Language:
SEARCH
  • Onlangse bydraes

  • Kategorieë

  • Argiewe

Sekuriteit

Spoor jou verlore Android op

Vrydag, Desember 5th, 2014

In `n vorige artikel het ons verduidelik hoe jy jou Windowsfoon kan opspoor. Dié keer kyk ons na Android opsporingsmeganismes.

A. GOOGLE SERVICES

Vereistes:

  • Jou toestel moet verbind wees aan jou Googlerekening.
  • Jou toestel moet toegang tot die internet hê.
  • Laat die Android Device Manager (ADM) toe om jou toestel op te spoor (outomaties aangeskakel). Hierdie verstelling kan verander word in die Google Settings-toepassing.
  • Laat ADM toe om jou toestel te sluit en alle data uit te vee. (outomaties afgeskakel).

Android Device Manager is Google se amptelike, maklik bruikbare hulpmiddel om jou Android foon of tablet na te speur. Die grootste voordeel daarvan is dat jy nie `n toepassing te hoef installeer om jou toestelle op te spoor nie. Die enigste vereiste is dat jou toestel gekoppel is aan jou Google-rekening en verbind is aan die internet.

Buiten dat dit jou foon kan opspoor, kan dit ook jou toestelle laat lui en data op jou foon uitvee. Ongelukkig bied dit nie meer as net dit nie, maar hopelik sal Google in die nabye toekoms nog funksionaliteit ontwikkel en byvoeg.

Indien daar nie `n rekenaar naby is wanneer jy jou toestel verloor nie, kan jy ook iemand anders se Android-foon gebruik om joune op te spoor. In plaas van om die mobiele blaaier te gebruik, kan jy ook die Android Device Manager toepassing gebruik. Teken net in met guest mode en jou Google-rekening inligting. Nou behoort jy jou toestel te kan opspoor, lui of sy data af te vee.

  1. Aktiveer die diens op jou foon
  2. Maak seker Google Maps se liggingsdienste is aangeskakel.(www.google.com/android/devicemanager)

Meer inligting kan hier verkry word.

B. SAMSUNG TRACKING SERVICES 

8 C. AVAST MOBILE SECURITY

[Gratis]

Die teendiefstal funksie van dié antivirus-sagteware is inderwaarheid `n versteekte komponent wat van `n afstand af beheer kan word deur middel van sms-instruksies vanaf `n ander foon of die web. Jy kan aanteken by die webkontrole om mobiele opsporing uit te voer en/of jou foon instruksies te gee.

10

D. AVG ANTIVIRUS

[Gratis]

Buiten die beskerming teen virus-aanvalle, kan hierdie sagteware ook jou verlore of gesteelde foon deur middel van Google Maps opspoor en jou toestel deur middel van `n teksboodskap sluit om sodoende jou privaatheid te beskerm.

As jou foon of tablet weg is, kan jy ook die skerm sluit met `n boodskap aan die persoon wat jou foon het en dit laat lui, selfs al is die klank afgeskakel.

12

E. NORTON MOBILE SECURITY LITE

[Gratis; Pro $29.99]

Hierdie sagteware gee jou omvangryke beskerming vir al jou toestelle. Verlore toestelle kan opgespoor word op `n kaart en die Pro-weergawe verskaf `n alarm wat jou kan help om jou foon op te spoor. `n Ekstra, handige funksie is dat die foon outomaties sluit die oomblik as die SIM-kaart verwyder word. Dit rugsteun ook jou data, wat dan maklik weer herstel kan word.

14

F. KASPERSKY MOBILE SECURITY

[$4.95]

Kaspersky het baie teendiefstal funksionaliteit met `n afstand-blokkeringsfunksie, sowel as uitvee- en toestelopsporingsopsies deur middel van GPS, Wi-Fi en Google Maps – selfs al is jou SIM-kaart vervang. Ongewensde en onbekende oproepe kan ook geblokkeer word en jy kan sekere inligting wegsteek van vriende en familie wat moontlik jou foon sou wou leen.

