E-pos
(English) New spam e-mail distributed on campus
Vrydag, Julie 8th, 2016
(English) Phishing scam disguised as an Outsurance R400 premium claim
Woensdag, Mei 25th, 2016Hoe veilig is inligting op jou toestel?
Woensdag, Mei 25th, 2016Slimfone is dikwels die beheersentrum waar vergaderings geskeduleer, e-posse gestuur en sosiale aktiwiteite beplan word. Om dié funksie te vervul, vereis dit ons persoonlike inligting.
Ons doen en late word dokumenteer en gebêre in e-posse, sosiale netwerke en toepassings. Al hierdie informasie word vervolgens ook soomloos integreer met jou werkrekenaar en tablet. Na die eerste opstelling, is dit, in sommige gevalle, nie eers nodig om `n wagwoord in te tik nie. Wonderlike nuus as jy hopeloos is met wagwoorde onthou. Ook wonderlike nuus as jy `n opportunistiese skelm is wat slimfone steel.
Watter inligting sal `n slim misdadiger tot sy beskikking hê as hy vandag jou slimfoon in die hande kry? Bankinligting? `n Kopie van jou ID of paspoort wat erens gestoor is op e-pos? Al jou vakansiefotos op Dropbox?
Hier is `n paar wenke om seker te maak hy kry dit nie in die hande nie:
- Aktiveer altyd die wagwoord opsie om jou foon te skerm te sluit. Die meeste fone het verskeie opsies, byvoorbeeld om `n wagwoord in te tik, `n PIN-kode of selfs om in `n spesifieke volgorde `n patroon te vee. Hierdie is jou eerste en belangrikste afskrikmiddel.
- Moenie remember password op jou e-pos of ander toepassings kies nie. Ja, dit is irriterend om elke keer `n wagwoord in te tik, maar wil jy regtig hê iemand anders moet jou e-pos lees?
- Skakel cookies en autofill af. Dit keer dat jou toestel jou gebruikersnaam en wagwoord onthou en invul op webwerwe wat jy gereeld besoek.
- As jy toegang tot sensitiewe inligting moet kry, byvoorbeeld bankinligting, gaan eerder na die webwerf d.m.v. `n webblaaier in plaas van die installeerde toepassing.
- Stel jou foon op dat dit opgespoor kan word as jy dit verloor. (Lees ons vorige artikel oor die opsporing van verlore of gesteelde toestelle hier.) `n Toestel kan ook vanaf `n afstand skoongevee word om seker te maak jou inligting word nie misbruik nie, selfs al is jou toestel in die verkeerde hande.
Onthou dat jy ook, wanneer jy jou selfoon verkoop of daarvan ontslae raak, seker moet maak dat AL jou data daarvan verwyder is (bv. e-posse, foonnommers, SMSe, ens.) of enige inligting wat jou kan verbind tot die foon.
Phishing-knoeiers pas hul planne aan
Dinsdag, Mei 10th, 2016Tygerberg-kampus is vroeër die week blootgestel aan `n besondere deurdringende poging deur phishing kuberkriminele. Hulle doel was om gebruikersname en wagwoorde te bekom deur gebruikers te oortuig dat hulle hul Outlook 2016 rekeninge moet “heraktiveer”.
Gelukkig was dit grotendeels onsuksesvol omdat die meeste personeel wakker en oplettend vir phishing-aanvalle. Dit stop hulle egter nie. Die kriminele verander bloot hulle taktiek. Datadiefstal en toegang tot persoonlike inligting soos gebruikersname en wagwoorde is baie, baie winsgewend!
Vandag se phishing-poging gebruik `n ander metode deur weg te kruip agter `n akademiese instansie se naam en dan `n “weggee” webwerf aan die einde.
——————————————————————
Dear Account User,
We are shutting down your Bulk sms, Cellfindportal today in a course to activate Microsoft Outlook Web access 2016. You need to upgrade your Bulk sms, Cellfindportal immediately otherwise it will be deactivated.
To activate go to: http://bulk-sms-cellfindportal-sun.ac.za.webeden.co.uk
The Information Technology department encourages you to take the following measures to protect your account.
Sincerely
IT Customer Support Center© 2016 CELL FIND LLC. All Rights Reserved
—
The University of Stellenbosch is a charitable body, registered in
Republic of South Africa, with registration number ZA005336.
——————————————————————
Ons het die gevaarlike gedeelte van die e-pos verwyder, maar dis steeds maklik om te sien hoe ons, deur te kyk na die “sun.ac.za” en die “disclaimer”, mislei sou kon word om te dink dat dit deur die Universiteit gestuur is.
Informasietegnologie sal nooit `n e-pos soos hier bo vir jou stuur nie. Indien jy `n e-pos van IT kry, sal dit duidelike kenmerke en `n US logo bevat; die taalgebruik sal hopelik beter wees en dit sal waarskynlik tweetalig wees.
[ARTIKEL DEUR DAVID WILES]
272 miljoen e-posadresse gekaap
Maandag, Mei 9th, 2016`n Wisconsin sekuriteitsmaatskappy het `n databasis van 272 miljoen e-posadresse, met hul wagwoorde, by `n Russiese kuberkraker gekry en die internet is behoorlik aan’t gons daaroor.
Hoe het die kuberkraker die e-posse en wagwoorde in die hande gekry?
Maklik. Deur al die skelmstreke te gebruik waarteen ons julle gereeld waarsku – deur `n e-pos te stuur wat jou in kennis stel van Outlookopgradering en dat jy moet kliek op `n skakel om die opgraderings te aktiveer. Slagoffers gee letterlik hul e-posadresse en wagwoord vir die kraker.
Etlike van ons kollegas is reeds om die bos gelei deur die e-pos en het inderwaarheid na die webwerf gegaan en hul inligting vir die swendelaars gegee. Gelukkig kon ons hulle vinnig help om die skade ongedaan te maak.
`n Dieperliggende probleem is egter, terugblikkend, opgemerk:
Die gesteelde wagwoorde en e-posadresse van die Russiese databasis, wat Gmail, Yahoo en Rusland se mail.ru ingesluit het, is nie direk van GMail of Yahoo verkry nie. Dit blyk of dit eerder vanaf kleiner, minder sekure webwerwe, waar persone hul e-posadresse en DIESELFDE wagwoord gebruik het om aan te teken.
As jy dieselfde wagwoord vir meer as een webwerf en jou e-pos gebruik, is jou risiko die hoogste. Verander jou e-pos wagwoord en probeer om nie een wagwoord vir alles te gebruik nie. Dis gelykstaande aan `n loper vir elke slot in jou huis. Indien die sleutel gesteel word, het inbrekers toegang tot elke geslote deur in jou huis met net een sleutel!
As jy vermoed jou e-pos wagwoord is een van die wat blootgestel is, verander dit dadelik. En as jy dit verander, verander dit na iets HEELTEMAL anders. Byvoorbeeld, as jou wagwoord “Christopher123” was, gaan dit nie help jy verander dit na “Christopher124” nie, aangesien dit ewe maklik geraai kan word.
Indien jy `n GMail of Yahoo rekening het en bekommerd is dat jou adres moontlik op die Russiese databasis, kan jy by die onderstaande skakels gaan kyk: (hulle is veilig, omdat hulle nie vra vir jou wagwoord nie)
http://securityalert.knowem.com/
https://haveibeenpwned.com/
[ARTIKEL DEUR DAVID WILES]