Konnektiwiteit « Informasietegnologie

Konnektiwiteit

Van teer-hennep en Indiese rubber tot optiese vesel

Vrydag, November 20th, 2015

Die internet het sy opwagting gemaak in die laat 1980s en vroeë 90s. Die infrastruktuur wat dit ondersteun is egter al sedert 1839 beskikbaar.

Vandag word ons internetverkeer hoofsaaklik gefasiliteer deur ondersese kabelstelsels vanaf Europa en Amerika.

ŉ Ondersese kommunikasiekabel word op die seevloer tussen stasies op land gelê, met die doel om telekommunikasie seine oor gedeeltes van die oseaan stuur. Voor die internet is hierdie kabels gebruik vir ander tipes kommunikasie, byvoorbeeld telefone en telegramme.

Lê van `n ondersee kabel in Kaapstad
(Foto krediet: Telkom)

Na die ontwikkeling van die telegraaf in 1839, het die moontlikheid van ŉ ondersese lyn oor die Atlantiese oseaan na ŉ sterk moontlikheid begin lyk. Samuel Morse het in 1842 dit reggekry om, onderwater in New York se hawe, ŉ telegram te stuur met ŉ draad geïsoleer met teer-hennep en Indiese rubber.

Die eerste ondersese kabel in Suid-Afrika is op 27 Desember 1879 van stapel laat loop en vir die eerste keer is Suid-Afrika direk verbind aan Europa. Die verbinding is moontlik gemaak deur die East Coast cable of the South African Telegraph Company via Durban en Zanzibar na Aden.

Vandag optiese vesel tegnologie gebruik om digitale data te versend en dit sluit telefone, internet en private dataverkeer in.

Moderne kabels is gewoonlik ongeveer 25 millimeter in deursnee en weeg ongeveer 1.4 kilogram per meter vir die gedeeltes diep onder die see, wat die grootste deel in beslag neem en groter en swaarder kabels vir die vlakwater gedeeltes naby die strand.

Die jongste toevoeging tot ons telekommunikasie infrastruktuur is gemaak in Mei 2012 met die aanlê van die West Africa Cable System (WACS). Die 17 200 kilometer vesel optiese kabel begin by Yzerfontein aan die weskus en eindig by die Verenigde Koninkryk. (Meer oor die WACS-stelsel)

[BRONNE: www.mybroadband.co.za & https://en.wikipedia.org]

Tags: internet, internet of things
Posted in Konnektiwiteit, Algemeen, Internet | Comments Off on Van teer-hennep en Indiese rubber tot optiese vesel

Jy ly dalk aan FOMO

Donderdag, Augustus 6th, 2015

As jy nie kan ophou om na jou selfoon te loer vir e-posse en Twitter-kennisgewings of Facebook-opdaterings nie, ly jy waarskynlik aan FOMO.

In `n vorige artikel het ons genoem dat die woord hashtag verlede jaar bygevoeg is tot die Oxford Dictionary. FOMO is reeds gelys sedert 2013. Google definieer FOMO as volg:

FOMO ˈfəʊməʊ/ noun informal

1. anxiety that an exciting or interesting event may currently be happening elsewhere, often aroused by posts seen on a social media website.

“I realized I was a lifelong sufferer of FOMO”

Alhoewel FOMO nie noodwendig sy oorsprong in sosiale media gehad het nie, het die koms van sosiale netwerke mettertyd `n groot impak daarop begin maak. Fear of missing out (FOMO) is bloot die moderne terminologie vir “die gras is altyd groener aan die ander kant”. (Psychologies magazine, 18 Junie 2012)

Met soveel keuse en geleenthede tot ons beskikking deesdae, is dit geen wonder ons voel soms onvergenoegd oor ons lewens nie. Voor sosiale media was ons salig onbewus van ander se doen en late, maar Facebook, Twitter en LinkedIn herinner ons op `n daaglikse basis waarmee ons vriende, kenisse en kollegas besig is – in hul loopbane en op sosiale vlak.