16

G. MCAFEE ANTIVIRUS 7 SECURITY

[Gratis om af te laai, $30 per jaar om te gebruik]

Hierdie alombekende sagteware sal jou foon behoorlik veilig kan jou. Dit kom met `n 7-dag gratis proeftydperk, maar as jy dit langer op jou foon wil hou, is dit `n $30 per jaar intekenfooi. Vir daardie bedrag kry jy gereelde anti-diefstal beskerming, sowel as datarugsteun en -herstelfunksies.

18

 

H. LOOKOUT SECURITY 7 ANTIVIRUS

[Gratis; Premium: $2.99/maand]

Met Lookout kan jy jou verlore foon kry met Google Maps, `n alarm laat afgaan (al is die klank gedeaktiveer) en jou foon sluit as jy ver weg is. Indien jou foon se batterykrag opraak, sal die toepassing die laaste beskikbare ligging van jou foon aandui. Dit het ook `n outomatiese rugsteun- en herstelfunksie wat deur middel van die webblad bereik kan word.

20

I. ANDROID LOST FREE

[Gratis]

Hierdie toepassing is nie net ideaal om jou telefoon mee op te spoor nie, maar dit sal ook die dief wat dit vasgelê het se lewe `n bietjie moeiliker maak. (wat hy natuurlik verdien!) Jy kan deur middel van SMS of die web, die alarm aktiveer en dit laat lui met `n flitsende skerm. Die GPS, data en Wi-Fi-verbinding kan ook aan- en afgeskakel word, die SD-kaart kan skoongevee word en die nuutste lys van persone wat geskakel is, kan ook bekom word.

 

22

 [Inligting verskaf deur M.Ridoh Rylands, IT HUB]

 

Google Chrome, portale en poedels

Woensdag, Desember 3rd, 2014

Aan die einde van Oktober het Google aangekondig dat hulle beoog om terug te val na weergawe 3 van die SSL-protokol in Chrome 39 en dat SSL heeltemal verwyder sal word in Chrome 40. Die rede hiervoor is  dat die gebruik van SSL in hierdie Chrome-weergawes `n moontlike sekuriteitsrisiko bied. Die risiko het is intussen gedoop as POODLE (Padding Oracle On Downgraded Legacy Encryption)

Wat beteken dit in gewone taal?

Daar bestaan US-webbladsye wat op die Oracle-infrastruktuur gebou is en van die SSL-protokol gebruikmaak. Die gevolg is dat, indien jy Google Chrome as jou daaglikse blaaier gebruik, jy gaan sukkel om toegang tot sekere inligting te kry. As jy dus na my.sun.ac.za gaan en van daar probeer uitkom by SUN-e-HR, Eksamenuitslae, Etebesprekings, ens,  gaan jy dalk onsuksesvol wees.

Indien jy Firefox of Internet Explorer gebruik, kan jy steeds by al die nodige inligting uitkom. Alternatiewelik kan jy ook m.sun.ac.za  gebruik vir sekere funksies. Hierdie is egter net `n tydelike probleem.

Informasietegnologie beoog om die naweek `n opgradering te doen wat die Chrome-probleem sal omseil. Dit sal egter beteken dat sekere dienste tydelik vanaf Saterdag, 6 Desember 2014,  om 12:00, sowel as Sondag, 7 Desember, nie beskikbaar sal wees nie.

Hierdie dienste sluit alle portaaltoepassings, my.sun.ac.za, Sun-e-HR, ens. in. Aangesien OIC af is gedurende dié tydperk sal geen betalings gedoen kan word nie en laastens sal die funksie om wagwoorde te verander ook nie beskikbaar wees nie.

Ons hoop egter om so gou moontlik die opdatering te voltooi en `n beter platform vir gebruikers te bied wanneer dit voltooi is.

Vir enige navrae, stuur asb. e-pos aan helpinfo@sun.ac.za of skakel x4367.

 

 

(English) Latest phishing scam

Donderdag, November 27th, 2014

Jammer, hierdie bladsy is nie in Afrikaans beskikbaar nie.

Foon voete gekry?

Vrydag, November 21st, 2014

Dis senutergend as jou selfoon skielik soos mis voor die son verdwyn het – of dit nou regtig weg is, of net erens tussen die kussings van jou bank verlê is. Oor die volgende paar weke sal ons jou al die nodige inligting gee om jou foon na te speur en jou data te beskerm.

