Resultate sal in  `n algehele en statistieke opsomming gebruik word om die universiteit se mobiele strategie te bepaal. Te danke aan die opname, het ons afgekom op `n hele paar interessante feite oor mobiele gebruik en die verwagtinge van studente.

Die meeste studente kies hulle selfoon op grond van koste-effektiewe kommunikasie met vriende en familie en nie noodwendig as `n statussimbool of vir die foon se funksionaliteit nie. Dit wil wel voorkom asof daar oor die volgende paar jaar `n beduidende skuif weg gaan wees van Blackberrys na Android en iOS (Apple), alhoewel Blackberrys steeds populêr op kampus is.

Meer as die helfte van deelnemers aan die opname sal dit verkies as die universiteit spesifieke tablette vir akademiese gebruik voorstel.  Die belangrikste mobiele toepassings, in volgorde van belangrikheid, is eksamenresultate, eksamen- en klasskedules, inligting vir take, kalenders (klas, modules, akademies, sport, ens. ) en leerinhoud.

Deelname aan die opname was anoniem en antwoorde is nie gekoppel aan `n spesfieke individu nie. Een deelnemer was egter die gelukkige wenner van `n  R1500 Incredible Connection geskenkbewys. Dankie aan alle deelnemende studente vir hul waardevolle insette.

`n Soortgelyke opname sal oor ses maande weer gehou word.

 

© 2013-2021 Disclaimer: The views and opinions expressed in this page are strictly those of the page author(s) and content contributor(s). The contents of this page have not been reviewed or approved by Stellenbosch University.