Hierdie voortdurende sosiale bemarking is egter nie `n realistiese uitbeelding van iemand se lewe nie. Natuurlik sal niemand twiet oor hul siek kat, probleme met die loodgieter of die buurman se keffende hond nie. Ons wys eerder waar ons vakansie gaan hou het, watter wonderlike kos ons eet of die ekslusiewe wyn wat ons drink.

Volgens `n landwye opname deur `n farmaseutiese maatskappy, in Junie 2012, het 62% van die 3000 deelnemers tussen 15 en 50 jaar erken dat hulle in “aanhoudende vrees” leef dat hulle uitmis op iets meer opwindend as waarmee hulle besig is.

Maar hoe voorkom ons dat ons opgesweep word in die histerie van sosiale media en hierdie aanhoudende gevoel dat daar iets is wat ons mis? GQ en Nir and Far het `n paar voorstelle, maar op die ou end kom dit bloot daarop neer dat jy jou lewe moet leef en geniet soos JY wil en ophou probeer byhou met die res van die wêreld. So, hoekom nie eerder ly aan JOMO (Joy of missing out) nie?

NS. YOLO is `n akroniem vir “you only live once”. Soortgelyk aan carpe diem, gee dit te kenne dat `n mens die lewe moet geniet, selfs al is daar risikos verbonde. Lees meer op Wikipedia.

[BRONNE: www.forbes.com, www.wikipedia.org]

Tags: FOMO, twitter
Posted in Kommunikasie, Konnektiwiteit, Algemeen | Comments Off on Jy ly dalk aan FOMO

Gelukkige SysAdmin Dag

Donderdag, Augustus 6th, 2015

sysadmin

As jy hierdie artikel op die internet kan lees, jou rekenaar veilig en sonder `n virus is en jy jou e-pos elke paar minute kan nagaan het jou sysadmin sy werk gedoen. Saam met die res van die IT-afdeling maak sysadmins seker alles verloop vlot. Ongelukkig besef ons eers hoe belangrik hulle rol is as iets skielik NIE werk nie.

Elke jaar op 31 Julie is System Administrator Appreciation Day wanneer stelseladministrateurs erken word vir die werk wat hulle agter die skerms doen om seker te maak maatskappye bly aan die gang.

So wat doen `n stelseladministrateur (sysadmin) Volgens http://sysadminday.com/

Stelseladministrateurs is altyd op roep – of hulle besig is om die maatskappy se antivirus sagteware op te dateer of `n korrupte SQL-databasis reg te maak. Hier is `n paar ander take waarvoor hulle verantwoordelik is:

`n Stelseladministrateur het die bediener vir hierdie webwerf uitgepak, opgestel, `n bedryfstelsel geinstalleer, sekergemaak die krag en lugreëlaar het gewerk in die bedienerkamer, dit gemonitor vir stabiliteit, sagteware opgestel en dit gerugsteun vir ingeval iets verkeerd gaan.
Wanneer jou netwerk veilig, sekuur en in `n werkende toestand is, is jou stelseladministrateurs.
`n Stelseladministrateur bekommer hom/haar oor virusse, gemorspos, spyware, sowel as brande en vloede.
Wanneer die e-pos bediener afgaan 2 uur op `n Sondagoggend, kry die sysadmin `n boodskap en moet hy dit gaan oplos.
`n Stelseladministrateur beplan, kap, beskerm, maak reg en skep goeie rekenaarnetwerke. Hoekom? Sodat jy jou data kan kry, jou werk kan doen en jou rekenaar optimaal kan benut.

Dink dus so af en toe aan diegene agter die skerms – nie net wanneer die internet of e-pos af is nie, maar ook al die kere wat dit soomloos werk.

Lees ook – 5 ways to ensure a good relationship with your systems administrator.

Posted in Konnektiwiteit, Algemeen | Comments Off on Gelukkige SysAdmin Dag

Registreer vir Wi-Fi-toegang

Dinsdag, Julie 14th, 2015

Indien jou werk vereis dat jy op meer as een US-kampus moet werk en `n internetverbinding nodig mag hê, is daar iets wat jy in gedagte moet hou.