Eerste aan die beurt die week is Windows-slimfone.

Find My Phone kan jou rustig laat slaap as jou foon voete gekry het. Hierdie gratis diens in die My Phone-afdeling van windowsphone.com kan lui, sluit, uitvee of jou telefoon op `n kaart aandui vanaf enige rekenaar verbind aan die internet. Find My Phone maak dit maklik om jou foon op te spoor of te voorkom dat iemand dit gebruik sonder jou toestemming en wete.

Om meer te leer oor wat jy kan doen met My Phone – byvoorbeeld om jou OneDrive fotos te sien of toepassings te herinstalleer – loer by die My Phone FAQ.

Nota

As jy sukkel om Find My Phone aan die werk te kry, kyk by Error messages when using Find My Phone on windowsphone.com/my in Microsoft Support.

1.Om jou foon se ligging te bepaal

  1. Op jou rekenaar, maak `n webblaaier oop en gaan na windowsphone.com.
  2. Navigeer na die My Phone afrol-spyskaart, bo regs in die hoek van jou skerm en teken aan met dieselfde Windows Live ID wat jy op jou foon gebruik.
  3. In die My Phone-spyskaart, kliek Find My Phone.
  4. Kliek Find My Phone en volg die instruksies in die dialoogboksie (jy hoef dit slegs een keer te doen, daarna sal jou foon outomaties wys op die kaart as jy gaan na Find My Phone).
  5. As jou rekenaar verbind is aan `n drukker, kliek Print om `n harde kopie te kry van jou foon se ligging.

Wenke

    • As jy nie die nuutste ligging sien nie, kliek op Refresh.
    • As jy rondbeweeg het op die kaart en jou plek verloor het, kliek  Centre on map.

2. Om jou foon te laat lui

  1. Op jou rekenaar, maak `n webblaaier oop en gaan na windowsphone.com.
  2. Navigeer na die My Phone afrol-spyskaart, bo regs in die hoek van jou skerm en teken aan met dieselfde Windows Live ID wat jy op jou foon gebruik.
  3. In die My Phone-spyskaart, kliek Find My Phone.
  4. Kliek Ring, volg die instruksies in die dialoogboksie (jy hoef dit slegs eenkeer te doen)

Wenk

    • Indien jou foon lui, sal dit selfs lui wanneer die volume af of op vibreer is.

3. Om jou foon te sluit en `n boodskap te wys. 

  1. Op jou rekenaar, maak `n webblaaier oop en gaan na windowsphone.com.
  2. Navigeer na die My Phone afrol-spyskaart, bo regs in die hoek van jou skerm en teken aan met dieselfde Windows Live ID wat jy op jou foon gebruik.
  3. In die My Phone-spyskaart, kliek Find My Phone.
  4. Kliek Lock en volg dan die instruksies in die dialoogboksie. Indien jy nie reeds `n wagwoord opgestel het op jou foon nie, sal jy nou een moet insit – jy sal dit gebruik om die foon te ontsluit wanneer jy dit terugkry. Jy kan ook `n boodskap intik wat op jou foon se skerm sal verskyn. Tipies sou dit `n alternatiewe telefoonnommer of e-posadres wees sodat die persoon wat jou foon vind, jou kan kontak.

4. Om jou foon skoon te vee

  1. Op jou rekenaar, maak `n webblaaier oop en gaan na windowsphone.com.
  2. Navigeer na die My Phone afrol-spyskaart, bo regs in die hoek van jou skerm en teken aan met dieselfde Windows Live ID wat jy op jou foon gebruik.
  3. In die My Phone-spyskaart, kliek Find My Phone.
  4. Kliek op Erase. Op die bevestigingskerm, doen een van die volgende:
    • Om jou foon skoon te veel, kies I’m sure! Please erase my phone now, en kliek Erase.
    • As jy van plan verander het, kliek Cancel.

WAARSKUWING

Wees versigtig, hierdie is jou laaste kans om van plan te verander!

