Reaksie op die skrapping van die LLB (4 jarige) graad deur die Universiteit van die Witwatersrand. Die Fakulteit Regsgeleerdheid van Stellenbosch Universiteit het kennis geneem van mediaberigte rakende die besluit van die Universiteit van die Witwatersrand om nie voortaan die vierjarige voorgraadse LLB program aan te bied nie. Die Stellenbosse Regsfakulteit bevestig dat die vierjarige LLB graad wat deur die Fakulteit aangebied word nie deur die besluit van die Universiteit Witwatersrand geraak word nie en dat daar tans geen planne is om die program te skrap nie. Die Fakulteit volg ʼn holistiese perspektief waardeur deeglike rekening gehou word met die vaardighede waaroor studente beskik, asook die behoeftes van die werkswêreld. Dit volg dus logies dat daar deurlopend krities na die inhoud van al die verskillende regsgrade, naamlik die LLB (4 jaar), LLB (2 jaar nagraads), LLB (3 jaar nagraads), BRekLLB, BCom (Regsgeleerdheid) en BA (Regsgeleerdheid) gekyk word. Die Fakulteit wil beklemtoon dat die inhoud van die regsvakke in die verskillende regsgrade presies dieselfde is ongeag die program wat gevolg word. Die Fakulteit Regsgeleerdheid van die Stellenbosch Universiteit volg verder ʼn streng keuring waar net die beste aansoekers tot die verskillende programme toegelaat word en enige student wat afstudeer kan weet dat hy of sy ʼn deeglike teoretiese begronding in die reg het. Die Fakulteit is verbind tot die proses van regshervorming ten opsigte van regsonderrig wat nasionaal plaasvind. Dit is ʼn proses wat tyd en deeglike besinning verg. Elke Fakulteit is uniek, nie net wat visie betref nie, maar ook die studentekorps. Hierdie Fakulteit beskou steeds die vierjarige LLB program as ‘n waardevolle deel van sy aanbod wat regsgeleerdes van hoë gehalte aflewer. —————————————————————————– Reaction to the discontinuation of the 4 year LLB programme at the University of Witwatersrand. The Faculty of Law of Stellenbosch University noted the decision of the University of the Witwatersrand reported in the media to discontinue its offering of the four-year undergraduate LLB programme. The Stellenbosch Law Faculty confirms that the 4 year LLB (Bachelor of Laws) programme offered by the Faculty will not be affected by the decision taken by the University of Witwatersrand and that there are currently no plans to discontinue this programme. The Faculty follows a holistic perspective taking into account its students’ skills, as well as the needs of the work environment. It therefore logically follows that the contents of the various law degrees, namely the LLB (4 year), LLB (2 year postgraduate), LLB (3 year postgraduate), BAccLLB, BCom (Law) and BA (Law) degrees, offered by Stellenbosch University is critically evaluated on an ongoing basis. The Faculty wishes to emphasise that the contents of the law modules in the various law degrees is identical irrespective of the programme that a student follows. The Faculty of Law of Stellenbosch University furthermore follows a strict selection process of applicants for the various programmes, where only the best applicants are admitted to the programmes and any student that completes their degree can be sure that he or she has a thorough theoretical grounding in the law. The Faculty is committed to the reform process in legal education, which is taking place on national level. This process takes time and requires thorough consideration. Each faculty is unique, not only in respect of the vision of the faculty, but also in terms of its student body. The Faculty of Law at Stellenbosch University considers the four-year LLB programme as a valuable part of its offering that delivers law graduates of high calibre.
WITS Skrapping van LLB graad / Discontinuation of LLB degree
