Moderne berekeningshulpmiddels is belangrik in verskeie dissiplines, en veral noodsaaklik in studievelde waar gesofistikeerde wiskunde, komplekse getalle of die verwerking van groot hoeveelheid data vereis word. Mettertyd het elke veld sy eie versameling gespesialiseerde oplossings of pakkette ontwikkel.
’n Kampuswye lisensie is egter onlangs verkry vir die pakket Mathematica wat deur Wolfram Research Inc ontwikkel is. Mathematica is een van ’n baie klein groep buitengewoon kragtige, hoëvlak sagtewarepakkette wat spesialiseer in gevorderde algebra, getalle en beeldverwerkingsberekenings.
By die Universiteit Stellenbosch het kollegas dit reeds met welslae gebruik in die biologiese, wiskundige en fisiese wetenskappe, sowel as in die ekonomiese en bestuurswetenskappe in beide onderrig en navorsing. Dit is dus regtig die moeite werd om uit te vind of dit ook toepaslik vir jou akademiese werk kan wees.
Bykomend tot sy funksie as ’n hoëprestasie navorsingshulpmiddel, het dit ook ontwikkel tot ’n doeltreffende, gebruikersvriendelike onderrig-instrument. Dit is kragtiger as enige ander algemene simbool-manipulasiepakket en boonop maklik om te gebruik op basisvlak. Mathematica plaas die klem op die berekening van wiskundige objekte en kom met sy eie formele taal. Dit is gekoppel aan ’n uitgebreide, geouditeerde databasis waarmee sommige leerders dalk al kennis gemaak het deur die Wolfram Alpha-webwerf.
Vir `n lisensie vir die gebruik van die Mathematica sagteware, kontak narga@sun.ac.za.
[Artikel deur Kristian Muller-Nedebock]
As jy `n Windows 7 of 8.1 gebruiker is, sou jy dalk gedurende die afgelope twee weke `n kennisgewing van Microsoft op jou skerm sien opspring het. Hierdie poging is deel van ‘n baie direkte bemarkingsveldtog vir hul nuutste produk, die Windows 10 bedryfstelsel.
Kaspersky Lab, `n maatskappy wat hulle roem daarop dat hulle sekuriteitsdeskundiges is, het `n projek begin wat die gevaar van kubermisdaad op `n meer visuele, verstaanbare en interaktiewe manier demonstreer.