Nota

Dis `n goeie idee om vir jou selfoondiensverskaffer te laat weet dat jy jou foon verloor het.

5. Om verstellings te maak aan Find My Phone

Jy kan Find My Phone so opstel dat dit jou ligging elke paar ure stoor of eerder stoot-kennisgewings te gebruik in plaas van teksboodskappe om bevele na jou foon te stuur. Maak hierdie verstellings op jou foon, nie op jou rekenaar nie.

  1. By Start, beweeg links na die Application-lys en druk Settings.
  2. Druk Find My Phone.
  3. Kies een of beide van die volgende:
    • Connect to these features (mag meer batterykrag verg). Die Find My Phone-diens gebruik teksboodskappe om versoeke na jou foon te stuur. Kies hierdie opsie om eerder stoot-kennisgewings te gebruik. Hoekom? Stoot-kennisgewings kan vinniger wees as teksboodskappe, en as jou selfoonverskaffer jou geld vra vir elke inkomende teksboodskap, mag stoot-kennisgewings goedkoper wees.  My Phone kan ook net 15 teksbookdskappe na jou foon binne `n periode van 3 dae stuur. Met stoot-kennisgewings is daar geen beperking nie.
    • Save my location every few hours for better mapping. Microsoft kan jou foon se liggingsdetails elke paar uur stoor sodat, indien jou foon buite ontvangsgebied is of jou battery doodgaan, dit steeds jou selfoon se laaste ligging op `n kaart kan wys.

Oor twee weke kyk ons na opsporingsmeganismes vir Android, Blackberry en Apple slimfone.

[Information supplied by M.Ridoh Rylands, IT HUB]

Selfs e-posse kan gekaap word

Vrydag, November 21st, 2014

1102037_mailDie afgelope tyd word daar toenemend kuberstrikroof-gevalle aangemeld by IT. Die voorkoms hiervan is niks nuut nie, ons het reeds aan die begin van die jaar verslag gedoen oor `n voorval op Tygerberg.

Die risiko van kuberstrikroof, of te wel phishing groei by die dag as gevolg van ons groeiende gebruik van sosiale media soos Facebook, Twitter, Instagram ens. Dis ook hierdie groot webwerwe wat geteiken word omdat daar soveel potensiële data is om te gebruik.

Al hierdie groot webwerwe vereis `n wagwoord en ongelukkig is daar die geneigdheid om dieselfde wagwoord deurlopend te gebruik. Sodra `n kuberkrimineel dus een wagwoord bekom het, het hy toegang tot al jou sosiale netwerke, maar ook tot meer inligting. As jy jou sun-adres op hierdie tipe sosiale netwerke gebruik, stel jy ook die US bloot.

Indien kuberkriminele toegang tot jou sun posbus kry, het hy nie net toegang tot al jou eie en US-inligting nie, maar kan hy ook in jou naam massa e-posse stuur. Die resultaat hiervan is dat die US e-posbedieners lam gelê word deur die onhanteerbare hoeveelheid e-pos en dit implikasies het vir alle gebruikers op kampus.

Tweedens doen dit jou naam skade aangesien jy gesien word as die verantwoordelike persoon, al is jy nie die skuldige nie. Jou adres kan selfs geblok word deur ander bedieners weens hierdie optrede. In `n onlangse geval het IT bewus geword van `n personeellid wat `n slagoffer was van phishing nadat die kantoor van die Vise-President, Cyril Ramaphosa, `n klagte ingedien het.

Moet nooit jou US gebruikersnaam en wagwoord op enige eksterne webwerf gebruik vir toegang nie. Registreer vir jou `n unieke e-pos adres by Google (www.gmail.com), Yahoo of enige gratis e-pos verskaffer. Op so `n manier hou jy jou privaat en werksinligting apart en verminder jy die risiko dat jou e-pos die oorsaak is dat toegang bekom word tot stelsels en sensitiewe inligting.

Addisionele inligting oor phishing kan ook op ons wiki gevind word.

 

© 2013-2025 Disclaimer: The views and opinions expressed in this page are strictly those of the page author(s) and content contributor(s). The contents of this page have not been reviewed or approved by Stellenbosch University.