Language:
SEARCH
  • Onlangse bydraes

  • Kategorieë

  • Argiewe

Opleiding

Aanlyn Excel opleiding nou beskikbaar

Maandag, Junie 15th, 2020

As jy jou Excel-vaardighede wil opskerp het ons net die oplossing vir jou.

Jy kan nou ʼn aanlyn Excel-kursus volg wat al die Microsoft Office Excel 2019 inhoud dek wat jy nodig het om internasionaal gesertifiseer te wees. Dit sal kursusgangers ook help om hulleself te orienteer binne die Office 2019 en 365-omgewing. 

Die kursus vind plaas oor vier dae en daar is vaste opleidingsperiodes waaruit jy kan kies. 

Die enigste vereistes is dat jy rekenaargeletterd is en oor ʼn tafel- of skootrekenaar, Office365 en ʼn internetverbinding beskik. 

Om in te skryf vir die kursus, kan jy registreer op SUN-e-HR. Navigeer na my.sun.ac.za, kliek op die my.sun.ac.za oortjie en teken aan met jou sun-rekeningdetails. Nadat jy aangeteken het, gaan na Training and development-> Learner Home->Information Technology en die opsie vir die Excel-kursus sal sigbaar wees.

Sodra jy geregistreer is sal StellieTech, die maatskappy verantwoordelik vir die opleiding, jou kontak. Hulle instrukteurs sal saam met jou jou vordering met die opleiding monitor, jou bystaan en sekermaak dat jy op die regte spoor bly met die program.

Die opleidingmateriaal wat gedek word, is presies dieselfde materiaal wat gedek word in StellieTech opleidingsentrums. Al hierdie sentrums voldoen aan globale industriestandaarde en internasionaal geakkrediteerde sertifisering.

Op die platform sal jy julle pre-toetse vind, opleidingsvideo’s, oefen-simulasies, post-toetse en aflaaibare werkboeke. Al die inligting is duidelik uiteengesit op die platform en baie gebruikersvriendelik. 

Meer gedetailleerde inligting oor die Excel-kursus.

Aanlyn opname-funksionaliteit vir US-personeel en studente

Dinsdag, Mei 12th, 2020

 

Die webgebaseerde e-Opname diens (SUNSurveys) is beskikbaar om akademiese personeel en studente aan Stellenbosch Universiteit te ondersteun in die gebruik van opnames vir akademiese navorsing. SUNsurveys word ook gereeld gebruik om die opinies van personeel deur middel van `n stemproses en diensverskaffingsopnames te peil.

Informasietegnologie gebruik Checkbox as platform vir ons opnames. Checkbox is `n intuïtiewe hulpmiddel waarmee opnames geskep kan word en wat terselfdertyd intydse verslaggewing bied, sowel as die geleentheid  vir pasgemaakte opnames.

Om te registreer vir die gebruik van Checkbox en amptelike Universiteit Stellenbosch opnames uit te stuur, kan jy aanlyn aansoek doen. Verdere inligting is beskikbaar op ons Dienskatalogus.

Sodra jy geregistreer is, sal deurlopende ondersteuning beskikbaar wees om jou te help om jou opname op te stel. Opleiding is ook beskikbaar indien nodig. Daarbenewens het Checkbox gedetaileerde selfhelpgidse wat jou sal kan help met enige moontlike probleem wat jy teëkom. 

Neem kennis dat enige opnames vir navorsingsdoeleides eers institusionele toestemming moet bekom. Volledige inligting is op Inligtingsoorsigbestuur se webwerf beskikbaar.

Vir enige verdere navrae, teken asb. `n versoek aan op ons ICT Partner Portal.

Gratis digitale geletterdheidsopleiding

Dinsdag, Oktober 1st, 2019

Ons opleidingdiensverskaffer, StellieTech, bied tans ’n 3-dag Digitale Geletterdheidskursus aan. Die kursus is gratis vir US-personeel, maar sitplekke is beperk, so jy moet spring as jy belangstel. (sien onder vir meer detail oor inhoud, vereistes, ens,)

Die kursus is gratis vir US-personeel, maar sitplekke is beperk, so jy moet spring as jy belangstel.

Om te registreer, gaan na Sun e hr-> SUN Employee Self service-> Training and Development-> Learner Home-> Information Technology en die kursus sal daar gelys wees.

 


 

Tydsduur: 3 dae

Aanbevole vereistes: Basiese rekenaarvaardighede

Bewys van opleiding: StellieTech Voltooiingsertifikaat

Eksaminering: Gegradeerde pre- en -post bepalings tussen lesse.

Oorsig: Hierdie kursus poog om leerders toe te rus met die kennis en waardering vir die besigheidsomgewing en om hulle te bemagtig om doeltreffend en effektief in die kantoor op te tree.

Kursusdoelwitte:

·         Verkry insig t.o.v. die internet en hoe om hierdie vaardighede in die werkplek te gebruik. 

