Toenemende insidente van die CBT Locker virus, waarvan daar meer as 50 variante bestaan, word tans op kampus waargeneem. Hierdie virus word ook beskou as ransomware, en beland op jou rekenaar as jy minder bekende webwerwe besoek en byvoorbeeld speletjies of flieks aflaai.

Die ransomware kopieer alle data op jou hardeskyf, enkripteer en vee dit uit en slegs `n gebrabbel bly oor. `n Losprys word geëis as jy jou data wil terughê, maar die kans vir herwinning is skraal.

Daar is geen manier waarop die data teruggkry kan word as jou rekenaar besmet is met een van die Locker-virusse nie.

• MOENIE .ZIP aanhangsels oopmaak tensy spesifiek so versoek deur die sender nie. Kyk eers na die e-pos se hofie en stuur `n aparte e-pos om die sender te bevestig voordat jy die aanhangsel bloot oopmaak.
• Rugsteun jou data op `n gereelde basis na `n eksterne hardeskyf of jou netwerkspasie. Data op gebruikers se toestelle sal permanent verlore wees as dit besmet word deur ransomware.
• MOENIE op hiperskakels in e-posse kliek nie. Alhoewel die Crypto Locker ransomware soms deur minder van `n aangehegte .ZIP leêr gestuur word, kan dit ook afgelaai word deur skadelike webwerwe te besoek.
• Bly weg van onbekende, suspisieuse webwerwe en torrents wat speletjies of flieks aanbied en MOENIE op enige pop-ups kliek nie.
• Meld suspisieuse e-posse aan by sysadm@sun.ac.za

Binne die afgelope twee weke was ten minste reeds 3 insidente waar phishing e-posse na US-personeel gestuur is. Alhoewel ons telkens gebruikers probeer waarsku teen spesifieke e-posse en dit ook, sodra ons bewus is daarvan, blokkeer op bedienervlak, is dit bykans onmoontlik e-posgebruikers teen elke moontlike aanval te beskerm.

Die onus berus by die e-posgebruiker om uit te kyk vir die gevaartekens en self te bepaal of dit wel pespos is. Ongelukkig is dit wel 99% van die tyd en as jy enigsins twyfel of jy op `n skakel moet kliek, moet dit liewer nie doen nie. Gaan direk na die instansie se webblad en teken van daar aan of skakel eerder die maatskappy of bank self om te bevestig.

Die nuutste voorbeeld hiervan is `n e-pos wat voorkom of dit van Discovery kom en natuurlik iets belowe – hoe anders sal hulle jou dan kan vang? Kyk ook uit vir slegte spelling, grammatika en formatering. Die skakels mag oortuigend lyk, maar as jy met jou muis daaroor beweeg, is dit regtig Discovery se webadres. Bloot uit hierdie twee observasies, kan jy dadelik vasstel dat dit `n phishing-poging is. Lees meer oor hoe om hierdie tipe e-posse uit te ken hier.

Vee die e-pos dadelik uit en moenie op enige skakels kliek of enige inligting invul nie. Indien jy dit wel gedoen het, verander onmiddellik jou wagwoord en PIN-nommer en kontak die instansie self.  Jy kan ook  ‘n e-pos aan sysadm@sun.ac.za met die Subject: SPAM stuur en die verdagte e-pos met Insert Item aanheg. Sodoende kan IT se stelseladministrateurs die e-pos blok en ander personeel daarteen beskerm word.

 VOORBEELD VAN “PHISHING” E-POS:

Jammer, hierdie bladsy is nie in Afrikaans beskikbaar nie.