Om Wi-Fi te kan gebruik op Stellenbosch, USB of Tygerbergkampus moet jou rekenaar of toestel op al drie kampusse apart geregistreer wees. As jy reeds Wi-Fi op Stellenbosch-kampus gebruik beteken dit nie dat jy outomaties Wi-Fi op al die ander kampusse kan gebruik nie.

Om dus die Secure of MatiesWifi SSIDs elders te gebruik, registreer jou toestel deur die volgende inligting aan help@sun.ac.za te stuur:

Gebou
Kamernommer
US nommer
Gebruikersnaam
Batenommer van skootrekenaar of `n beskrywing van die toestel
Netwerkkaartadres (ook bekend as die MAC-adres)

Tags: wi-fi toegang
Posted in Konnektiwiteit, Algemeen | Comments Off on Registreer vir Wi-Fi-toegang

Skakel asb. u toestelle af

Vrydag, Junie 26th, 2015

Klink bekend?

`n Paar jaar gelede het selfone nie die opsie gehad om maklik na flight mode te verander nie. Jy is gevra om jou toestel heeltemal af te skakel. Met flight mode kan jy nou nogsteeds jou elektroniese kopie van Grey op jou tablet lees of die e-pos skryf voordat jy vergeet wat jy wou sê (jou foon sal dit in jou Outbox bêre totdat jy weer aanlyn is). En jy kan dit alles doen selfs gedurende opstyg en land sonder dat `n lugwaardin met jou raas.

Flight mode is `n verstelling op jou foon wat die mobile netwerk, Wi-Fi, FM-radio, GPS en Bluetooth-verbindings op jou foon met een kliek afsit.

Met ander woorde – al die toepassings wat enige vorm van netwerkverbinding vereis sal afgesit word, terwyl alle ander toepassing wat NIE seintransmissies nodig het nie, (byvoorbeel e-lesers, kameras, spelethies, MP3-speler, ens.) steeds kan gebruik word. Volledige lys van funksies wat steeds beskikbaar is in flight mode.

Omdat jou toestel nie meer sal probeer verbind aan `n selfoontoring of Wi-Fi punt nie, sal jy terselfdertyd jou foon se batterykrag spaar. Flight mode is dus selfs nuttig al vlieg jy nie.

Om die meeste uit jou selfoon se batterylewe te kry, skakel na flight mode voordat jy jou foon begin laai – veral as jy `n beperkte tyd het om dit te laai. Op hierdie manier sal jou foon `n klein bietjie vinniger laai.

Lees ook waarvoor flight mode nog nuttig is op Gizmodo.

Skakel flight mode aan of af (Windows)

Kies Start, vee links na die App lys, en tik Settings .
Tik op Flight mode en skakel dit aan of af.

Skakel flight mode aan of af (Android)

Vee af na die bokant van die skerm.
Vee van regs na links ← totdat jy Settings sien en tik daarop.
Beweeg tot jy Airplane mode sien.
Tik Airplane mode om dit aan of af te sit.

Skakel flight mode aan of af (iOS)

Gaan na Settings > Airplane Mode en tik op die gly-staaf.

Jy kan ook van onder op jou skerm na bo vee om Control Center oop te maak en tik dan op die vliegtuig-simbool.

Wanneer flight mode geaktiveer is, sal jy `n vliegtuig simbool in jou toestel se lys van kennisgewings sien. Neem kennis dat bewoording mag verskil van foon tot foon, maar dit mag insluit – flight mode, aeroplane mode, offline mode en standalone mode.

Lees meer oor hoekom ons elektroniese toestelle moet afskakel op vlugte en of dit werklik nodig is.

[BRONNE: http://www.howtogeek.com, http://www.lifehacker.com]

Posted in Konnektiwiteit | Comments Off on Skakel asb. u toestelle af

IT skakels

US skakels

Onlangse bydraes

Kategorieë

Argiewe

Konnektiwiteit