·         Leer om ’n effektiewe assistent te wees deur tegnologie te gebruik om produktiwiteit te verbeter. 

·         Rekenaaropleiding en basiese take is nodig om gesertifiseer te word as ’n rekenaargebruiker.

Kursusoorsig

Sessie 1: Werk met die Internet

  • Internet
  • Navigasie en mediageletterdheid
  • Webblaaier-funksionaliteit
  • Regte en gebruik
  • E-pos kliënte
  • Kalenders
  • Kommunikasiemetodes
  • Digitale burgerskap

Session 2: Fundamentele aspekte

  • Appararatuur
  • Basiese Internet
  • Mobiele toestelle
  • Programmatuur-argitektuur
  • Lêer en -programmatuurbestuur
  • Foutbepaling

Microsoft 365 vs. Office 365: Wat is die verskil?

Dinsdag, Junie 4th, 2019

Microsoft 365 vs. Office 365: Wat is die verskil?

Konsekwentheid van produkname is belangrik as jy nie jou kliënte wil verwar nie, maar as jy veelvuldige produkte met verskeie weergawes het, kan dinge begin deurmekaar raak. Ja, Microsoft, ons kyk na jou…

Microsoft het Microsoft 365, ’n groep bestaande produkte, onder een lisensie bekendgestel. Die naam is soortgelyk aan die reeds bestaande Office 365 (en die onlangse naamverandering van Dynamics 365). Heelwat mense het in der waarheid alreeds Office 365 eerder Microsoft 365 begin noem.

So dis maklik om te sien hoe hierdie twee produkte verwar kan word met mekaar. Dit raak selfs meer verwarrend as jy besef dat Microsoft 365 ook Office 365 insluit.

Kom ons kyk na die verskille:

Die kort weergawe

Office 365 is ’n wolkgebaseerde stel produktiwiteitstoepassings soos Outlook, Word, PowerPoint, ens. Microsoft 365 is ’n groep dienste wat Office 365 insluit, sowel as etlike ander dienste, insluitende Windows 10 Enterprise.

Die lang weergawe

Office 365

Office 365 is ’n wolkgebaseerde stel toepassings en dienste gebou rondom produktiwiteit in besigheid. Dit sluit toepassings in wat jy waarskynlik reeds ken, soos Microsoft Outlook, Word, PowerPoint, Excel, Skype for Business, SharePoint, OneDrive en Teams, sowel as ander kragtige produktiwiteit-, saamwerk- en sekuriteitseienskappe.

Microsoft 365

Microsoft 365 is ’n groep dienste wat Office 365 insluit. Dit sluit ook Windows 10 Enterprise, Enterprise Mobility + Security (EMS) en masjienleer in. Soos die naam aandui is dit meer gerig op groter organisasies wat ’n enkele, veilige platform benodig waar daar gedeel en saamgewerk moet word. Dit sluit sterk data-eienskappe bo en behalwe Windows 10 Pro en Office 365.

Wat is ingesluit by Microsoft 365 in vergelyking met Office 365?

Beide produkte het die vermoeë om volledig geïnstalleerde Office-toepassings op fone, tablette en PCs te loop, sowel as die webblaaier weergawes. Jy kry 1TB persoonlike stoorplek vir jou lêers, besigheid e-posse en kalenders. Jy het ook toegang tot Skype for Business vir kitsboodskappe en video-oproepe, sowel as Microsoft Teams en nuwe hulpmiddels soos Delve en Planner.

Die verskil kom in by die bestuur van toestelle. Anders as Office 365, kom Microsoft 365 met ’n enkele konsole waar gebruikers en toestelle bestuur kan word. Jy kan ook outomaties Office-toepassings uitrol na Windows 10 PCs.

Office 365 het geen sekuriteitshulpmiddele nie. Die alternatief het die vermoeë om data te beskerm oor verskeie toestelle en ook veilige toegang. Jy kan ook Windows 10 toestelle beskerm teen risiko’s soos malware deur middel van Windows Defender.

[ARTIKEL DEUR MANDY WANZA]

Excel-kursusse vir personeel

Dinsdag, Junie 4th, 2019

Die volgende drie-dag Excel-kursusse is nou eksklusief beskikbaar vir US-personeel: 

1, 2, 3 July  (Stellietech) Launchlab, STB

29, 30 31 July (Stellietech) Launchlab, STB

12,13,14 August (Stellietech) Gerga, TYG

Om te registreer vir hierdie kursusse, gaan na die Sun-e-hr portal en kliek op SUN EMPLOYEE SELF-SERVICE => Training and Development => Course Catalogue => Information Technology

Meer inligting oor die kursus. Enige ander navrae kan gerig word aan itkursus@sun.ac.za

 

 

© 2013-2020 Disclaimer: The views and opinions expressed in this page are strictly those of the page author(s) and content contributor(s). The contents of this page have not been reviewed or approved by Stellenbosch University.