Sekuriteit « Informasietegnologie

Sekuriteit

Selfoon voete gekry?

Vrydag, Oktober 26th, 2012

Jy ken daardie nare gevoel as jy besef jy het jou sleutels/ beursie of selfoon verloor? Wel, ons kan raadgee vir die verlore selfoon …

As jou selfoon gesteel is, is daar maniere om te keer dat wie ookal sy hande op jou selfoon gekry het, nie ook jou data en persoonlike inligting te siene kry nie. Sommige toepassings kan selfs die ligging van jou foon bepaal.

Watter metode jy kan gebruik hang af van watter foon jy het.

1. BlackBerry

BlackBerry Protect is `n gratis toepassing wat jou kan help om jou verlore BlackBerry op te spoor en ook om die inligting daarop veilig te hou.

As jy jou BlackBerry verloor het, kan jy bloot aanteken op die BlackBerry Protect webwerf en jou toestel sluit sodat die persoon wat dit het, dit nie kan gebruik nie. As jy vermoed jy gaan dit nie gou weer sien nie en jy nie wil hê engiemand moet jou persoonlike inligting in die hande kry nie, verwyder net eenvoudig via die webwerf jou inligting en ook jou mikroSD-kaart. As jy geregistreer is as `n gebruiker op Blackberry se Enterprise Server, kan die toestel ook via die bediener skoongevee word.

As jy bloot jou selfoon in die diep donkertes van jou handsak verloor het, is daar die opsie om dit te sluit en `n boodskap op die tuisskerm te laat verskyn vir die persoon wat dit kry. Deur middel van GPS is dit dan moontlik om die ligging op `n kaart te kry en dit weer te kry. Of, as jy vermoed jou selfoon is binne hoorafstand, stel die volume op sy hardste en jy behoort gou die verlore foon te kan naspeur.

Buiten hiervoor kan die diens ook jou kontakte, kalender en boekmerke wireless rugsteun. Laasgenoemde word outomaties gedoen en so gereeld soos jy verkies (daagliks, maandeliks of weekliks).

Indien jy `n nuwe BlackBerry gekoop het, kan jy met BlackBerry Protect jou toestel gerugsteunde verstellings, kontakte en kalenderitems weer terugkry.

2. iPhone

Apple-gebruikers kan gebruikmaak van Find My iPhone via die iCloud-fasiliteit.

Teken in by iCloud.com of gebruik die Find My iPhone toepassing op `n ander toestel om jou foon op `n kaart op te spoor, `n boodskap op sy skerm te vertoon, die toestel slegs toeganklik te maak dmv ‘n wagwoord, of om jou data te uit te vee.

Met iOS 6, bied iCloud ook Lost Mode, wat dit nog makliker maak om jou foon op te spoor. Lost Mode sluit dadelik jou foon met `n viersyfer wagwoord en stuur `n boodskap na die foon met `n kontaknommer.

As die foon in Lost Mode is, hou dit ook deurentyd rekord van waar dit was en gee dit aan jou `n verslag wanneer jy aanteken op iCloud.com of op die Find My iPhone toepassing.

3. Android

Indien Google Sync gekonfigureer is op jou foon of die Google Apps Device Policy toepassing op jou Android, kan jy ook jou data vanaf `n ander toestel afvee. Gebruik hierdie funksie as jou foon gesteel of verlore is om die data op die toestel af te vee en te herstel na sy oorspronklike formaat.

Onthou net, as jy die remote wipe-funksie gebruik, word alle toestel-gebaseerde data heeltemal afgevee – e-pos, kalender en kontakte. Dit kan egter nie die data wat op die SD-kaart is verwyder nie.

(SOURCES: www.techradar.com;

Posted in Konnektiwiteit, Algemeen, Sekuriteit | Comments Off on Selfoon voete gekry?

Nuwe prosedures vir Outlook-opstelling op Android veroorsaak verwarring

Vrydag, Oktober 26th, 2012

Met die onlangse opgradering van Exchange is gebruikers gekonfronteer met `n paar ongewone vrae as hulle e-pos wou opstel op Android-fone. Maar eintlik is dit minder intimiderend as wat dit met eerste oogopslag lyk.

Sodra die standaard Outlook-opstelling gedoen word (kliek hier vir die volledige instruksies), verskyn “Activate device administrator “ met `n lang lys opsies – onder andere Erase all data, Change Screen unlock password, Password recovery . Hierdie boodskap is standaard vir enige opstelling van Exchange/Outlook vir `n Android foon so moenie skrik of bekommerd wees nie.Dit dui slegs aan wat die toepassing alles kan doen. Ander fabrikate/bedryfstelsel fone ondersteun moontlik dieselfde eienskappe, maar vertoon dit nie soos Android aan die gebruiker wanneer die program installeer word nie.

Die teks wat vertoon word is standaard vir die spesifieke Android-toepassing – IT het geen beheer daaroor nie. Dis ook standardpraktyk by verskeie universiteite wat MS Exchange gebruik.

Onder die opsies wat verskyn is die volgende – Erase all data: Perform a factory reset, deleting all of your data without any confirmation. Vanselfsprekend het hierdie opsie veral vrae laat ontstaan. As ons egter na die Exchange-implementasie kyk, is dit duidelik dat die posbuseienaar die enigste persoon is wat die handstuk kan skoonvee.

Hierdie en ook ander voordele en ekstra e-pos funksionaliteit, is na installasie aan die Androidgebruiker beskikbaar op www.sun.ac.za/webmail. In webmail, onder Options -> See All Options -> Phone -> Mobile Phones is daar verskeie funksies beskikbaar aan gebruikers.

