Language:
SEARCH
  • Onlangse bydraes

  • Kategorieë

  • Argiewe

cyber security

Hoe om phishing-pogings te fnuik

Vrydag, Mei 24th, 2019

Ons word dikwels deur personeel en studente gevra wat hulle kan doen om phishing-aanvalle te stop en watter sagteware hulle kan installeer om te voorkom dat hulle slagoffers daarvan word. In sommige gevalle het studente selfs versoek dat hulle rekenaars reggemaak moet word en sagteware installeer moet word om phishing-aanvalle te blok.

Ongelukkig is dit ʼn onmoontlike versoek. Net soos jy ʼn gewone verkoue nie kan voorkom nie, maar eerder ʼn spesifieke lewensstyl  en voorkomende maatreëls kan toepas om die risiko vir besmetting te voorkom, geld dieselfde vir phishing-aanvalle. En net soos verkoues, gaan kubersekuriteitsrisiko’s altyd daar wees en sal hulle aanpas en verander. Solank daar mense is wat oningelig of nalatig is, sal phishing-aanvalle voortduur.

Die beste manier om jou risiko te verminder is om alle agterdogtige phishing-pogings aan te meld op die ICT Partner Portal. (Meer volledige inligting aan die einde van hierdie artikel) Intussen is hier `n paar basiese reëls wat jou kan help om phishing uit te ken:

  • Gebruik logika
    Moet nooit op skakels kliek, lêers aflaai or aanhangsels oopmaak in e-pos of sosiale media nie, selfs al lyk dit of dit van ʼn bekende, betroubare bron kom. 
  • Oppas vir kort skakels
    Kyk veral krities na kort skakels. Hou altyd die muis oor `n webskakel in ʼn e-pos (bekend as “hovering”) om te kyk of jy na die regte webwerf herlei word. 
  • Lyk die e-pos verdag?
    Lees dit weer. Baie phishing e-posse is voor-die-hand-liggend en sal onoortuigende en algemeen verdagte inhoud bevat.
  • Wees versigtig vir dreigemente en dringende spertye
    Dreigemente en dringendheid, veral komende van ʼn skynbaar egte maatskappye, gee gou die phishing-poging weg. Ignoreer die bangmaaktruuks en kontak eerder die maatskappy telefonies. 
  • Navigeer eerder veilig met HTTPS
    Gebruik altyd, waar moontlik `n veilige webwerf, aangedui deur https:// en `n “slot” ikoon in die blaaier se adresstaaf.
  • Moet nooit publieke, onsekure Wi-Fi vir banksake, aankope of invoer van persoonlike inligting gebruik nie – dit sluit Maties Wi-Fi in
    Gerief behoort nooit meer belangrik as veiligheid te wees nie. 

Wanneer jy ʼn phishing e-pos ontvang, rapporteer dit so gou as moontlik. Daarna kan jy dit dadelik uitvee. 

Jy kan dit rapporteer op die IT se versoekaantekenstelsel, die ICT Partner Portal.

  • Gaan na die ICT Partner Portal.
  • Vul jou inligting in en heg die e-pos as ʼn aanhangsel aan. Jou versoek sal outomaties aangeteken word en die nodige maatreëls sal getref word deur ons stelseladministrateurs om die res van die kampus te beskerm.

[ARTIKEL DEUR DAVID WILES]

Kubersekuriteit-bewustheidsmaand: Algemene wagwoorde

Woensdag, Oktober 3rd, 2018

Datasekuriteit wêreldwyd is die afgelope twee jaar ʼn stewige knou toegedien met ʼn groot getal wyd-gepubliseerde kuberkraak-insident, databreuke en afpersing-insidente.

SplashData publiseer jaarliks ʼn lys van die algemeenste wagwoorde. Die lys word saamgestel deur data te gebruik van meer as vyf miljoen wagwoorde wat uitgelek is deur kuberkrakers in 2018. Die enigste gevolgtrekking waartoe ons kan kom as ons na die lys kyk, is dat ons steeds nie leer uit ons foute nie.

Wagwoorde wat maklik is om te raai word steeds deurlopend gebruik om belangrike inligting te beskerm. “123456” en “password” staan steeds sterk in die eerste en tweede plek op die lys — vir die vyfde jaar opeenvolgend. Daarbenewens maak die twee swakste wagwoorde ook deel uit van ses ander wagwoorde op die lys.  

SplashData raai dat ongeveer 10% mense ten minste een van die 25 swakste wagwoorde op dié jaar se lys gebruik en amper 3% gebruik die swakste een — 123456

Hier is die lys van die top 10 wagwoorde vir 2018:

  1. 123456
  2. password
  3. 12345678
  4. qwerty
  5. 12345
  6. 123456789
  7. letmein
  8. 1234567
  9. football
  10. iloveyou

ʼn Ander populêre keuse is 1q2w3e4r5t.Dit mag redelik kripties lyk, maar as jy na jou rekenaar se sleutelbord kyk is dit maklik om te raai.

Not so clever passsword

Die meeste rekenaargebruikers onderskat steeds die belangrikheid van ʼn sterk, veilige wagwoord en gebruik steeds eenvoudige woorde of nommers as hulle wagwoorde. 

“Passwords are the only control you have to secure your data with most systems these days. If your password is easily guessed by someone, then the person essentially becomes you. Use the same password across services and devices, and they can take over your digital identity.” Shaun Murphy, CEO of SNDR.

In die volgende artikel vir Kubersekuriteit-bewustheidsmaand kyk ons hoe om ʼn sterk wagwoord te kies wat jy ook maklik sal onthou. 

 

(English) E-mail scam with subject: “morning”

Woensdag, Desember 13th, 2017

Jammer, hierdie bladsy is nie in Afrikaans beskikbaar nie.

 

© 2013-2020 Disclaimer: The views and opinions expressed in this page are strictly those of the page author(s) and content contributor(s). The contents of this page have not been reviewed or approved by Stellenbosch University.