Language:
SEARCH
  • Onlangse bydraes

  • Kategorieë

  • Argiewe

Kommunikasie

(English) WhatsApp scams

Dinsdag, April 23rd, 2019

Jammer, hierdie bladsy is nie in Afrikaans beskikbaar nie.

E-pos aan groot groepe

Maandag, Augustus 6th, 2018

Soms is dit nodig om e-pos te stuur aan eksterne studente of ander groot groepe mense wat nie deel is van die sun-domein nie. Indien jy tans Outlook verspreidingslyste gebruik, stel ons voor dat jy oorskakel na die veel vriendeliker en funksionele Sympa verspreidingslys bestuursplatform. 

Die Universiteit gebruik reeds vir baie jare suksesvol Sympa as massa e-pos oplossing. Beide personeel en studente gebruik dit reeds om hulle lyste te administreer.

Sympa is e-pos verspreidingslys bestuursagteware (MLM) en het ontstaan in die akademiese rekenaargemeenskap in Frankryk. Die naam is ʼn akroniem vir Système de Multi-Postage Automatique (i.e. Automatic Mailing System) en beteken ook “oulik” of “vriendelik” in Frans. Ons is nie heeltemal seker hoekom die Franse besluit het om hulle e-pos verspreidingstelsel “oulik” te noem nie, maar ons kan bevestig dat dit wel “vriendelik” is om te gebruik.

Deur Sympa te gebruik vir jou groep e-posse, sal jy beter beheer hê oor jou e-posse, asook toegang tot handige funksies soos:

  • stel een of meer moderators aan;
  • bestuur intekenings en uittekenings;
  • skep ʼn gedeelde dokument webspasie vir jou intekenaars;
  • antwoord vrae oor die lys van intekenaars en potensiële intekenaars;
  • lees die lys-argief;
  • soek in die boodskap-argief;
  • hersien die lyslede.

Soos jy kan sien, bied Sympa baie meer funksionaliteit as jou standaard Outlook verspreidingslys. 

Enige personeellid of student kan Sympa gebruik – gaan bloot na https://sympa.sun.ac.za/sympa en volg die instruksies. Indien jy enige hulp nodig het met die opstelling van jou Sympa verspreidingslys, stuur asb. ʼn e-pos na help@sun.ac.za of skakel 808 4367.

`n Splinternuwe voorkoms

Woensdag, Junie 6th, 2018

Om in te lyn wees met die Universiteit se eeufeesvieringe en ook as ʼn poging om ons kommunikasie te standaardiseer vir konsekwentheid en veiligheidsredes, het ons, in samewerking met Korporatiewe Kommunikasie, alle elektroniese kommunikasie wat deur Informasietegnologie versend word, herontwerp. Dit sluit Bits & Bytes, ons nuusbrief, kubersekuriteitsboodskappe, sowel as kennisgewings soos wagwoord veranderinge, internetrekeningstate, ens. in.

Met die nuwe voorkoms hoop ons dit sal vir ons personeel en studente makliker wees om amptelike IT-kommunikasie uit te ken en slegs te reageer op hierdie uniek-ontwerpte boodskappe. 

Informasietegnologie sal nooit vir jou ʼn e-pos stuur om jou rekening te verifieer en dreig om jou rekening te sluit nie. Onthou egter om altyd eerder versigtig te wees en uit te kyk vir sekere phishing-eienskappe. As jy ooit twyfel oor die geldigheid van ʼn e-pos, kontak ons eerder direk by helpinfo@sun.ac.za of x4367. 

Hier is die ontwerpe om voor uit te kyk.(aflaaibare PDF-dokument)

ʼn Spesiale dankie aan Korporatiewe Kommunikasie en Nicolas wat ons met die ontwerpe gehelp het. 

SMiShing: Nou op jou selfoon

Dinsdag, Augustus 1st, 2017

Jammer, hierdie bladsy is nie in Afrikaans beskikbaar nie.

Wangiri-bedrog neem toe

Maandag, Julie 31st, 2017

Volgens MyBroadband het Vodacom, MTN, en Cell C ʼn toename in Wangiri foonbedrog in Suid-Afrika opgemerk. Suid-Afrikaanse selfoongebruikers het ook berig dat hulle toenemend meer verbeurde oproepe van onbekende internasionale nommers ontvang. Oproepe kom van regoor Afrika en Europa, onder andere Guinee, Frankryk en België.

Wangiri is ʼn tipe foonbedrog wat aanvanklik in Japan ontstaan het. Wangiri kan vertaal word as “one (ring) and cut”. Die misdadigers huur ʼn premium-tarief nommer van `n telekommunikasie diensverskaffer  en skakel lukrake nommers deur middel van ʼn outomatiese skakelaar. Die telefoon lui slegs een keer en daarna word die telefoniese verbinding verbreek.

ʼn Outomatiese skakelaar is ʼn elektroniese toestel of programmatuur wat outomaties telefoonnommers skakel. Sodra die oproep beantwoord word, sal die outo-skakelaar normaalweg ʼn opgeneemde boodskap speel of jou verbind aan ʼn persoon. (Wikipedia)

ʼn Verbeurde oproep vertoon op die slagoffer se foon en hy skakel terug aangesien hy dink dat dit vir hom bedoel was. Gevolglik betaal hy `n buitensporige bedrag wat reguit in die misdadigers se rekeninge inbetaal word. 

Beide CellC en MTN het hulle kliënte versoek om nie enige verbeurde oproepe te beantwoord nie. Moenie ʼn nommer terugbel wat jy nie herken nie. Indien dit ʼn regte oproep is, sal die persoon jou terugbel of ʼn stempos los. 

Wangiri is slegs een voorbeeld van foonbedrog. Lees meer oor die ander variasies op Wikipedia.

 

[BRONNE: https://readstudyshare.wordpress.com; www.wikipedia.com]

 

© 2013-2019 Disclaimer: The views and opinions expressed in this page are strictly those of the page author(s) and content contributor(s). The contents of this page have not been reviewed or approved by Stellenbosch University.