Sync Logging: Stel jou in staat om die sinkronisasieproses te ondersoek, te selekteer watter data jy gesinkroniseer wil hê, watter bedieners gebruik moet word, ens.

Remote Wipe: Met hierdie opsie kan jy jou foon se data (kontakte, sms’e, foto’s ens.) afvee, indien dit in die verkeerde hande sou beland. Die foon sal slegs sy oorspronklikr fabrieksopstelling ophê. SLEGS die e-pos gebruiker het regte tot die funksie – niemand anders kan toegang kry nie.

Details: Wys presies watter toestel dit is, model, en sagteware weergawes, ens.

Delete Device: Dit verwyder die verbinding van Exchange se kant af na die toestel.Indien jy dit doen via webmail, sal die persoon wat jou foon het nie weer `n Exchange-opstelling kan doen nie. Jou data bly dus beskerm.

(INLIGTING VERSKAF DEUR FRANCOIS DE KOKER)

Tags: Android, selfoon, Outlook
Posted in Konnektiwiteit, Algemeen, Sekuriteit | Comments Off on Nuwe prosedures vir Outlook-opstelling op Android veroorsaak verwarring

Skype-gebruikers geteiken deur “ransomware”

Vrydag, Oktober 12th, 2012

Skype gebruikers is tans die teiken van ransomware deur middel van `n boodskap wat voorkom asof dit vanaf iemand in jou kontaklys kom.

Die boodskap lui “lol is this your new profile pic?”, gevolg deur `n skakel. As Skype-gebruikers op die skakel kliek, laai `n zip leêr wat `n uitvoerbare program bevat, af en word die rekenaar se stelsel besmet.

Die stelsel is gevolglik ontoeganklik en wys slegs `n boodskap wat geld vereis.

Meer oor die Skype ransomware.

BRON: www.mybroadband.co.za

Tags: ransomware, skype
Posted in Kommunikasie, Sekuriteit | Comments Off on Skype-gebruikers geteiken deur “ransomware”

Wat is “ransomware”?

Vrydag, Oktober 12th, 2012

Die term ransomware sal enige mens laat kopkrap. Hoe kan sagteware `n rekenaar gyselaar hou? Of raak tegnologie deesdae so slim dat dit alles kan oorneem?

Die beskrywing is egter nie so vergesog nie. Ransomware is inderwaarheid deel van `n groep kwaadwillige rekenaarsagteware genaamd malware, wat op onderduimse wyses op jou rekenaar beland en geld of data van jou eis. So `n program kan installeer word deur middel van `n e-pos aanhangsel, `n besmette program of `n kwaadwillige, onveilige webwerf. “Ransomware” staan ook bekend as acryptovirus, cryptotrojan of cryptoworm.

Die sagteware ontvoer as’t ware jou data deur dit te enkripteer, beperk toegang tot jou rekenaar en vertoon vervolgens `n boodskap om jou so ver te kry om geld te betaal om weer toegang daartoe te kry. Die enigste manier hoe jy weer jou data en rekenaar kan gebruik, is deur middel van `n enkripsie sleutel wat natuurlik net verskaf kan word teen `n fooi en deur die eienaar van die sagteware wat in die eerste plek jou rekenaar oorgeneem het.

`n Meer onlangse weergawe van die sagteware laat nie vir die gebruiker weet dat dit geinstalleer is op sy rekenaar nie, maar vertrou op jou om inligting oor jou “probleem” te gaan soek op die internet en dan sagteware op geldige internetwebwerwe te koop om dit op te los. Laasgenoemde word natuurlik verkoop deur dieselfde persoon wat die oorspronklike ransomware ook geskryf het.

Ransomware is nie `n nuwe verskynsel nie. In 1996 het sekuriteitsdeskundiges by Columbia Universiteit en IBM reeds `n verhandeling genaamd “Cryptovirology: Extortion-Based Security Threats and Countermeasures,” geskryf wat die sagteware duidelik omskryf. Besighede was egter in die verlede die grootste teikens.

In Maart 2006 is ransomware met die naam Crypzip of Zippo gestuur aan `n groep internetgebruikers. Diegene wat die program ontvang het, het ook `n e-pos onvang met `n losprys nota wat $300 eis as hulle hul data ontsluit wil hê.

Gelukkig beskik die meeste antivirus verskaffers se programme oor maniere om die bekende weergawes van randomware te blok. Niks is egter 100% veilig nie. Om te verseker jy beland nie in hierdie netelige situasie nie, rugsteun gereeld jou data, wees versigtig as jy op die internet is en moenie e-pos aanhangsels van onbekende bronne oopmaak nie.

Meer inligting oor die nuutste ransomware wat Skype gebruikers teiken.

SOURCE: Wikipedia, Microsoft en Techtarget.

Tags: data, malware, ransomware, sekuriteit
Posted in Algemeen, Sekuriteit | Comments Off on Wat is “ransomware”?

Nuwe “malware” veroorsaak ontwrigting

Dinsdag, Oktober 9th, 2012

Enkele nuwe gevalle waar “malware” rekenaars besmet, word tans op kampus ervaar.

Indien `n venstertjie van `n onbekende bron skielik verskyn en waarsku teen `n virus, moet liefs nie daarop kliek of dit selfs skuif nieDie close-knoppie, sowel as enige poging om dit rond te skuif op jou skerm, aktiveer die malware. Dit kan wel met Task manager toegemaak word.

IT Dienstoonbank: 021 808 4367

Tags: malware
Posted in Sekuriteit | Comments Off on Nuwe “malware” veroorsaak ontwrigting

IT skakels

US skakels

Onlangse bydraes

Kategorieë

Argiewe